radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ބޮޑުފަތަފޮޅިބެހުން
މ ބޮޑުފަތަފޮޅި ހަވަރަށް ބެހުން. މިއީ ވަރަށް ބޮޑު ރަސްމީ ގޮތެއްގައި ކޮށް އުޅުނު ކަމެކެވެ
ބޮޑުފަތް
ނ މިއީ ދިގުކޮށް އުނިކޮށް ހުންނަ ފަތެކެވެ މިފަތުގެ ރަހަ މަޑުވާނެއެވެ މި އާއްމުގޮތެއްގައި ބޭނުން ކުރާނީ ދުފުމަށެވެ
ބޮޑުފަޓާސް
ނ ބަޑިކޮށިކޮށީގެ މީހުން ދިގުކާއްޓެއްގެ ސިފައިގައި ހަދައި އުޅުނު ފަޓާސް
ބޮޑުފާރު
ނ އިހުގައި މާލޭގެ ވަށައިގެން ބުރުޒުތަކާއި ގުޅިގެން އެކި ހިސާބު ގަނޑުގައި ލައިފާ ހުރިފާރު
ބޮޑުފާގަ
ނ ފާގައިގެ ބޮޑެތި ވައްތަރު މިހުންނާނީ އާދައިގެ ފާގަޔަށްވުރެ އުންތައް ތަންކޮޅެއް ފަތާކޮށެވެ ބޮޑުމިން އާދައިގެ ތޮރަޔާ ގާތްކުރާނެއެވެ
ބޮޑުފިނިހައް
ނ ފިނިހަކުގެ ބާވަތެއް. މިހުންނަނީ ފޫއެނބުރި ފާޑަށް އެއަށްވުރެ ފަލަކޮށްނެވެ. މިއީ ގަސްގަހަށް ގެއްލުންދޭ އެއްޗެކެވެ. މިފިނިހަކައަކީ ވަރަށް އަވަހަށް ގިނަވާ ވިހަ އެއްޗެކެވެ މީގެ ތޮށިގަނޑު އާދައިގެ ފިނިހަކުގެ ތޮށިގަނޑަށްވުރެ ތުނިވާނެއެވެ މިފިނިކަމުގެ ތޮށިގަނޑުގައި ހުންނަނީ ގަދަމުށިކުލައެވެ ތޮށިގަނޑުގައި ފަނޑު މާޒާން ކުރެހުމެއް ހުރެއެވެ
ބޮޑުފިނިހައްގަސް
ނ ރާނބާގަސް ފާޑަށްހެދޭ ފަތުގައި ދޮންރޮނގު ހުންނަ ގަހެއް ބޮޑުފިނިހައް މާލެ ގެނެވުނީ މިކަހަލަ ގަހެއްގައިކަމަށް ބުނެއެވެ
ބޮޑުފުފޭތަޅައިލުން
މ މަޖާޒު: މީހަކު ފަޟީހަތް ކުރުމުގައި އެމީހާ އެންމެ ދެރަވާނޭ ވާހަކައެއް ބުނުން
ބޮޑުފެހި
ނ އިހުގައި ބޯވަޅު އެޅި ލިބާސް ލައިއުޅުނު ފޭރާމެއް މިއީ ކަޅު ފެހިކުލައިގެ ފޮއްޗެއްގައި ހިމަރޮނގު ބަޔެއްގެ މެދުތެރޭގައި އެއަށްވުރެ ކުޑަތަންކޮޅެއް ފުޅާ ރޮނގެއްހެން ހުންނަ ފޮއްޗެކެވެ ރޮނގުބައި ހުންނާނީ ކަޅުފެއްސަށްވުރެ އަޅި ފެހިކުލައެއްގައެވެ މިގޮތަށް ރޮނގު ހުންނަ ރަތްކުލައިގެ ފޮތިވެސް ހުރެއެވެ އެއަށް ކިޔަނީ ބޮޑުފެހީގެ ރަތެވެ
