radheef.info
ރަދީފު


ޒ
އ ތާނައިގެ 91 ވަނަ އަކުރު
ފެނުފަޅޮލަށްވުން
މ މަޖާޒު: (1) އެއްޗަކަށް ނުވުން (2) ތާކުންތާކުނުޖެހުން
ފެނުފަޅޯ
ނ (1) ފެނުކެއްކިފަޅޯ (2) މަޖާޒު: ހިތްވަރެއްނެތް މީހާ (3) އެއްޗަކަށް ނުވާމީހާ
ފެން
ނ (1) އޮކްސިޖަނާއި ހައިޑްރޯޖަން އެކުލެވިގެން އުފެދިފައިވާ އެއްޗެއް. މިއީ ފިނިވީމާ ގަނޑުވާ ހޫނުވީމާ އާތްވަށްވެގެން އަރާ ކުލައެއް ވަހެއް ނެތް ދިޔާ އެއްޗެކެވެ (2) ވާރޭ (3) ކަރުނަ (4) މަޖާޒު: މަނި (5) ނއ ފޯރިއެއް ރޫޙެއްނެތް
ފެންނަގާސަރަކަ
ނ ކުރީޒަމާނުގައި ފެންގިނައިން ނަގަންޖެހޭ ވަޅުވަޅު ކައިރީ ފެންނަގަން ހަދައިފައި ހުންނަ އެއްޗެއް
ފެންނާޔަކަ
ނ އިހުޒަމާނުގައި ވެރިކަމުގެ ހުކުންކުރާ މީހުންނަށް ކިޔާނަމެއް
ފެންނެތްރަށަކަށްއަރުވާލުން
މ މަޖާޒު :އުޅެންދަތި ރަށަކަށް ފޮނުވައިލުން
ފެންބަޑި
ނ (1) ޢީދުވިލޭރޭ މެންދަމު ކިލެގެ ބުރުޒުން ޖަހާބަޑިއެއް (2) ހުކުރު ދުވަހު 01 ޖެހީމާ ކިލެގެ ބުރުޒުން ޖަހާބަޑިއެއް މިބަޑިޖަހަނީ ރަދުން ހުކުރަށް ފައިންޕުޅު އަޅުއްވާނެކަން އެންގުމަށް ޓަކައެވެ
ފެންބޭރުކުރުން
މ މަޖާޒު: މަނިބޭރުކުރުން
ފެންބޮވައިގަތުން
މ (1) ކަރުހިއްކައިގަތުން (2) ފެނަށް ބޭނުންވުން (3) މަޖާޒު: އެދުންވެރިވުން
ފެންބޮވުން
މ (1) މީހަކު ނުވަތަ ދިރޭއެއްޗެއް ފެނަށް ބޭނުންވެފައިވުން މިސާލު: މިއީ ވަރަށް ފެންބޮވާ ދުވަހެކެވެ (2) އިޚްތިޔާރަކާނުލައި އެތެރެހައްޓަށް ފެން ވާޞިލުވުން (3) މަޖާޒު: އެދުންވެރިވުން
ފެންކަން
ނއނ (1) ދިޔާކަން (2) މަޖާޒު: އަސަރެއް ރޫޙެއް ނެތްކަން
ފެންކައްކާބޮލި
ނ (1) ބޮލީގެ އެންމެ ބޮޑެތި ވައްތަރު މިބޮއްޔަށް ފެންކައްކާ ބޮއްޔޭ ކިޔަނީ ކަރުވިހަ ފަދަ ވިހައަށް ބޭސްފެނެއް މިބޮއްޔަށް އަޅައިގެން ކައްކާތީއެވެ މިއީ ވިލުދޮޅީގައި ނުވަތަ ދޮންފަޅުގައި އުޅޭ ބޮއްޔެކެވެ މިބޮލީގެ ތުންފަތަށްވާ ހިސާބު )މަސްގަނޑު އަރާ ހިސާބު( ހުންނާނީ ރަތްކުލައެއްގައެވެ ބޭރުތޮށިގަނޑުގައި އުންތަކެއް ހުންނާނެއެވެ (2) މަޖާޒު: އެމީހެއްގެ ބޭނުމެއް ޖެހުނީމާ ކަމޭ ހިތައިގެން އުޅެފައި ބޭނުން ކެނޑުނީމާ އަޅާ ނުލައި ތިބޭ މީހުންނާމެދު ބުނެއުޅޭ ބަހެއް
ފެންކުރުން
މ (1) ވިރިކެކޭ ތަކެތި ވިރުވާ ދިޔާކުރުން (2) މަޖާޒު: ތަނެއް ހަލާކުކޮށް ސުންނާފަތިކޮށްލުން
ފެންކުޅީގެރި
ނ އިހުޒަމާނުގައި ފެންކުޅި ފެށުމުގެ ކުރިން ކިޔަވާ ޞަލަވާތް ފާތިޙާއަށް ކަތިލާގެރި މިގެރި ކަތިލާނީ ރަދުން ވަޑައިގެން ހުންނަވައިގެންނެވެ
ފެންކެނޑިޔަށް
މ މަޖާޒު: އެއްޗެއް ބޭނުންވެގެން އުޅޭވަރަށްވުރެ މާގިނައިން ގެނައުމުން ބުނެއުޅޭ ބަހެއް
)މިބަސް ބަލާ( ފެންއޮތްތާކަށޭމަސްދާނީ
މަޖާޒު: މަސްދާނީ ފެން އޮތްތާކަށެވެ
ފެންފިސްތޯލަ
ނ ވަޒަންލުމުގެ ބަދަލުގައި ފެންއަޅައިގެން ފެން ދުއްވާގޮތަށް ކުޑަ ކުދިން ކުޅެން ގެންގުޅޭ ފިސްތޯލެއް
ފެންފޮދާދިއުން
މ ގަނޑުވަރުތެރޭ ބޭފުޅުން އާލާސްވެ އިންނަވައި ހަތްމަސް ފުޅަށް އަޅައިގަތީމާ ކުރެންދޫ ޒިޔާރަތަށް ފެންފޮދު ބަލާދިއުން
ފެންފޮދުއޮޑިކޮޅު
ނ އިހުގައި ގަނޑުވަރުތެރޭ ބޭފުޅުން އާލާސްވެއިންނަވާ ހަތްމަސް ފުޅަށް އަޅައިގަތީމާ ކުރެންދޫ ޒިޔާރަތުން ފެން ފޮދު ބަލައިދާ އޮޑި މިފެންފޮދު ގެންނަނީ އެބޭފުޅަކު ނައިނެ ފިއްލެވުމަށެވެ
ފެންގޮތް
ނ މަޖާޒު: ކަމެއްގެ ތެރޭގައި ހުންނަ ރޫޙެއް ނެތް ލޮނުމަޑުގޮތް މިސާލު: މިފަހަރު މިކަންތައް މިދިޔައީ މާފެންގޮތަކަށެވެ ނުވަތަ މިފަހަރު ޢީދުގެ ކަންތައް މިދިޔައީ މާ ފެންގޮތަކަށެވެ