radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
މެހުމާންސަރާ
ނ މެހުމާނުން ތިބުމަށް ތައްޔާރުކޮށްފައި ހުންނަތަންތަން
މެށުން
މ (1) ލަކުޑިފަދަ އެއްޗެއްގެ ބޭރު ތޫނު އެއްޗަކުން ތުނިކޮށް ކޮށުން (2) މޭވާފަދަ ތަކެތީގެ ބޭރުތޮށި ތޫނު އެއްޗަކުން އެއާ ވަކިކުރުން (3) ވެއްޓިގެން ނުވަތަ ތަނެއްގައި ޖެހިގެން ހަށިގަނޑުގެ ތަނަކުން ލޭގެ އަސަރު ފެންނަވަރަށް ހަންދިއުން (4) )ބދ ( އޮޑައު
މެޅުން
މ (1) ފަތްޖެހުން (2) އެއްޗެއްގެ ކައިރި ލެނބުން (3) އެއްޗެއްގައި ނުވަތަ މީހެއްގެ ގައިގައި ޖެހުމަށް ޙަރަކާތް ކުރުން (4) ހިޔާކުރުމަށް ނުވަތަ ހިޔާވުމަށް މުޅި ފަންގިއެޅުން (5) ދާރަ މޮއްކޮށްލުން މިސާލު: ދާރަމެޅުން (6) މަރުވެފައިވާ މީހެއްގެ ލޯ މަރުވާލުން
މެދު
ނ (1) ދިމާމެދު (2) ވައްބުރެއްގެ އެތެރެއިން ފެށިގެން ބޭރުރޮނގާ ހަމަޔަށް ދަމާލެވޭ ހުރިހާ ރޮނގުތަކެއް އެއްވަރުވާ ނުކުތާ (3) އެއްޗެއް އޫކޮށް ހުރިއެއްޗެއްގެ މަތީގައި ބާއްވައިފިނަމަ އެއެއްޗެއް ހުރިހާ ފަރާތަކަށް އެއްވަރުވާ ނުކުތާ (4) އެއްޗެއް ދެބައިކޮށްލާއިރު ދެފަރާތަށް އެއްވަރުވާ ނުކުތާ (5) ކަމެއްގެ ފެށުމާއި ނިމުމާ ދޭތެރެ (6) ބެހޭ މިސާލު: އެފޮތާމެދު (7) ފުޅަފުގައި ނުވަތަ ފުރާޅުގައި ފަންލާއިރު ނުވަތަ ދަމާއިރު ފަންގަނޑު އެއްވަރަށް ބެހެއްޓުމަށްޓަކައި ތަންތަންކޮޅުން އައްސާއެތިފަށް
މެދުރި
ނ ގޮޅިނުހުންނަހެން ބަދަހިކޮށް ރޯނުން ވިޔެފައި ހުންނަ ބޮޑެތި ދޫލަޒާތުގެ އެއްޗެހި
މެދުކަނޑާލުން
މ (1) ވިދިވިދިގެން ކުރަމުން އަންނަ ކަމެއް ދުވަސް ކޮޅަކަށް ހުއްޓައިލުން (2) ކޮށްކޮށްހުރިކަމެއް ވަގުތު ކޮޅަކަށް ހުއްޓާލުން
މެދުވެރިން
ނ (1) ކަމެއް ކޮށްދޭން ޙަވާލު ވާމީހުން (2) ކަމެއް ކޮށްދޭން އެހީތެރިވާ މީހުން
މެދުވެރިޔާ
ނ (1) ކަމެއްކޮށްދޭން އެހީތެރިވާ މީހާ (2) ކަމެއް ކޮށްދިނުމަށް ޙަވާލުވާ މީހާ
މެދުމުންޑު
ނ އާދައިގެ މުންޑަށްވުރެ ތަންކޮޅެއް ކުދިކޮށް ވިޔެފައި ހުންނަ މުންޑެއް
މެދުދޮށި
ނ (1) ދަހިކޮށް މަސްބާނާއިރު ދެވަނައަށް ހިފާދޮށި (2) މަސްދޯނި ފަހަރުގައި ގެންގުޅޭ އެންމެދިގު ދޮށްޓާއި ދެމެދުގެދޮށި
މެދުގޯތި
ނ ގޯތިތެރޭގައި ގެނެތިހުސްކޮށް އޮންނަތަން
މެޓާ
ނ ފަނި ނުވަތަ ހަކުރު ކައްކައިހިއްކައިގެން ކުދިކުދިކޮށް ހަދައިފައި ހުންނަ އަގަޔަށް މީރުފޮނި އެއްޗެއް މި ކަރުދާހަށްލައިފައިވެސް ކަރުދާހަށް ނުލައިވެސް ހުރެއެވެ
މެޓާއޮބާފިލާގަނޑު
ނ މެޓާގަނޑަށް ކުރެހުން އަރާނެގޮތަށް ތައްޔާރުކޮށްފައި އޮންނަ ތައްގަނޑު
މެޓާގަނޑު
ނ އަލަކައްޓަލަ ހަނޑޫފަދަ ތަކެތީގައި ހަކުރުއަޅައިގެން ވަރަށް ހަރުކޮށް ހިލާ ފޮނިކާ އެއްޗެއް މި ހުންނާނީ ފަތާކޮށެވެ
މެޝިން
ނ (1) ތަފާތު ބައިތަކެއް ރާވައިގެން ހަދައިފައި ހުންނަ އަމިއްލައަށް ނުވަތަ ޗާބީދީގެން ނުވަތަ ކަރަންޓުން ނުވަތަ ބެޓެރީން އަދި އެނޫންވެސް ހަކަތައަކުން އަމިއްލައަށް ހިނގާ ވަކިވާޖިބެއް އަދާކޮށްދޭ އެއްޗެއް (2) މަޖާޒު: މަޚުލޫޤުން (3) ސަރުކާރު ނުވަތަ ކަމެއްހިންގާ އިދާރާ
މޭ
ނ (1) އިންސާނުންނާއި މައިކަށި ހުންނަ ސޫފާސޫފީގެ ހަށިގަނޑުގެ ތެރޭގައި އޮންނަ ރަތްމުށި ކުލައިގެ ގުނަވަނެއް މިއީ ހަކުރު ގުލްކޯޒަށް ބަދަލުކޮށްދީ ކާއެއްޗެހި ހަޖަމުކުރުމަށް ބޭނުންވާ ރީނދޫ ދިޔައެއް އުފައްދައިދޭ ގުނަވަނެކެވެ (2) މޭމަތި (3) އިރުމަހުގެ ފަސްވަނަ މަސް
މޭކައިރު
ނ ކަޅުކޮށް އޮމާންކޮށް އޮފުއަރާގޮތަށްހުންނަ ކައިރު
މޭއްޔަދައިތަދަރުބޮނޑި
ނ ޅަކުދިން އުކުނޑި ކޮށްޓަން ފެށީމާ ރަނގަޅު ކުރަން ނިތްކުރީގައި ޖަހާ އެތިކޮޅަކަށް އިހުމީހުން ކިޔާ ނަމެއް. މިއީ ބިލެތް ކޮޅެއް ފަންކޮޅެއް ފަދަ އެތިކޮޅެކެވެ
މޭއްޔަލުބޯ
ނ ކުދިކުދި ފަތްތަކެއް ހުންނަ ހިމަކޮށް ހެދޭ ކުޑަގަހެއް. މިގަހުގެ އޮށް ހުންނަނީ ފަތުގެ ދަށުގައެވެ މިއީ ބޭހަށް ބޭނުންކުރާ ފަތްޕިލާވެއްޔެކެވެ