radheef.info
ރަދީފު


ގ
ނ (1) ތާނައިގެ ފަނަރަވަނަ އަކުރު )ގަވިޔަނި( (2) އަކުރު ފިލި ތާނައިގެ ސުކުން
ޓަކި
ނ (1) އަތުގެ އިނގިލިތަކުގެ މޮށްތަކުން ޖަހާޖެހުން (2) ހަށިގަނޑުގެ ތަނަކަށް ކުއްލިއަކަށް އަރާތަދު މިސާލު: މިއުޅެނީ އުނަގަނޑަށް ޓަތްކެއް އަރައިގެންނެވެ
ޓަކިތެޅުން
މ އިނގިލީގެ މޮށްތަކުން ތެޅުން
ޓަކުންޓަކުން
ނ ފުންނާބު އުސްފައިވާން ނުވަތަ އުށްޖެހި މަރަވަޅީގައި ހިނގާ އިރު އިވޭއަޑު
ޓައިމްބޮމް
ނ ވަކިވަގުތެއް ޖެހުމުން ގޮވާ ގޮތަށް ހަދައިފައި ހުންނަ ބޮމް
ޓައިޕިސްޓު
މ ޓައިޕުކުރުމުގެ ވަޒީފާ އަދާކުރާމީހާ
ޓައިޕުރައިޓަރު
ނ އިނގިލިތަކުގެކުރި ބޭނުންކޮށްގެން ދެލީގެ ރިބަން ފަށަކުން ލިޔެވޭގޮތަށް ހަދައިފައި ހުންނަ މެޝިނެއް މީގައި އަކުރުތައް ފެންނަގޮތަށް ފިތްތަކެއް ހުރެއެވެ އެއިން ފިތަކަށް އޮބައިލުމުން އެއަކުރެއް ކަރުދާހުގައި ޖެހެއެވެ
ޓައީ
ނ (1) ގަމީހުގެ ގިރުވާނުގެ ދަށުން ކަރުވަށައިލައިފައި ގެނެސް ލަގޮނޑިވަޅާދިމާއިން ގޮށެއް ޖަހައިފައި ތިރިޔަށް އެލުވައިލައިފައި ހުންނަ ފޮތިކޮޅެއް މިހުންނަނީ އެއްކޮޅަށް ފަލަކޮށް އަނެއް ކޮޅަށް ހިމަކޮށެވެ (2) ވަކިގޮތަކަށް ޖަހާގޮށެއް
ޓައެރު
ނ ފުރޮޅުގެ ބޭރު ރަބަރު
ޓައްޕު
ނ ތާނގީއެއްހެން ވަށްބުރަށް ޓިނުންހަދައި މަތިޖެހޭގޮތަށް ހުންނަ އެކި ވަރުވަރުގެ އެއްޗެހި
ޓަވަރު
ނ ދުރު ބެލުމަށް އުސްކޮށް ހަދައިފައި ހުންނަ ތަންތަން ޢާންމުކޮށް މިފަދަ ތަންތަން ހުންނަނީ ކިއްލާއާއި ބުރުޒުގައެވެ ވައިގެ ބަނދަރުގައި ވެސް ޓަވަރެއް ހުރެއެވެ
ޓަވިޔަނި
އ ތާނައިގެ ވިހިވަނަ އަކުރު
ޓަފަރު
ނ ނަވުގެ ބޮޑުކުނބަށް ނެގޭ ހަތަރުވަނަރިޔާ
ޓަފުނަނު
ނ ކަނޑުދަތުރުކުރާ އުޅަނދެއް ދުވާވަރުބަލަން ގޮށްޖަހައިފައި ދޫކުރާ ނަނެއް
ޓަފުފުޅި
ނ (1) ފަނަރަ ސިކުންތަށް ހަދައިފައި ހުންނަ ވަގުތުފުޅި މިއީ ދެކޮޅަށް ފަލަކޮށް މެދަށް ހިމަކޮށް ދެކޮޅަށްވެސް ހިމުން ހިލަވެލި އޮހޭގޮތަށް ހަދައިފައިވާ އެއްޗެކެވެ (2) ޓަފުނަނު ދޫކުރާއިރު ވަގުތު ބަލާއެއްޗެއް
ޓަތްކެއްއެޅުން
މ މީހެއްގެ ބޮލުގައި އިނގިލިތަކުގެ މޮށްތަކުން ޖެހުން
ޓަގު
ނ ކަނޑުގައި ދުއްވާ އުޅަނދު ފަހަރާއި ބޯޓް ބައްތެއްޔާއި ބަނޑު ފަހަރު ކަފުޖަހައިގެން ދެމުމަށް ބާރުގަދަ އިންޖީނެއް އަޅައިފައި ހުންނަ އުޅަނދެއް
ޓަގުބޯޓު
ނ ޓަގު
ޓަސް
ނ (1) މުރަނައެއްޗެއް ކުއްލިއަކަށް ބިނދޭއިރު އިވޭއަޑު (2) ހަމަ ވަގުތުގައި ކުއްލިޔަކަށް ކަމެއްވީކަން އަންގައިދޭ ބަހެއް
ޓާމް
ނ ތަޢުލީމީ އަހަރުގައިވާ ދުވަސްތައް ކިޔަވައިދިނުމަށް ބަހައިލައިފައިވާ މުއްދަތުންކުރެ މުއްދަތެއް މިސާލު: މިއަހަރުގެ ފުރަތަމަ ޓާމުގެ ކިޔެވުން ނިމޭނީ އެޕްރީލުމަހުގެ ނިޔަލަށެވެ
ޓިނބުލި
ނ (1) ސަތަރިއާއި ފަރުދާފަދަ ތަކެތި ދެމުމަށްޓަކައި ހަރުކޮށްފައި ހުންނަ އަނގޮޓިއެއްކަހަލަ ވަށްބޮޅެއް (2) ތާކިހަލާއި ބޯ ހެދުންފަދަ ތަކެތީގައި ވައިވެއްދުމަށްޓަކައި ކަނޑާ ލޯވަޅުގެ ކައިރިފަށް ހަލާ ކުވިޔަ ނުދިނުމަށް ހަރުކުރާ ވަށްބޮޅެއް ޢާއްމުކޮށް މިހަދައިފައި ހުންނަނީ މަޢުދަނީ އެއްޗަކުންނެވެ