radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ބަނގަލާބޯޓު
ނ މުދާ އުފުލުމަށް ބޭނުންކުރެވޭ އުޅަނދެއް މިއީ ކަތިރިޔަލުގައި ކަނޑު ދަތުރުކުރާ އެއްޗެކެވެ މިބޯޓުގައި ގެހަދައިފައި ހުންނަނީ ކޮޅުފަސްކޮޅުގައެވެ މި އުޅަނދު ގެންނަނީ ރާއްޖޭން ބޭރުންނެވެ
ބަނގުރާ
ނ މަސްތުވާ ދިޔާއެއްޗެތި
ބަނގުއާވި
ބަނގުރާގައި ހުންނަ މަސްތުވާބައި މިއީ ކުލައެއްނެތް އަވަހަށް އަލިފާން ހިފާ ސާފު އެއްޗެކެވެ
ބަނގުއާވި
ނ އަލިފާން ހިފާ ކުލައެއްނެތް ސާފު ދިޔާ އެއްޗެއް. މޭވާދިޔައާއި ގޮވާންފަދަ އެއްޗެހި ކަމީރުކޮށްގެންވެސް މިނަގައެވެ. ބަނގުރާއާއި ސެންޓާއި ބައެއްކަހަލަ ދިޔާބޭސް ބޭނުންކުރުމުގައި މި ބޭނުން ކުރެއެވެ
ބަނގުފިލާ
ނ (1) ގަންޖާ (2) މަރުވާނާ މީގެ ގަސްހެދެނީ 4 ފޫޓާއި 6 ފޫޓަށެވެ ބައެއް ގަސް މިއަށްވުރެ ދިގުކޮށްވެސް ހެދިފައި ހުރެއެވެ ފަތް ހުންނާނީ ދަނޑި އަލުވިފަތްހެން 6 ބަޔަށެވެ
ބަނޑައިދޫ
ނ (1) މަހުގެ ބަނޑުފުށުން ބަނޑަށްވީ ހިސާބުގައި ތުނިކޮށް ހުންނަ މަސްފަށް (2) ދިވެހިން ޢާއްމުކޮށް މަސްކަނޑާ ގޮތަށް މަސްކަނޑާއިރު މަހުގެ ބަނޑަށްވީ ހިސާބުން ކަނޑައިގެން ނަގާބައެއް
ބަނޑަވަރު
ނ (1) ހަމަރިޔަލު )ހަތަރެސްކަންރިޔާ( ގެ އަރަލުން ރިޔަލުން ރިޔަލުގެ ބޭރުފުށުން އޮޑިޔަށް ހިފައިފައި ހުންނަވާފަށް (2) ފުރާޅުގެ ފަންތައް އޮބެހެއްޓުމަށް އެއް އަސްކަނީގެ ދަނޑިން އަނެއް އަސްކަނީގެ ދަނޑިޔަށް ފުރާޅުމަތިން ހިފައިފައި ހުންނަ ވާފަށް (3) ދަމައިފައިވާ ސަތަރިއެއްފަދަ އެއްޗެއް ވަޔާ އެއްލައިލިޔަ ނުދިނުމަށް މަތިން ދަމައިފައި ހުންނަ ފަށް (4) އެއްޗަކަށް އަރުވައިފައި ހުންނަ މުދާތަކެއް ފައިބައިގެން ދިޔަ ނުދިނުމަށް މުދައުތަކުގެ މަތިން ފުރައިފައި ހުންނަ ވައު
ބަނޑަވަރުގެލުން
މ ބަނޑަވަރުގެ ދެފަރާތުގައި ހުންނަ މާރުފަށް ބަނޑަވަރުގެ އެތެރެއަށް ވާނޭހެން ގޮށް ޖެހުން
ބަނޑި
ނ (1) އޮމާންކޮށް ނުވަތަ ތެދުކޮށް ހުންނާންވީ އެއްޗެއްގައި ހުންނަ އަޑިގުޑަން (2) ހިނގާއިރު ހަށިގަނޑަށް ލައްވާ ވަންނި
ބަނޑިބަނޑި
