radheef.info
ރަދީފު


ގ
ނ (1) ތާނައިގެ ފަނަރަވަނަ އަކުރު )ގަވިޔަނި( (2) އަކުރު ފިލި ތާނައިގެ ސުކުން
ޓިނު
ނ (1) ތަންތަން ހިޔާކުރަން ފުރާޅުގައި ޖަހަންހަދައިފައި ހުންނަ އެއްޗެއް މިހުންނަނީ އަޑިއުސްކޮށް މަގުހުންނަގޮތަށް ހަދައިފައެވެ މިދަގަނޑުންނާއި އެލްމެނިއަމުންނާއި ސިމެންތިފަދަ ތަކެތިން ހަދައިފައި ހުރެއެވެ (2) ހުދުކުލައިގައި ހުންނަ މަޑު މަޢުދަނެއް
ޓިންޓިން
ނ (1) ގަޑިންޖަހާއަޑު (2) ލޯބަނޑިޔާފަދަ އެއްޗެހީގައި ދަގަނޑު ފަދަ މަޢުދަނީ އެތިކޮޅަކުން ޖެހީމާ ގޮވާއަޑު
ޓިކާނާ
ނ ބަހުގެ އިތުބާރު
ޓިކެޓު
ނ ވަކިސިފަޔަކަށް ކަރުދާހުން ތައްޔާރުކޮށްފައި ހުންނަ އެއްޗެއް. މިއީ ކަމަކަށް ނުވަތަ އެއްޗަކަށް އަގުދައްކައިފައިވާ ކަމުގެ ހެއްކެއްގެ ގޮތުން ދޫކުރާ އެއްޗެކެވެ. މިދެއްކުމުން ވަކިތަނަކަށް ވަނުމަށް ނުވަތަ ވަކި އުޅަނދަކުން ނުވަތަ ވަކިއެއްޗަކުން ދަތުރުކުރުމަށް ހުއްދަ ލިބެއެވެ
ޓިއުބު
ނ ބައެއްކަހަލަ އެއްެޗެހި ޓެސްޓުކުރުމަށް ބޭނުންކުރާ އާލާތެއް މިހުންނާނީ އެތެރޭގައި ހޮއި ހުންނަގޮތަށް އެއްގޮތަށް އެއްކޮޅު ބައްދައިފައެވެ
ޓިއުޝަން
ނ (1) ފިލާވަޅުތައް ދަސްކޮށްދިނުމަށްޓަކައި ގޭގޭގައި ކިޔަވައިދޭ ކިޔަވައިދިނުން. (2) މަދަރުސާއެއްގައި މުޤައްރަރާ އެއްގޮތަށް ކިޔަވައިދޭ ކިޔަވައި ދިނުމުގައި އިތުރަށްދެވޭ އެހީގެ ގޮތުގައި ކިޔަވައިދޭ ކިޔަވައިދިނުން
ޓިސްގޮށް
ނ ފިއްތާގޮށް
ޓިޕުސް
ނ ލިބޭ ޚިދުމަތަށް ދޭންޖެހޭ ފައިސާގެއިތުރަށް އެޚިދުމަތެއް ލިބުމުގައި މެދުވެރިވި ފަރާތަކަށް ހިތްހެޔޮކަމާއެކު ދޭ ފައިސާގެ މިންވަރެއް
ޓިޕުސްދިނުން
މ ލިބޭ ޚިދުމަތަކަށް ދޭންޖެހޭ ފައިސާގެ އިތުރަށް އެޚިދުމަތެއް ލިބުމުގައި މެދުވެރިވި ފަރާތަކަށް ހިތްހެޔޮކަމާއެކު ދޭ ފައިސާގެ މިންވަރެއް ދިނުން
ޓީބީ
ނ (1) ކެއްސުންބަލި (2) އިނގިރޭސި ލަފުޒެއް ކަމުގައިވާ ޓިއުބަރކިއުލޯސިސް މިބަސް ކުރުކޮށް ކިޔާގޮތް
ޓީމު
ނ (1) އެއްކަމެއްގައި ބައިވެރިވާ މީހުންނަށް ޖުމްލަކޮށް ބުނާގޮތް (2) ކުޅިވަރެއްގައި އެއްކޮޅުން އަރާމީހުންނަށް ޖުމްލަކޮށް ބުނާގޮތް
ޓުރާންސިސްޓަރު
ނ އިލެކްޓްރިކް ސިގްނަލް ފޮނުވުމަށާއި ލިބިގަތުމަށް ބޭނުންކުރާ އާލަތެއް
ޓުރާންސުފޯމަރު
ނ އިލެކްޓްރިކްގެ ބާރުގަދަކޮށް ކުޑަކޮށް ހަދައިދޭ އާލަތެއް
ޓުރެކްޓަރު
ނ ދަނޑުގައި ފަސްގަނޑުޖެހުމަށް ބޭނުންކުރާ އާލަތެއް
ޓުރޮފީ
ނ ކާމިޔާބުގެ ނިޝާނެއްގެ ގޮތުން ދެވޭ އެއްޗެއް
ޓުކުނި
ނ އަނގައިން ދަތްވެރިފައިތިބޭ ޑައިނުން
ޓުކުރި
ނ އެތެރެއަށް އެއްޗެހި އެޅޭގޮތަށް ވިޔެފައި ނުވަތަ ގަތައިފައި ހުންނަ ވަށިގަނޑުފާޑު އެއްޗެއް މިޒަމާނުގައި ވިޔެފައި ހުންނަ ގޮތަށް ރަބަރުން ނުވަނަ ޕްލާސްޓިކުންވެސް ހަދައިފައި ހުރެއެވެ
ޓުވަރިސްޓް
ނ ހިތްއުފާކޮށްލުމަށް ނުވަތަ ތިމާގެ ޤައުމުނޫން އެހެން ޤައުމެއް ބަލައިލުމަށް ދަތުރުކުރާމީހާ
ޓުވަރިޒަމް
ނ ހިތްއުފާކުރުމަށް ނުވަތަ ތިމާގެ ޤައުމުނޫން އެހެން ޤައުމެއް ބަލައިލުމަށް ދަތުރުކުރާ މީހުންގެ ކަންތައް އިންތިޒާމްކޮށް ބެލެހެއްޓުމާއި އެކަމާގުޅޭ ގޮތުން ކޮށްފައި ހުންނަ ތައްޔާރުތައް
ޓެނިސް
ނ (1) ކޯޓުއަޅައިގެން ކުޅޭކުޅިވަރެއް މިކުޅިވަރުގައި ދެމީހުންނަށް ނުވަތަ ހަތަރު މީހުންނަށް ބައިވެރިވެވެއެވެ ކޮޅެއްގައި އެކަކު ނުވަތަ ދެމީހުންނެވެ ޓެނިސްކޯޓުގައި ހުންނަނީ މެދުގައި ދާގަނޑެއް ދަމައިފައެވެ މިއީ ބޯޅައަކުން ދާގަނޑުމަތިން ކުޅޭކުޅިވަރެކެވެ ކުޅެން ގެންގުޅެނީ ރެކެޓެވެ (2) ރަބަރާއި ފޮތިން ހަދައިފައިހުންނަ ފައިތިލަ ފޮރުވޭ ކަހަލަ ފައިވާނެއް