radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ދަށްކިބަ
ނ (1) ދޯނީގެ ވައިދަށްފަރާތް (2) )ހ ( ރަށްރަށުގެ ފުއްޓަރު ފަރާތް
ދަނބު
ނ (1) ބިޔަކޮށްހެދޭ ފަތްތައް ހިމަދިގު ލަކުޑިމޮޅު ގަހެއް (2) މިގަހުގައި އަޅާމޭވާ މިއީހުތްފޮނި ރަހަދޭ އެއްޗެކެވެ ޅަކޮށްހުންނައިރު ހުންނާނީ ފެހިކުލައިގައެވެ ދޮންވީމާ ހުންނާނީ ދަނބުކުލައިގައެވެ (3) ދަނބުކުލަ
ދަނގެތީމީހުންރޯދަވީއްލުން
)މިސާލުބަހެއް( ކައިނިމިގެން ފައިބާއިރު މުޅިސުފުރާ މައްޗަށް ކާއެއްޗެހި އެޅިފައިހުރުމުން ބުނެއުޅޭ ބަހެއް މިސާލު: މިތަންހީވަނީ ދަނގެތީ މީހުން ރޯދަވީއްލައިފައި އޮތްހެނެވެ
ދަނޑިހަރު
ނ ދަނޑި ބެހެއްޓުމަށް ހަދައިފައި ހުންނައަށި މިތަން ހުންނާނީ މަތިހިޔާކޮށްފައެވެ
ދަނޑިފައި
ނ ދަނޑިއެއްގައި ހުރަހަށް ދަނޑިކޮޅެއް ބަނދެގެން ކުޅިވަރަށް ހިނގަން ބޭނުންކުރާ އެއްޗެއް. މީގައި ހިނގާއިރު ބޭނުންކުރަނީ ދެފަޔަށް ދެދަނޑިއެވެ. މިހުންނާނީ ފައިގެ ބޮޑުވާ އިނގިއްޔާއި ޝަހާދަތް އިނގިއްޔާ ދޭތެރެއަށްލައްވައިފައެވެ މިއެކި އުސްމިނުގައި ހިނގޭގޮތަށް ހަދައެވެ
ދަނޑިފުޅުދޫނި
ނ ހުދުކުލައިގެ ކަނޑުމަތީ ދޫންޏެއް މިދޫނީގެ ފިނދުފަތް ވަރަށް ދިގުވާނެއެވެ
ދަނޑިޔާދިއުން
މ އަތޮޅު އަތޮޅަށް ވާރުބޮލިނަގަން ދިއުން. މިކަމަށް ދަނޑިޔާދިއުމޭ ކިޔަނީ ސަރުކާރުން މިކަމަށް ފޮނުއްވާ ބަންޑާރަވެރިންނަށް ލާޖަހައިފައި އޮންނަ ދަނޑިޔެއް ދެއްވައިފައި ފޮނުއްވާތީއެވެ
ދަނޑުއެންދުން
މ ދަނޑުކޮށައިގަސްތައް ހިކުނީމާ އެތަކެތި އެންދުން
ދަނޑުފަނގު
ނ ގަސްގަހާގެހި ހައްދާ ދަނޑާއި އާމްދަނީ ލިބޭ ހިންނަފަދަ ތަންތަން
ދަންނަކަންބުނުން
މ ދީނީ ނަސޭހަތް ދިނުން
ދަންބެރުބޭލުން
މ ދަންބެރު ޖަހާންވާވަގުތު ދަންބެރު ނުޖެހިއްޖެނަމަ ދަންބެރު ޖަހާން އޮންނަ ބެރާއި ދަނޑިގަނޑު ނާބުސްޚާނުން ބާލައިގެން ދެގެދޭތެރެއަށް ގެންދިއުން މިހެންހަދަނީ ދަންބެރުޖަހާ މީހާ ޖޫރިމަނާ ކުރުމަށެވެ ދަންބެރު ބާލައިފިނަމަ ބެރުލިބޭނީ ބޮޑުބޭކަލަކު މެދުވެރިކޮށް ރަދުންނަށް އަށްލާރިން ވެދުން ކޮށްގެންނެވެ
