radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ވެވު
ނ )ވެޔޮ( މީހުން އެރި ފެންވަރާ ހެދުމަށް ކޮނެ ތިލަވަތް ގައު އަޅައި ކައިރި ހަދައިފައި ހުންނަ ފެންފެންގަނޑު މިކަހަލަ ފެންފެންގަނޑު ގިނަ ގިނައިން ހުންނަނީ ދޫނިފަތްލާފައެވެ އަދި ވެވަށް އެރެން ހަރުފަތެއްވެސް އޮންނާނެއެވެ
ވެދުންކުރުން
މ (1) އިހުގައި ރަދުން ދެއްވާ ޢިއްޒަތަށް ނުވަތަ ބައެއް ޚާއްޞަ ވަޒީފާއަށްޓަކައި ރަދުންގެ ހިރިޔާ ފާތުރާ ދަށުން އެކަމެއް ހަމަޖެހުމާ ގުޅިގެން އެމީހަކު ރަސްމީގޮތުން ރަދުންގެ އަރިއަހަށް ހަދިޔާކުރުން (2) ރަސްކަމަށް ކޮލިލުން ފަދަ ކަންކަމާ ގުޅިގެންއެކިއެކި ޖަމާޢަތްތަކުންނާއި ފަރާތް ފަރާތުން ބަންޑާރައިންގެ އަރިއަހަށް ހަދިޔާކުރުން (3) ނާބަ އާއި ދަންބެރު ޖަހަންވާ ގަޑިއަށް ނުޖެހުމުން ކީރިތި މަހާރަދުންގެ ފަރާތްޕުޅުން ނާބަޖަހާ ބެރާއި ދަނޑިގަނޑު ދެގެ ދޭތެރެއަށް ގެނައުމުން އަލުން ބެރުޖެހުމަށްޓަކައި ދޭންޖެހޭ އާދަ ދިނުން
ވެދުންއަރުއްވައިގަތުން
މ ރަސްމީގޮތުން ކުރާ ވެދުން ބަލައިގެންނެވުން
ވެދުންފޭލި
ނ (1) އޮޅުދޫކަރައަށް ޖިޒީ ފޮނުވާ އުޅުނު ދުވަސްވަރު ދިވެހިރާއްޖޭގެ ރަދުން އެތާނގެ ގަވަރނަރ އަށްފޮނުއްވާން ރާއްޖޭގައި ވިއުއްވާ އަންނަ ފޭލި (2) ރަދުންގެ ފައިވާންފުޅު ދެކެންދާ މީހުން ކުރުނީސްކޮށް އަދަބުވެފައި އެމީހުންގެ އަތުން ރަސްގެފާނުގެ ފައިވާންފުޅު ދަށަށް ދޫކުރާ ފޭލި
ވެލަބުނލި
ނ ނަރުބޮނޑިއެއްހެން ހެދިފައި އޮންނަ ވެޔޮގަނޑެއް. މިއީ ދިވެހިބޭހުގެ ފަތްޕިލާވެލީގެ ތެރޭގައި ހިމެނޭ އެއްޗެކެވެ. މީގައި އަޅާ އެއްޗިއްސަށްވެސް ކިޔަނީ ވެލަނބުއްޔެވެ
ވެލުމުރުގަ
ނ )ޏ.( މުރަނގައިގެ ބާވަތެއް. މިހުންނާނީ ތޮޅި ހިމަ ދިގުކޮށް ކޯނި ކޯންޏަށެވެ މީގެ ތޮޅީގެ އޮށްތައް ބޭރުން އެނގެން ހުންނާނެއެވެ އާދައިގެ މުރަނގައަށްވުރެ މީގެ ފަތް ބޮޑެތިވާނެއެވެ
ވެސްކޯޓް
ނ )ވޭސްކޯޓް( ގަމީހުގެ ބޭރުންލާ އަތް ނުހުންނަ ބާރު އެއްޗެއް މިއީ ކުރިމައްޗަށް ގޮށް އަޅާފައި ހުންނަ އެއްޗެކެވެ
ވެޑިމަތި
ނ )ޏ.( ފަރިވަޅު. )މަސްބަޔަކަށް 63 )ތިންދޮޅަސް( މަސް ލިބުނީމާ އޮޑިން މަހަށް ދިޔަ މީހުންނަށް އޮޑިވެރިންދޭ އާދައެއް
ވެޔޮ
ނ (1) )ވެއު( އަމިއްލަ ބާރުގައި ކޮޅަށް ނުހުންނަ ދިގުވަމުން ހެދޭ ގަސް (2) )ވެވު( މީހުންއެރި ފެންވަރައި ހެދުމަށް ކޮނެ ކައިރި ހަދާފައި ހުންނަ ފެން ފެން ގަޑު
