radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ފަލްސަފާ
ނ (1) ބުއްދިވެރިކަމުގެ ޢިލްމު. (2) ކަމެއްގެ ބޭނުން ޢާންމު ވިސްނުމަށް ޤަބޫލު ކުރެވޭ ގޮތަށް ވިސްނައިދީފައިވާ ވިސްނައިދިނުން (3) ބައެއް ނުވަތަ ޖަމާޢަތެއްގެ މީހުންގެ ވިސްނުން ހުންނަގޮތް (4) ކަންކަމާމެދު ބުއްދި ޤަބޫލުކުރާގޮތަށް ދައްކައިފައިވާ ހަމަ
ފަސްއަށި
ނ ގަނޑުވަރުތެރޭގައި ހުންނަ ހަނގުބޭކަލުން ދަމަށް ދުރުވާ ފަސްއަށި )ހ( ފުޅިދޮށު އަށި )ށ( އިސްވަރު އަށި )ނ( ވެލާނާވަރު އަށި )ރ( ހަކުރާވަރު އަށި )ބ( ބޭރުބޮޑު އަށި
ފަސްއަށީބޭކަލުން
ނ ގަނޑުވަރުތެރޭގައި ހުންނަ ފަސްއަށްޓަށް ދަމަށް ދުރުވާ ހަނގު ބޭކަލުން
ފަސްއޮށް
ނ (1) ފަސްއޮށުން ކުޅޭ ކުޅިވަރެއް މިކުޅިވަރު ކުޅުމަށް ބޭނުންކުރާ އޮށްތައް ޢާއްމުކޮށް ހަދައިފައި ހުންނަނީ ބިއްލޫރިންނެވެ (2) ފަސްއޮށް ކުޅެން ގެންގުޅޭ އޮށްތަކުގެ ތެރެއިން އޮށެއް
ފަސްމައިގަނޑުވިޔަ
ނ ހިސާބު ހެދުމުގައި ބޭނުންކުރާ ގޮތަކަށް ކިޔާނަމެއް. މިސާލު: ހަތަރު މީހަކަށް ހަތަރު ދުވަހަކުން ދުއިސައްތަ ރުފިޔާ ލިބޭނަމަ ފަސްމީހަކަށް ދެދުވަހުން ލިބޭނީ ކިހާވަރެއްތޯ ބަލަން ކުރާ ހިސާބު
ފަސްމުށްޖެހުން
މ (1) މައްޔިތާ ވަޅުލުމަށް ސަންދޯއް ވަޅަށް ތިރިކޮށް ބެހެއްޓުމުން ސަންދޯކުގެ މައްޗަށް ތިންމުށް ވެލި އެއްލުން (2) މައްޔިތާ ކަށްވަޅުގައި ބޭއްވުމަށްފަހު ކަށްވަޅަށް ތިންމުށް ވެލި އެއްލުން
ފަސްމުދިންބޭކަލުން
ނ (1) މިޙްރާބުގޭ މުދިން ބޭކަލުން. (2) ބޮޑު ކިއެވެނިން. )އިހުގައި ހުކުރުދުވަހު ހުކުރު މިސްކިތުންނާއި މުންނާރުން ބަންގިގޮވައި ގަނޑުވަރުތެރެއިން ރަދުންގެ ސުއްޖާދުކޮޅު ހުކުރުމިސްކިތުގެ ކޮޓަރިކޮޅަށް ގެންގޮސް ކަތީބު ބޭކަލަކު ބަލާގޮސްހަދަނީވެސް އެމީހުންނެވެ
ފަސްފަހެތި
ނ (1) އިހުގައި ކިޔެވެލި ކިޔަވައި ނިމިގެން ކަނދުން ނުވަތަ ކަށިކެޔޮފަތުން ހަދައިފައި ހުންނަ ގުރާބެއް ފުރުވައިލާއިރު އެއަށްލާ ފަސް ވައްތަރެއްގެ ހެދިކާ. (2) އެތައް ވައްތަރެއްގެ އެއްޗެހީގެ މާނައިގައި ބޭނުންކުރާ ބަހެއް. އެތާގައި ކޭކުގެ ފަސްފަހެތި އެބަހުއްޓެވެ. މާނައަކީ ކޭކުގެ އެތައް ވައްތަރެއް އެބަހުއްޓެވެ
