radheef.info
ރަދީފު


ހާ
ނ (1) ކުކުޅުގެ ފިރިހެން އެތި. (2) އަތޮޅެއްގެ އެތެރެވަރީގައި ވަށައިގެން ތިލަ ކައިރިފަށެއް އޮތުމާއެކު އެތެރެ ފުންކޮށް ހުންނަ ތަންތަން. މިސާލު: އެދޯނި މިއަދު އެން އެޅީ ވަރަށް ދުރުގައި އޮތް ހަލަކުންނެވެ. (3) ބައެއް އެއްޗެހީގެ އެތިއެތިކޮޅު. މިސާލު: އުޑުމަތީގައި ހާވިލާ ވަރަށްގިނައެވެ. )ށ( ތިޔަ ހާމަސްކޮޅު ގެންނާށެވެ. )ނ( ހާރަން. (4) ލައްޕާފައި ހުންނަ ބައެއްތަކެތި ހުޅުވައިލުން. މިސާލު: ފޮށީގެ މަތި ހާކޮށްފި އެވެ. (5) ފޭ. މިސާލު: ދޮރުފަތުގެ ހިންމި މިހިރީ ހާވެފައެވެ. (6) އެއްޗެއްގެ ފޭރާން ދެރަކަމުން ނުވަތަ އެއްޗެއްގައި ހުންނަ ބާކޮޅަކުން ނުވަތަ އެއްޗެއްގެ ހިންމި ދުރުވެގެން އެއްފަރާތުން އަނެއްފަރާތް ފެންނަފެނުން މިސާލު: މިތަނުން އަދިވެސް އެބަ ހާއަޅައެވެ މިބަހުގެ 4 5 މިދެނަންބަރުގައިވާ ހާ އިން ކޮންމެވެސް އެއްޗަކާ ގުޅުވައިގެން މެނުވީ މާނައެއް ދޭހައެއް ނުވެއެވެ މިސާލު: ހާވުން ހާކުރުން
ދަނޑުފަނގު
ނ ގަސްގަހާގެހި ހައްދާ ދަނޑާއި އާމްދަނީ ލިބޭ ހިންނަފަދަ ތަންތަން
ދަން
ނ (1) ތިންގަޑިއިރުގެ ވަގުތު. (2) ދުވަހެއްގެ އަށްބައިކުޅަ އެއްބައި. މިސާލު: ދަމަކަށް އިރުއަރައިފިއެވެ. (3) ދިއުން މިބަހުގެ ވާކަން )ވާހަކަ ދައްކާ ފުރަތަމަ މީހާ ބުނާގޮތް( މިސާލު: އަހަރެން އެގެއަށްދަން (4) ރޭގަނޑާ ނިސްބަތްކޮށް މާލަސްވެއްޖެއޭ ބުނާގޮތް
ދަންނަމީހާ
ނ (1) ކަންތައްތައް އެނގޭ މީހާ (2) ފެނިދެނިވެފައިވާ މީހާ
ދަންބެރު
ނ އިހުގައި ރޭގަނޑު އެގާރަޖެހީމާ ޖަހާބެރު
ދަންބެރުބޭލުން
މ ދަންބެރު ޖަހާންވާވަގުތު ދަންބެރު ނުޖެހިއްޖެނަމަ ދަންބެރު ޖަހާން އޮންނަ ބެރާއި ދަނޑިގަނޑު ނާބުސްޚާނުން ބާލައިގެން ދެގެދޭތެރެއަށް ގެންދިއުން މިހެންހަދަނީ ދަންބެރުޖަހާ މީހާ ޖޫރިމަނާ ކުރުމަށެވެ ދަންބެރު ބާލައިފިނަމަ ބެރުލިބޭނީ ބޮޑުބޭކަލަކު މެދުވެރިކޮށް ރަދުންނަށް އަށްލާރިން ވެދުން ކޮށްގެންނެވެ
ދަންބެރުޖެހުން
މ އިހުގައި ރޭގަނޑުގެ އެގާރަ ޖަހާއިރު ނާބުސްޚާނުންޖަހާ ބެރެއް ޖެހުން