ބޮޑުފެއްސަންގޮތްހެދި
ނ ބކ. އިހުގައި ބޯވަޅު އެޅި ލިބާސް ލައިއުޅުނު ފޭރާމެއް. މިއީ މުޅި ފޮތިގަނޑު ކަޅުފެހި ނުވަތަ ރަތްކުލައިގައި ހުރެފައި ބޮޑުފެހީގެ ރޮނގުބަޔާ ވައްތަރު ގޮތަކަށް ރޮނގުބައި ހުންނަ ފޮއްޗެކެވެ
ބޮޑުފޭލި
ނ ފިރިހެނުން އަނދެއުޅުނު ފޭއްޔެއް މި ފޭލި އާދައިގެ ފޭއްޔަށްވުރެ ބޮޑެތިވާނެއެވެ މިއީ ރަސްމީ ކަންކަމުގައި އަނދެ އުޅުނު ފޭއްޔެކެވެ
ބޮޑުދަނޑުމަތި
ނ އިހުގައި މާލޭގެ އިރުމަތީ ފަރާތު ފާރުން އަތިރީން އުތުރުބައި
ބޮޑުދަތި
ނ ބޮޑެތި އެއްޗެހި ތިއްބާން ބިމަށްޖަހައިފައި ހުންނަ އެތިގަނޑެއްގައި ހަރުކޮށްފައި ހުންނަ ދަތި
ބޮޑުދުމާދިޔުން
މ އިހުގައި ރަސްމީގޮތުން ބޮޑުދުންދޭ 52 ޒިޔާރަތްދޮށަށް ދުންމުޖުމަރާ ހިފައިގެން ދުޢާވެރިކަން ކިޔަވާންދިޔުން
ބޮޑުދުޢާވެރިކަމުދިޔުން
މ އިހުގައި ބޮޑުދުންދޭ 52 ޒިޔާރަތްދޮށަށް ރަސްމީގޮތުން ދުޢާވެރިކަމު ކިޔަވާން ދިޔުން
ބޮޑުދޮލަނގުކޮޅު
ނ (1) ހިތިވިލޭރޭ ފަރިއްކޮޅު ގެންދާއިރު އެންމެ ކުރީގައި ހުންނަ މީހާގެ ބޯމަތީގައި ބަހައްޓައިގެން ގެންދާ ބޮޑު ދޮލަނދު މިހުންނަނީ މުކައްބަ ޖަހައި ހުދުފޮތިން ބަނދެފައެވެ (2) ބޮޑުދޮލަނގު މިބަހަށް އެންމެ މާތްކޮށް ކިޔާގޮތް
ބޮޑުތަކުރު ޔާސީމަށް އަރާއިނުން
)މިސާލުބަހެއް( ކެއުމުގެ ޖަމާޢަތަކަށް ވަގުތުގެ މާކުރީންގޮސް ކާން ހަދައިފައި ހުރިތާނގައި ހިތްގައިމުކޮށް އިނުން
ބޮޑުތަކުރުދަން
ނ ދަމުހަރުގެޔަށް ދަމަށްއެރި ޒަމާނުގައި ހެންވޭރު ރައްޔިތުން ބައިކޮށްފައި އޮންނަ 4 ބައިން ކުރެއެއްބައި
ބޮޑުތަކުބީރު
ނ ޒުލްހައްޖާމަހު 9 ވަނަރޭ ފަތިސްނަމާދުން ފެށިގެން އެމަހުގެ ތޭރަވަނަ ދުވަހުގެ ޢަޞުރުނަމާދާއި ދެމެދުގައި ކޮންމެނަމާދެއްގެ ފަހުގައި ކިޔާ ތަކުބީރު
ބޮޑުތިނޯސް
ނ ތިނޯހެއްގެ ސިފައިގައި އޮންނަ ފަގަލީ ކައްޓެއް