ފަސްފުޅިދުމާދިއުން
މ އިހުގައި ގަނޑުވަރު ތެރޭގައި ހުންނަ ދަމުއަށީގެ ލޯގަނޑުން ފަސް ފުޅިޔަށް ޖެހީމާ )ރޭގަނޑު އެގާރަޖެހީމާ( އަލިފާން އަޅައިފައި ހުންނަ މުޖުމަރާއަކަށް ދުން އަޅައިގެން ކުދިބޭކަލަކު އެހިފައިގެން ހިއްތަން ދޮރާށިން ނުކުމުގެން މެދުޒިޔާރަތް ދޮށަށްގޮސް އެތާނގައި ދުޢާވެރިކަން ކިޔަވަން ތިބޭ މީހުންގެ ގާތުގައި ބެހެއްޓުން
ފަސްދާނުވެޑުވުން
މ ފަސްދާނުލުން މިބަސް ކީރިތި ރަސޫލާއަށް ނިސްބަތްކޮށް ބޭނުންކުރާގޮތް
ފަސްލެއްވުން
މ ފަސްލުން މިބަސް ބޭނުންކުރުވުމުގެ މާނައިގައި ބޭނުން ކުރާގޮތް
ފަސްޖެއްސުން
މ (1) ކުރަންވެފައި އޮތްކަމެއް ލަސްކޮށްފައި ބޭއްވުން. (2) ފަސްޖެހުން މިބަހުގެ 1 ވަނަ 2 ވަނަ 3 ވަނަ މާނައިގައި ބުނާގޮތް
ފަޓާސް
ނ ބޯކަރުދާހުން ހަދައި އެތެރެއަށް ބަޑިބޭސް އަޅައި ކޮޅުގައި ފުކެއްލައިފައި އޮންނަ ހިމަކުޑަ އެއްޗެއް މިއީ ކުޅިވަރަށް ޖަހާއެއްޗެކެވެ މީގެ ފުކުގައި ރޯކޮށްލީމާ ވަރަށް ބާރަށް ގޮވާނެއެވެ
ފަޗަސްގަނޑު
ނ (1) ބިންމައްޗަށް ފަތާވެފައި ހުންނަ އެއްޗެހި (2) މަޖާޒު: ލޮކިމަސް ޖަހައި ފަލަވެފައި ތިބޭމީހުން
ފަޚުރު
ނ (1) މާތް (2) މަތިވެރި (3) ނަފްސުގެ ގަދަރާއިމެދު ކުރެވޭ ހިތް ހަމަޖެހުމުގެ އިޚްސާސް (4) ރަނގަޅު ކަންތައް ކުރެވިގެން ލިބޭ ހިތްހަމަޖެހުމާއި އުފާ (5) ޤަދަރު
ފަޚުރުވެރިކަން
ނއނ (1) މާތްކަން (2) މަތިވެރިކަން (3) ނަފްސުގެ ޤަދަރާމެދު ހިތްހަމަޖެހުމުގެ އިޙްސާސް ވާކަން (4) ރަނގަޅު ކަންތައް ކުރެވުމުން ލިބޭ ހިތްހަމަޖެހުމާއި އުފާވެރިކަން (5) ގަދަރުވެރިކަން
ފަޚުރުވެރިޔާ
ނ (1) މާތްކަން ލިބިހުރި މީހާ (2) މަތިވެރިކަން ލިބިހުރި މީހާ (3) ނަފްސުގެ ޤަދަރާމެދު ހިތްހަމަޖެހުމުގެ އިޙްސާސް ލިބިހުރިމީހާ (4) ރަނގަޅު ކަންތައް ކުރެވިގެން ލިބޭ ހިތްހަމަޖެހުމާއި އުފާލިބިފައިވާ މީހާ (5) ޤަދަރުވެރިކަން ލިބިހުރި މީހާ
ފަޟީޙަތް
ނ (1) ބޭޒާރު (2) ބަދުނާމު
ފަޟީޙަތްކުރުން
މ (1) ބޭޒާރުކުރުން (2) ބަދުނާމުކުރުން
ފަޟީޙަތްވުން
މ (1) ބޭޒާރުވުން (2) ބަދުނާމުވުން