ދަންބެރެއްހާއިރު
ނ ރޭގަނޑުގެ އެގާރަޖަހާ އެހާކަންހާއިރު
ދަންމަރު
ނ (1) ތެޔޮއަޅައިގެން ރޯކުރާގޮތަށް ހަދައިފައި ހުންނަ އަލިކުރާ އެއްޗެއް މިއީ ފުލުގައި ދަނޑިއެއްލައިފައި އެއްތަނުން އަނެއްތަނަށް ގެންދެވޭ ގޮތަށް ހުންނަ އެއްޗެކެވެ (2) މަޖާޒު: ތަނެއް ނުވަތަ ބަޔަކު އިސްލާޙުކޮށް ތަރައްޤީ ކުރާމީހާ
ދަންމަރުވުން
މ (1) ފާޅުވުން (2) ހާމަވުން
ދަންދެލި
ނ (1) ފިހާތަކެތި ބޭނުން ނުހިފޭވަރަށް އަނދައި ދެއްޔަށްވާވުން (2) )މ ( އެއްޗެއްމާބޮޑަށް ހިކިހަރުވުން މިސާލު: ހިކި ދަނދެލިކާއްޓެއް
ދަންތުރަ
ނ (1) އެއްގަމުގައިއުޅޭ ބައެއްކަހަލަ ދިރޭއެއްޗެހި ހިފުމަށްޓަކައި ޖަހާމަޅިއެއް މިމަޅިވަރަށް ގިނަގޮތްގޮތަށް ޖަހައެވެ (2) މަޖާޒު: މީހަކަށް ކެއްސެއް ދިނުމަށްޓަކައި ރާވާ ރޭވުން
ދަންޖެއްސުން
މ މީހަކު މެރުމަށްޓަކައި އެމީހާގެ ކަރުގައި މަޅިއެއް ބައްދައި އެލުވައިލުން
ދަރަނަ
ނ (1) ތަނަކަށް ނިސްބަތްވާ ހުރިހާ ތަކެތި (2) ޢިމާރާތާގުޅޭ ހުރިހާ ތަނެއް
ދަރަނިވެރިޔާ
ނ ދަރައިފައިވާ މީހާ
ދަރާވިކުން
މ (1) މާބޮޑަށް ދަރަނިވެރިވުން (2) މަޖާޒު: މީހެއްގެ އަތުން މާގިނަ އެއްޗެހިތަކެއް ބޭނުން ކުރުމުގެ ސަބަބަބުން އެމީހާގެ ދަށުވުން
ދަރި
ނ (1) ބަނޑުއަޅައި ވިހާ ނުވަތަ ބަނޑުގައި އުފެދޭ ކުއްޖާ (2) ބިހުންއުފެދޭ ޅައެތި (3) ބައެއްޖަނަވާރާއި ބައެއް މަސްމަހާމެހި ބަނޑުއަޅައި ވިހާ ނުވަތަ ބަނޑުގައި އުފެދޭ އެތި (4) ނަސްލަކުން އުފެދޭ ކޮންމެ އެއްޗެއް (5) މަޖާޒު: ޤައުމަކަށް ނުވަތަ ރަށަކަށް ނިސްބަތްވާ މީހެއް މިސާލު: ދިވެހިދަރިއެއް
ދަރިވަރު
ނ (1) ކިޔަވާކުއްޖާ (2) އުނގެނޭމީހާ
ދަރުނުކަށައަރުދާނަ
ނ )ބދ ( އެންމެހައި ރާއްޖެތައް ލިބިގަތްމީހާ
ދަރުނުކަރައަރުދާނަ
ނއ )ބދ ( އެއްރާއްޖެ މިލްކުވެގެންވާ މީހާ
ދަރުމަހަނޑޫ
ނ އިހުގައި ވަޒީފާއެއްނެތި ދެއްވާ ހަނޑޫ. މިހަނޑޫ ދެއްވަނީ ބަނޑުހަނޑޫ އޮންނަ ހަނގު ބޭކަލަކު މަރުވެއްޖެނަމަ އެމީހާއަށް އޮންނަ ހަނޑޫ އެމީހެއްގެ އަނބިދަރީންނަށް ވަޒީފާއަކާ ނުލައެވެ