radheef.info
ރަދީފު


އެއްޗެއް
ނ އެކަތި
ޒިލޭބި
ނ ގޮދަންފުށް ގިރައި ފުށްގަނޑު ރާމާކޮށްގެން ހަދާފޮނިކާއެއްޗެއް މިހުންނާނީ އުޅާލި ހުންނަގޮތަށް ވަށްކޮށް ހަދައި ތެއްލައި ހަކުރު ފަންޏަށް ލައިފައެވެ
ޒީނަތް
ނ (1) ތަނެއް ނުވަތަ އެއްޗެއް ނަލަކޮށް ފުރިހަމަކުރުމުން ވާރީތި (2) މީހަކު ނަލަވެ ގަހަނާ އަޅައި ރީތިވުމުންވާ ފުރިހަމަ
ޒީނަތްތެރިކުރުން
މ ތަނެއް ނުވަތަ އެއްޗެއް ނުވަތަ މީހަކު ނަލަހައްދައި ރީތި ކޮށް ފުރިހަމަކުރުން
ޒީނާރު
ނ ހެދިކާއެއް. މިއީ ހިމުންކޮށް ހަނޑޫފުނޑައި ކާށިކިރުގައި ލޮނުލައިގެން ފުށްގަނޑުގިރައި ބޭނުންބޮޑުމިނަކަށް ހުންނަވަރަށް ތާހަށް އަޅައި މަތިޖަހައިގެން ފިހާއެއްޗެއް
ޒީރު
ނ (1) އިހުޒަމާނުގައި މަތިން ދަތުރުކުރި އުޅަނދެއްކަމަށް ފުލޯކު ވާހަކައިގައި ކިޔާއެއްޗެއް (2) މަކަރު (3) ހިންތާ (4) ހަދާ ހިކުމަތް
ޒޫން
ނ އަޑެއްގެ ނަން މިއީ އެއްޗެއް ވައިކަފައިލައިފައިދާއިރު އިވޭ އަޑެވެ
ޓަފުފުޅި
ނ (1) ފަނަރަ ސިކުންތަށް ހަދައިފައި ހުންނަ ވަގުތުފުޅި މިއީ ދެކޮޅަށް ފަލަކޮށް މެދަށް ހިމަކޮށް ދެކޮޅަށްވެސް ހިމުން ހިލަވެލި އޮހޭގޮތަށް ހަދައިފައިވާ އެއްޗެކެވެ (2) ޓަފުނަނު ދޫކުރާއިރު ވަގުތު ބަލާއެއްޗެއް
ޓަސް
ނ (1) މުރަނައެއްޗެއް ކުއްލިއަކަށް ބިނދޭއިރު އިވޭއަޑު (2) ހަމަ ވަގުތުގައި ކުއްލިޔަކަށް ކަމެއްވީކަން އަންގައިދޭ ބަހެއް
ޓިނު
ނ (1) ތަންތަން ހިޔާކުރަން ފުރާޅުގައި ޖަހަންހަދައިފައި ހުންނަ އެއްޗެއް މިހުންނަނީ އަޑިއުސްކޮށް މަގުހުންނަގޮތަށް ހަދައިފައެވެ މިދަގަނޑުންނާއި އެލްމެނިއަމުންނާއި ސިމެންތިފަދަ ތަކެތިން ހަދައިފައި ހުރެއެވެ (2) ހުދުކުލައިގައި ހުންނަ މަޑު މަޢުދަނެއް
ޓިކެޓު
ނ ވަކިސިފަޔަކަށް ކަރުދާހުން ތައްޔާރުކޮށްފައި ހުންނަ އެއްޗެއް. މިއީ ކަމަކަށް ނުވަތަ އެއްޗަކަށް އަގުދައްކައިފައިވާ ކަމުގެ ހެއްކެއްގެ ގޮތުން ދޫކުރާ އެއްޗެކެވެ. މިދެއްކުމުން ވަކިތަނަކަށް ވަނުމަށް ނުވަތަ ވަކި އުޅަނދަކުން ނުވަތަ ވަކިއެއްޗަކުން ދަތުރުކުރުމަށް ހުއްދަ ލިބެއެވެ
ޓުރޮފީ
ނ ކާމިޔާބުގެ ނިޝާނެއްގެ ގޮތުން ދެވޭ އެއްޗެއް
ޓުކުރި
ނ އެތެރެއަށް އެއްޗެހި އެޅޭގޮތަށް ވިޔެފައި ނުވަތަ ގަތައިފައި ހުންނަ ވަށިގަނޑުފާޑު އެއްޗެއް މިޒަމާނުގައި ވިޔެފައި ހުންނަ ގޮތަށް ރަބަރުން ނުވަނަ ޕްލާސްޓިކުންވެސް ހަދައިފައި ހުރެއެވެ
ޓެކުސް
ނ (1) ވާރު (2) ބޯބޯމަތިން ނުވަތަ ވަކިކަމެއްކުރާ ބައެއްގެ އަތުން ގަވާއިދެއްގެ މަތިންސަރުކާރަށް ނަގާ އެއްޗެއް
ޓޮފީ
ނ ގެރިކިރާއި ހަކުރާ އެއްކޮށްގެން ހަދާ މެޓާފާޑު އެއްޗެއް
ޔާރި
ނ (1) ދެރޯޒު )ދެރޯޒު ކައްޕި( (2) ބުރަތަކެތި އުފުލުމަށާއި ދެމުމަށް ހަދައިފައިވާ އެއްޗެއް. މިހަދައިފައިވަނީ އެނބުރޭ ފުރޮޅެއްގެ ތެރެއިންޗޭނު ނުވަތަ ވާ ދެމޭގޮތަށެވެ
ޔާރިއެޅުން
މ (1) ދެރޯޒުއެޅުން. (2) ބުރަތަކެތި ނެގުމަށާއި ދެމުމުގެ ފުރޮޅުގެ ތެރެއިން ޗޭނު ނުވަތަ ވާދެމިގެން ހިނގާގޮތަށް ހަދައިފައިވާ އެއްޗެއްގެ ބޭނުން ކުރުން
ޔޯތް
ނ ރަށްރަށުގެ ރައްޔިތުން އެއްކުރުމަށް ނުވަތަ ކަމެއް އަންގައިލުމަށް ގޭގޭދޮށުން ދަމުން އެވާހަކަ ގޮވާލާއިރު ފަށަން ގޮވާލާއެއްޗެއް މިސާލު: )ހ( ޔޯތް ރަށްމެދަށް އެއްވާށޯތް )ށ( ޔޯތް މިވެނި މީހަކު އެވެނިތާކު އެބަހުއްޓޯތް
ޔޯގަޓު
ނ އައިސް ކިރިމާވައްތަރުގެ ހުތްފޮނިރަހަދޭ ކާއެއްޗެއް
ޔޯޔޯ
ނ ކުޑަކުދިން ކުޅޭއެއްޗެއް މިއީ ވަށްކޮށް ފަތާކޮށްހުންނަ އެއްޗެއްކެވެ މީގެ އަރިމަތީގައި ވަށައިގެން ކަނޑައިފައި ހުންނަތަނަށް އޮޅައިލެވޭގޮތަށް އެތާނގައި ރޮދިފަށެއް ހަރުކޮށްފައި ހުރެއެވެ
ޕާން
ނ ގޮދަންފުށުގައި ވަކިގޮތަކަށް ފިހެފައިހުންނަ ކާއެއްޗެއް