radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ކަހާތަންހިރުވައިވެސްނުލުން
)މިސާލުބަހެއް( ތިމާ ދައްކާ ވާހަކަޔަކަށް އަނެކަކު ދެނަހުރި ކަމަށްވެސް ނެހެދުން
ކަހާލުން
މ (1) ކަހައިލުން (2) ކަހާ ގިރުވައިފައި ހުރި ފެން މައްޔިތާ ގަޔަށް އެޅުން
ކަހުރަބު
ނ ވަރަށް އިހުޒަމާނުގައި ދުނިޔޭގައި ހެދުނު މިހާރު ދުނިޔޭގެ އެއްވެސް ތަނެއްގައި ނުހެދޭ ބާވަތެއްގެ ގަހެއްގެ ކިރު މިއީ އެތައް ޒަމާނެއް ވަންދެން ބިމުގެ އަޑީގައި ހުރެ ފިތިހަރުވެގެން ހެދޭ ރީނދޫ ރަތްކުލައިގެ އެއްޗެކެވެ އަނގޮޓީގައި ޖަހާއެހުގެ ގޮތުގައްޔާއި ތަސްބީހަ ފަދަ ތަކެތި ހަދާށާއި ބޭސްވެރިކަމުގައި މިބޭނުން ކުރެވެއެވެ
ކަށަވަރު
ނ (1) ޔަޤީން (2) ގައިމު (3) ވަޑާންކުރާ މީހުން އެއްޗެހީގައި ފާހަގަލާން ގެންގުޅޭ އާލަތެއް (4) ފުރާޅުގެ ކެހަތައް ފަދަ ތަންތާނގެ ދޭތެރެ އެއްވަރު ކުރާން ގެންގުޅޭ މިންގަނޑު
ކަށަވަރުކަން
ނއނ (1) ޔަގީންކަން (2) ގައިމުކަން
ކަށަވަރުކުރުން
މ ޔަޤީންކުރުން
ކަށަވަރުވުން
މ (1) ޔަޤީންވުން (2) އަޙުދުވުން (3) ގައިމުވުން
ކަށި
ނ (1) ދިރޭ ތަކެތީގެ އޮނިގަނޑު ހެދިފައި ހުންނަ ހަރުބައިތައް މަސްހިފައިފައި ހުންނަނީ މީގެ މަތީގައެވެ (2) ބައެއް ތަކެތި ވިޔުމަށް ގެންގުޅޭ އާލަތެއް (3) ކައްޓާއާއި ގަޑިއާއި ތަރާދާއި ތުޅާއި މީޓަރު ފަދަ ތަކެތީގައި އަދަދު ދައްކައިދޭން ހުންނަ އާލަތެއް (4) ދިރޭ ބައެއް ތަކެތީގައި އޭގެ ނަފުސުގެ ދިފާޢުގައްޔާއި ޝިކާރަ ކުރުމަށް ހުންނަ ގުނަވަނެއް (5) އިސްޓެންސިލްގައި ލިޔާށާއި ކުރެހުމަށް ގެންގުޅޭ އާލަތެއް (6) އިންޖެކްޝަން ޖަހާއިރު މަސްގަނޑުގެ ތެރެއަށް ބޭސް ފޮނުވައިލާން ސިރިންޖުގައި ހަރުކުރާ ބައި (7) ބައެއް ގަސްގަހުގައި ފަޅައިފައި ހުންނަ ތުނޑުތޫނު އެއްޗެހި މިސާލު: )ހ( ޖަހާމުގުރިކަށި )ށ( ލުނބޯކަށި (8) އެއްކޮޅު ތޫނުކޮށް ހުންނަ ހިމަ ތަކެތި މިސާލު: )ހ( ހަތޭލިކަށި )ށ( މަތަރެސްޖަހާކަށި )ނ( ލަވަފޮށީކަށި )ރ( ބުރުމާކަށި (9) ދިގުހަރުންނާއި ބޮނމަ ކަނދުން ލިޔާން ގެންގުޅޭ އާލަތެއް )01( ކުޅިވަރެއްގެނަން (11) )ނއ ( އޮމާންކަމުގެ އިދިކޮޅު (21) ރާޅު
ކަށިހިތްވަރު
ނ (1) ކުޑަ ރުޅިޔަކާއިއެކު އަންނަ ކުއްލި ހިތްވަރު. (2) ކުޑަ މޮޔަކަމަކާއެކު ތިމާޔަށް ނުވެވޭވަރުގެ ކަމެއްކުރާން ލާ ބާރު
ކަށިނެތްމިޔަރު
