radheef.info
ރަދީފު


ޓ
ނ ތާނައިގެ ވިހިވަނަ އަކުރު
ދަނޑިމެޓާ
ނ ފަންސުރުމެޓާ
ދަނޑުހެއްދުން
މ (1) ދަނޑެއްގައި ހައްދަން ގަސްތުކުރާ ވައްތަރެއްގެ ގަސް އެދަނޑެއްގައި އިންދައި ރޯކޮށް ބެލެހެއްޓުން (2) ދަނޑުވެރިކަން ކުރުން
ދަނޑުކޮށުން
މ ދަނޑު ހެއްދުމަށްޓަކައި ވާކޮށައި ދަނޑުބިން ތައްޔާރުކުރުން
ދަންބެރަށްވުރެ ތަގުޑި ދިގުވުން
މ )މިސާލުބަހެއް( (1) އެއްޗެއް ބުނަންވެގެން އުޅޭއިރު އެއެއްޗެއް ބުނުމަށްޓަކައިދައްކާ އެހެން ވާހަކަތައް ގިނަވުން (2) ކަމެއް ކުރުމުގައި މައިގަނޑު މަސައްކަތަށްވުރެ އެކަމާގުޅޭ އެހެނިހެން ކުދިކުދި ކަންތައްތަކަށް މާގިނަވަގުތު ނަގައިލުން
ދަންކުރުކުރުން
މ ވަކިކަމަކަށްޓަކައި ރޭގަނޑު ހޭލާތިބޭއިރު ވަގުތު ހޭދަކޮށްލުމުގެ ގޮތުން އެކިއެކި ވާހަކަ ދެއްކުމާއި ވާހަކަ ކިއުމާއި އެކިއެކި ކުޅިވަރު ކުޅުން
ދަންދިޔަހިއްކުން
މ އަނެއްދުވަހު މަހަށް ދިއުމަށް ދަމާއެން މަރުވިޔަނުދީ ދިޔަގަނޑުއާކޮށް ބެހެއްޓުމަށް އެކަކު ހޭލާ ހުރެގެން ދިޔަހިއްކައި އެންއޮޑި ބެލެހެއްޓުން
ދަންދެލި
ނ (1) ފިހާތަކެތި ބޭނުން ނުހިފޭވަރަށް އަނދައި ދެއްޔަށްވާވުން (2) )މ ( އެއްޗެއްމާބޮޑަށް ހިކިހަރުވުން މިސާލު: ހިކި ދަނދެލިކާއްޓެއް
ދަންތުރަ
ނ (1) އެއްގަމުގައިއުޅޭ ބައެއްކަހަލަ ދިރޭއެއްޗެހި ހިފުމަށްޓަކައި ޖަހާމަޅިއެއް މިމަޅިވަރަށް ގިނަގޮތްގޮތަށް ޖަހައެވެ (2) މަޖާޒު: މީހަކަށް ކެއްސެއް ދިނުމަށްޓަކައި ރާވާ ރޭވުން
ދަންޖައްސާމަޅި
ނ ދަންޖެއްސުމަށްޓަކައި ތައްޔާރުކޮށްފައި ހުންނަ މަޅިގަނޑު
ދަންޖެއްސުން
މ މީހަކު މެރުމަށްޓަކައި އެމީހާގެ ކަރުގައި މަޅިއެއް ބައްދައި އެލުވައިލުން
ދަރަޖަބެލުން
މ ދަތުރުކުރާ އެއްޗެއް ހުރި ހިސާބު އޮޅުން ފިލުވުމަށްޓަކައި ޢަރުޟާއި ޠޫލުބެލުން
ދަރިބޭލުން
މ ބަނޑުގައި އޮތް ދަރިވައްޓައިލުން
ދަރިވަޅު
ނ (1) ވިހަމުންދާ ވެލާ ބިސްވަޅު (2) )ހ ( ސަންދޯކުނާޅައި މައްޔިތާ ވަޅުލާއިރު ކަށްވަޅުގެ ތެރޭގައި މައްޔިތާ ބޭއްވުމަށް ވަޅުގެ މެދުތެރެއިން ވަކިން އަޑިކޮށްފައި ހުންނަތަން މިހެން ހަދަނީ އެއްފިލާ ބޭނުންކޮށްގެން ވަޅުލުމަށްޓަކައެވެ
ދަރިވިއްކައިކެއުން
މ މަޖާޒު: އަންހެން ދަރިފުޅު މީހުންނާ ރައްޓެހިކުރުވައިގެން އެއްޗެހި ހޯދުން
ދަރިވިއްކުން
މ މަޖާޒު: ލާރިހޯދުމަށްޓަކައި އަންހެން ދަރިފުޅު މީހުނާ ރައްޓެހި ކުރުވުން
ދަރުމަޔަށް
ކއ (1) ހިލޭސާބަހަށް (2) މާތްﷲގެ ރަސްކަންފުޅަށްޓަކައި
ދަރުމަޔަށްދިނުން
މ މާތްﷲގެ ރަސްކަންފުޅަށްޓަކައި ހެޔޮނިޔަތުގައި ހޭދަކުރުން
ދަރުޖެހުން
މ (1) ފޮނުވަތުގެ ކައްޓާއި އަރިޔަންހަރާއި ދިގުހަރު ލިޔާކަށިފަދަ ތަކެތީގެ ދަރުހެދުން (2) ފަރުތޮޅިއާއި މާތޮޅިފަދަ އެއްޗެހި ފެނުން ކެނޑިގެން ފުމެމުން ފުމެމުން ދިއުން (3) އުވަވަޅުގައި ވަކިގޮތަކަށް ދަރުއެތުރުން
ދަބަރުފޮޅުން
މ ދަބަރު ޖަހާއެއްޗެހީގައި އެތިކޮޅުކޮޅަށް ނެއްޓޭވަރަށް ބަދަރު އުފެދުން
ދަބަރުތެޅުން
މ ދަގަނޑު އެއްޗެއްގައި ހުންނަ ދަބަރު ތަޅައިގެން ނައްޓައި ސާފުކުރުން