ދަންބޮޑު
ނ ވިދުންހުރި މަޑުރަތްކުލައިގެ މަހެއް މިމަހުގެކޮތަރިތަކާއި ނިގޫ ފަތްހުންނާނީ ރަތްކުލައިގައެވެ ނިގޫފަތުގެ މަތީކައިރިއާއި ތިރީ ކައިރި ހުދުވާނެއެވެ މިއީ ރޭގަނޑުގެ ކެޔޮޅުކަމުގައި ބޭނޭމަހެކެވެ
ދަންމާނުބުޅި
ނ ދަންމާނު އަޅުވަން ދޯނީގައި ޖަހައިފައި ހުންނަބުޅި
ދަންފުޅި
ނ އިހުގައި ވަގުތުބެލުމަށް ގެންގުޅޭ ސާއަތްފުޅި. މިއީ މެދަށްވަރަށް ހިމަކޮށް ދެކޮޅަށް ފަލަކޮށް ހުންނަ ފުޅިއެކެވެ. މިފުޅިހުންނާނީ އެއްކޮޅުގައި ހުންނަ ހިލަވެލި ފުޅީގެ މެދުގައި ހުންނަކުޑަކުޑަ ލޯވަޅަކުން އަނެއްކޮޅަށް ފައިބާ ގޮތަށެވެ މިފުޅީގެ އެއްކޮޅުގައި ހުންނަވެލި އަނެއްކޮޅަށް ފައިބައި ނިމޭނީ އެއްގަޑިއިރުންނެވެ
ދަރަނިކާޑު
ނ ދަރަނީގެ ގޮތުން ސަރުކާރުން ރައްޔިތުންނަށް ދޫކުރައްވާ ހަނޑޫ ހަކުރު ފުށް ފަދަ ތަކެތި
ދަރަނިފޮތް
ނ (1) ދަރަނީގެ ހިސާބު ޖަހައިގެން ގެންގުޅޭ ފޮތެއް (2) ލޭންދޭނު ފޮތް
ދަރިވަޅު
ނ (1) ވިހަމުންދާ ވެލާ ބިސްވަޅު (2) )ހ ( ސަންދޯކުނާޅައި މައްޔިތާ ވަޅުލާއިރު ކަށްވަޅުގެ ތެރޭގައި މައްޔިތާ ބޭއްވުމަށް ވަޅުގެ މެދުތެރެއިން ވަކިން އަޑިކޮށްފައި ހުންނަތަން މިހެން ހަދަނީ އެއްފިލާ ބޭނުންކޮށްގެން ވަޅުލުމަށްޓަކައެވެ
ދަރިފަސްކޮޅު
ނ (1) ދަރިކޮޅު. (2) ނަސްލު. (3) ތިމާއިންފެށިގެން ތިމާގެ ދަރީންނާއި ދަރީންގެ ދަރީންނާއި މިރިމިނީންނަށް ދާންދެން (4) މަތިފުށުގެ އިދިކޮޅު
ދަރުމަހަނޑޫ
ނ އިހުގައި ވަޒީފާއެއްނެތި ދެއްވާ ހަނޑޫ. މިހަނޑޫ ދެއްވަނީ ބަނޑުހަނޑޫ އޮންނަ ހަނގު ބޭކަލަކު މަރުވެއްޖެނަމަ އެމީހާއަށް އޮންނަ ހަނޑޫ އެމީހެއްގެ އަނބިދަރީންނަށް ވަޒީފާއަކާ ނުލައެވެ
ދަބަރު
ނ ދަގަނޑު އެއްޗެހީގައި އުފެދޭ މިލަ މިއުފެދެނީ ވައިތެރޭގައި ހުންނަ ލޮނުގެ އަސަރުންނެވެ