radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ބަނޑުކެނޑުން
މ މަޖާޒު: ކަމެއްގެ އެދުން ބޮޑުވެގެން ގޮސް ހަމައިން ނައްޓައިލުން
ބަނޑުކޮނުން
މ މަޖާޒު: އަނެކާގެ ހިތުގައި ފޮރުވާފައިވާ އެއްޗެއް ހޯދަން މަސައްކަތް ކުރުން
ބަނޑުއިހި
ނ ދޯނިފަހަރު ބަންނައިރު އެންމެ ފުރަތަމަ އަޅާ އިހިބައި
ބަނޑުއިލި
ނ އޮޑިދޯނި ފަހަރުގެ އަޑި ބަނުމާއި މަތި ހެދުމުގައި ގަދަކުރުމަށްޓަކައި ބޭރުން ޖަހާ އިލީގެ އިތުރަށް އިހިތަކަށާ އިންނަފަތްތަކަށް އެތެރެ ފަރާތުން ޖަހާއިލި
ބަނޑުއެޅުން
މ (1) ހުތުރު ބަހުން ކެއުމަށް ބުނާގޮތް. (2) ފާރެއް ރާނަމުންދާއިރު ދެފަރާތުގައި ހުންނަ ގާބުރީގެ މެދަށް ކުދިގާ އެޅުން (3) އެއްޗެއްގައި ބަނޑު ޖައްސައިގެން ގުދަށް އޮތުން (4) މުދާބާލާ ބަނޑު ތަނެއްގައި ހައްޔަރުކުރުން
ބަނޑުއޮޅި
ނ އަށީގެ މަޅު ހިފެހެއްޓުމަށް ދިގުއޮޅީގައި ހުރަހަށް ވިދެފައި ހުންނަ އެއްޗެހި
ބަނޑުއޮއްޓުގަނޑު
ނ (1) އެއްޗެއް ވަރުގަދަކުރަން ދަށުފުށުން އަޅާ އެތިގަނޑު (2) ތެލަނގައިގެ ލަނބާދުނީގެ ބަނޑުފުށުގައި މެދުތެރޭ އަޅާ އެތިކޮޅު
ބަނޑުވަސް
ނ ފައިދޮށްތަކުގެ މެދާ ދިމާއިން ފުރާޅުގެ ދިގަށް ފައިދޮށްތަކުގެ ދަށުން އަޅާ ވަކަރެއް މިވަކަރު އަޅަން ޖެހެނީ ފައިދޮށްތައް މާދިގުކަމަށްވާނަމަ ފުރާޅު ލަނބާފާނެތީއެވެ
ބަނޑުވޭން
ނ (1) ހޮޑުލުމާއެކު ނުރައްކާގޮތް މަތިން ބޭރަށް ހިންގާ ބަލި (2) ގަހަޑުބަލި (3) ބޮޑު ބޭރަށް ހިންގުން
ބަނޑުވޭންކާރު
ނ ސަރުކާރުގެ އުޖޫރައެއްނެތް ރައްޔިތުންގެ އިތުބާރުހުރި އެމީހުންތެރޭން ބަސްވިކޭމީހުން
ބަނޑުފަންވަތް
ނ މާކޮށާރު ބަނޑޭރިއެއްގެ އަތުގައި އޮންނަ ބަނޑުހަނޑޫ ދެއްވައިފައިވާ މީހުންގެ ލިސްޓު
ބަނޑުފަތް
ނ (1) ކެޔޮގަސްގަނޑުގެ ފަށަލަ (2) އޮނުހެދޭއިރު ބަދަމަތީން ފަޅައިފައި ހުންނަ ފާޅަ މީގައި ތޫނު ކެހެރިޔެއް ހުންނާނެއެވެ (3) ދާމުލުގައި ހުންނަ ބިލެތްގަނޑު (4) ޗާކުފިޔޮހީގެ މުށްގަނޑުގެ ދެފަރާތުގައި އަޅައިފައި ހުންނަ މަޢުދަނުގެ ދެފަށް
ބަނޑުފުރާނަ މުއްތިކުރުން
މ ކިރިޔާ ދިރިހުރެވޭ ވަރަށް ކާނޭއެތިކޮޅު ލިބޭނޭގޮތް ހޯދުން
ބަނޑުފުރާނަމުއްތިވުން
މ ކިރިޔާ ދިރިހުރެވޭ ވަރަށް ކާނޭއެތިކޮޅު ލިބޭނޭގޮތްވުން
ބަނޑުފެޅިލިބާސް
ނ ފިރިހެނުންލާ ލިބާހެއް މިލިބާސް ހުންނާނީ ކުރިމަތީ ބަދަނުގެ މެދުން އެއްކޮޅުން އަނެއްކޮޅަށް ފަޅައިފައެވެ
ބަނޑުދިނުން
މ ހަވަރަށް އުޖޫރައެއްގެ ގޮތުން ދައުލަތުން ދެއްވާ ހަނޑޫ އެމީހުންގެ ގޭގެޔަށް ބެހުން އެއީ ފޯޔަކު 21 ނާޅިހަނޑުލެވެ
ބަނޑުދުރަ
ނ (1) އާނުކަނޑައި ކޮނެފައި ހުންނަ ވަޅުގެ އާނުގެ ދަށުން ހެދޭ ބާސަލަގަނޑު (2) ވަޅުގެ އެތެރޭގައި ގޮނިހެދިފައި އޮންނަ ތަން
ބަނޑުލައިލޫދުން
މ ކޮޅަށްހުރި އެއްޗަކަށް ނުވަތަ އުސްތަނަކަށް ބަނޑުޖައްސައި ބައްދައިގެން އެރުން ނުވަތަ އެފަދަ ތަނަކުން ފޭބުން
ބަނޑުލުން
މ (1) ގަހަކަށް ނުވަތަ ރުކަކަށް އަރާއިރު ގަހުގައި ނުވަތަ ރުކުގައި ބަނޑުޖެއްސުން. (2) ބަނޑުގައި ޖައްސައި ބެއްދުން. (3) ސަރުބީޖަހައިގެން ބަނޑު ބޮޑުވުން. (4) ދަމައިފައި ހުންނަ ނަރު ނުވަތަ ވާ ނުވަތަ ރޯނު ފަދައެއްޗެއްސާއި ދޫކޮށްފައި ހުންނަ ކިރު ފަދަތަކެތީ ތިރިއަށް ގޮނިލުން
ބަނޑުގައި ގޮށްލުން
މ ހިނިއަންނަލެއް ގަދަކަމުން ބަނޑަށް ތަދުވުން މިގޮތަށް ގޮއްލާއިރު ބަނޑުގެ ތަންތަންކޮޅު ހުންނާނީ ހަރުވެފައެވެ