ނ މިޔަރުގެ ބާވަތެއް. މިއީ ކަށިމިޔަރާވަރަށް އެއްގޮތް މިޔަރެކެވެ. ނަމަވެސް މި މިޔަރުގެ އުރަހަ ކައިރީގައި ކަށްޓެއްނުހުރެއެވެ. ބުރަކަށިމަތީގައި ދެވަނަ އަށް ހުންނައުރަހަ ފުރަތަމަ އުރަހައަށްވުރެ ބޮޑުވާނެއެވެ. މަތީތަލީގައި ހުންނަނީ ހިމަ ކުދި ތިނޯސް ކަހަލަ ދަތްތަކެކެވެ ދަށުތަލީގައި ހުންނަނީ ފުޅާ ދަތްތަކެކެވެ
ކަށިބައި
ނ ދިގުހަރު ލިޔާއިރު ބޭނުންކުރާ ތިލަލީކަށިތައް
ކަށިބޮލި
ނ )ޏ ( ބޮލީގެ ބާވަތެއް: މިބޮލީގެ މަތީފަރާތުގައި ހުންނަނީ އުންތަކެއްހެން ކަށިތަކެއް ފަޅައިފައެވެ މިއީ މަޑުރަތްކުލައިގައި ކުރީކޮޅަށް ހިމަކޮށް އޮންނަ ބޮއްޔެކެވެ
ކަށިބޯ
ނ މޫދުގައި އުޅޭ ހިޔަމަ އާއިލާގެ ފައިގިނަ އެއްޗެއް މިއީ ފަސްއިނގިލީގެ ބާވަތެކެވެ މީގެ ފައިތަކުގައި ހުންނަކަށިތަކުގެ އަދަދު ގިނަވާނެއެވެ މިއީ ރޯގަލުގެ ދިރޭ ފަށަލަ ކާލާ އެއްޗެކެވެ އެހެންކަމުން ފަޅައިގެން ގޮސްފައި ހުންނަބައި ފެންނާނީ ކަޅު ކުލައިގައެވެ އޭގެ އަޑިން ފެންނަނީ ދަނބުކުލައެވެ މީގައި 8 ފަޔާއި 12 ފަޔާ ދެމެދުގެ ޢަދަދަކަށް ފައިހުރެއެވެ
ކަށިޅޭނބޫ
ނ މާގަނޑުގައި ކަށިހުންނަ މާޅޭނބޫ ފާޑަށްހެދޭ ބޭހަށް ގެންގުޅޭ ފަތްޕިލާ ވެއްޔެވެ
ކަށިކުނބުރު
ނ ވެޔޮކޮށް ހެދޭ ގަހެއް މިއީ ވަރަށް ކަށިގިނަ ގަހެކެވެ މިގަހުގެ އޮށަށް ކިޔަނީ ލާގުޅައެވެ
ކަށިކެޔޮ
ނ (1) ގޮފިތަކެއްލައިފައި ބޮނޑި އަކަށް ހެދޭ ބިޔަވާ ގަހެއް މިގަހުގެ ފަތް ހުންނަނީ ވަރަށް ދިގުކޮށް ދެފަރާތް އެއްވަރަށް މެދަށް އަޑިވެލާފައި ކޮޅަށް ތޫނުކޮށެވެ. ފަތުގެ ކައިރިފަށުގައްޔާއި މެދުގައި ތޫނުކަށިތަކެއް ހުރެއެވެ. ގަސްހަރުލާފައި ހުންނަނީ ފައިބާ ބިމަށް ހިފައިފައި ހުންނަ ވަރަށް ވަރުގަދަ އަޅޯތަކަކުންނެވެ. މިއީ ތިލަގައި މޫދުވާ ކަފި މޫތަކެއް ހުންނަ ގަހެކެވެ. (2) ކަށިކެޔޮގަހުގައި އަޅާ މޭވާ މިއީ ވަރުގަދަ ދަޅިގަނޑެއްގައި ވަކަކާޖެހިވަކެއް ފިތިބާރުކޮށްހުންނަ ވައްތަކަކުން އެކުލެވިފައި ހުންނަ އެއްޗެކެވެ
ކަށިކެޔޮހޮޅު
ނ ކަށިކެޔޮގަހަކުން ބުރިކޮށްލައިފައި އޮންނަ ގުޅި
ކަށިކެޔޮކުރޮޅި
ނ )ދ ( ކަށިކެޔޮމަދު
ކަށިކެޔޮފޮތި
ނ (1) ކަށިކެޔޮވަކުން ތުނިކޮށްނަގާ ފޮތިވަރު (2) ހާލުގެ ދަށުކެޔޮފޮތި
ކަށިކެޔޮލިޔާވަޅި
ނ ކަށިކެޔޮ ލިޔަން ޚާއްޞަކޮށް ހަދައިފައި ހުންނަ ވަޅި މީގެ ތިލައިގެ ދިގުމިނަކީ ގާތްގަނޑަކަށް ތިން އިންޗިއެވެ މުށްގަނޑުގައި ގާތްގަނޑަކަށް މުށެއް ހުރެއެވެ މިނޫންގޮތް ގޮތަށްވެސް މިވަޅިހަދައި ފައި ހުރެއެވެ