ވޭރު
ނ (1) ކުޅި (2) ފެންގަނޑު (3) ބުދު ދީނު މީހުން އަޅުކަންކުރަން ބޭނުންކުރާ ތަނެއް
ވޭރުހުލި
ނ ހިމަ ދިގުކޮށް އިންނަ މާބުރު ފިޔަކުލައިގެ ކުޑަވަރެއްގެ އުދުހޭ ސޫތްޕެއް މީގެ އުނަގަނޑު ވަރަށް ހިމަވާނެއެވެ
މަހާނަ
ނ (1) މައްޔިތާ ވަޅުލައިފައި މަތީގައި ހަދާ ފަސްގަނޑު (2) މަރުވެފައިވާ މީހަކު ވަޅުލެވިފައިވާކަން ފާހަގަކޮށްފައިވާ ތަން )ޤަބުރުވަޅުލެވިފައި އޮތްތަން
މަޖާޒު: މީހެއްގެ ބާރުހުރިއިރު އެމީހާގެ ކުރިމަތީ ބަދަލު ހިފުމުގެ ގޮތުން އެއްޗެއް ބުނަން ނުކެރިފައި ބާރު ކެނޑުނީމައި ޖެއްސުންކޮށް މަލާމާތްކޮށް ހެދުމުން ބުނެއުޅޭ ބަހެއް މަހާނަމައްޗަށް
މަހާނަމަތީބަރަވެލިދުވުން
މަޖާޒު: އެއްޗެހި ބެހުމުގައި ހަމައިން އެއްކިބާވެގެން ކަން ކުރާމީހުން މަރުވެދިއުމުން އެމީހުންގެ މަހާނައަށް އަންނާނެކަމަށް ބުނެއުޅޭ ސުންޕާކަމެއް
މަހާނަމަތީފޮށާ
ނ މީހަކު މަރުވެގެން ވަޅުލުމައި ގުޅިގެން މާހަނަމަތީ ދަމައި އުޅުނު ފޮތިގަނޑު
މަހާނަދޮށަށްދާމީހާ
ނ މަޖާޒު: އެކިއެކި ކެއުމަށް ނުކިޔަނީސް ދާމީހާ. މިބަސް އުފެދިފައި ވަނީ މަހާނަދޮށަށް ދާން ކިޔައިފައި އޮންނަ މީހުންނާއެކު އިތުރު މީހަކު ދިއުމުންނެވެ. ކިޔައިގެން ދިޔަ މީހުން ހީކުރަނީ އެއީ ގެއިން ފޮނުވައިގެން އައި މީހެއް ކަމަށެވެ. ގެއަށް ކާން ދިޔައިމާ ގޭމީހުން ހީކުރާނީ ކީމީހުން ގޮވައިގެން އައި މީހެއްކަމަށެވެ ކޮންމެއަކަސް އޭނާއަށް އެހެން މީހުންނެކޭ އެއްގޮތަށް އެތަނުން ކާން ލިބެއެވެ
މަހާނަގާ
ނ ކަށްގާ މަރުވެފައިވާ މީހާ ވަޅުލެވިފައިވާތަން ފާހަގަކުރުމުގެ ގޮތުން ޖެހުމަށް ހިރިގަލުން ނުވަތަ އެފަދަ އެއްޗަކުން ވަކި ސިފައަކަށް ހަދާ އެއްޗެއް
މަހާއޮޑިޔާވުން
މ (1) މަހާވުން (2) މަސްދޯންޏާ ދިމާއަށް މަސްއައިން އައުން )ދޯންޏަކަށް ރަނގަޅަށް މަސްބޭނޭގޮތްވުން ( (3) މަޖާޒު: ލޯބީގެ ރޮނގުން ނުގުޅިގެން އުޅުނު މީހަކާ ގުޅޭގޮތްވުން
މަހިލަންކަ
ނ )ބދ ( (1) ފުރައްދެރާއްޖެ (2) ބޭރުރާއްޖެ ދިވެހިރާއްޖެނޫންކަރަ މިސާލު: އެއީ މަހިލަންކަ މީހެކެވެ
މަހުކޮއްތު
ނ (1) ސަރުކާރުގެ މުވައްޒަފުންކުރެ ކާންދީގެން ގެންގުޅޭ މީހުންނަށް މަސްމަހަށް ކެއުމުގެތެރޭ ހިމެނޭގޮތުން ދޭތަކެތި (2) މަހެއްގެ މައްޗަށް ކެއުމަށްދޭ ތަކެތި ނުވަތަ ދޭ މިންވަރު