ނ (1) މީހުން ހިނގާއިރު ހަށިގަނޑަށް އަރުވާ ބައެއް ކަހަލަ ލޮޅުން (2) ބަނޑީގެ ގިނަގޮތް (3) އޮމާންކޮށް ނުވަތަ ތެދުކޮށް ހުންނާންވީ އެއްޗެއްގައި ހުންނަ އަޑިގުޑަން
ބަނޑިވުން
މ ވިރިކެކޭ މައުދަނަކުން ނުވަތަ ޕްލާސްޓިކު ފަދަ އެއްޗަކުން ހަދައިފައި ހުންނަ އެއްޗިހީގައި އެއްޗަކުން ޖެހިގެން ނުވަތަ އެނޫންވެސް ގޮތަކުން އަޑިގުޑަންވުން
ބަނޑިޔަލުފެން
ނ ވިހައިގެން އުޅޭމީހުންނަށް ދޭން އިހުގައި ކައްކައި އުޅުނު ފެނެއް މިކައްކަނީ މަތިކަރާ ބޭހާއި ކޮތަނބިރިޔާ އެއްކޮށް ދެބުރާންތި ކޮށްފައި ތުނިފޮތިކޮޅެއް ދެފަށް ކޮށްފައި އޭގެތެރެއަށް ބޭސްތައް އަޅައި ބޮނޑިޔެއްހެން ބަނދެފައި ފެންބަނޑިޔަލަކަށް ލައިގެންނެވެ
ބަނޑިޔާ
ނ ކޮލި އޮންނާނެހެން މުށީން ހަދައިފައި ހުންނަ އަނގަކުޑަ ކުޑަވަރެއްގެ ކަންވާރެއް މިބައްޓަމަށް އެހެން އެއްޗަކުން ކަންވާރެއް ހަދައިފައި ހުއްޓަސް ކިޔާނީ މިހެނެވެ
ބަނޑިޔާބުރު
ނ (1) ބޯވަޅު އެޅިލިބާހުގެ ކަރުކަނޑައިއުޅުނު ބުރެއް (2) ބިލެތްކަފާ މާދިރީއެއްގެ ނަން
ބަނޑިޔާކަރު
ނ (1) ބޯވަޅުއެޅި ލިބާހުގައި ބަނޑިޔާބުރަށް ކަނޑައި އުޅުނުކަރު (2) ބަނޑިޔާބުރަށް ކަނޑައި އުޅުނު ކަރުން ކަނޑާލާފޮތިކޮޅު
ބަނޑިޔާޖެހުން
މ (1) ކިޔާލަވަޔަށް ހަމަވާގޮތަށް ލޯބަނޑިޔަލުގައި ޖަހަމުންކުޅޭ ކުޅިވަރެއް ބަނޑިޔަލުގައި ޖަހާއިރު ޖަހާނީ އަތުގައިވާ އަނގޮޓި ބަނޑިޔަލުގައި ޖެހޭގޮތަށެވެ އެއްބަނޑިޔާ ބޭނުން ކޮށްގެންވެސް އަދި ދެބަނޑިޔާ ބޭނުން ކޮށްގެންވެސް މިކުޅިވަރު ކުޅެއެވެ (2) ބަނޑިޔާ ލަނގިރި
ބަނޑު
ނ (1) ކާއެއްޗެހި އަނގައިގެ ތެރެއިން ގޮސް އެޅޭތަން (2) އިންސާނުންގެ މޭކަށިގަނޑުން ފެށިގެން ފޫޅާދެމެދު (3) މަސްމަހާމެހީގެ ގޮހޮރު (4) ބަނޑުހަނޑޫ (5) އޮޑި ދޯނިފަހަރު ބަންނަ ވަޑިންނަށް ދުވަހު މުސާރައިގެ ގޮތުން ދީއުޅުނު ހަނޑޫ (6) ރަހިމު (7) ބޯޓު ފަހަރުން މުދާ ބާލާށާއި ބޯޓު ފަހަރަށް މުދާ އަރުވަން ބޭނުންކުރާ އުޅަނދު (8) ހޮޅިލާ ނަގާރާޅުގެ އެތެރެ މިސާލު: ރާޅުގެ ބަނޑު (9) ބިމުގެ އަޑި މިސާލު: ބިމުގެބަނޑު )01( އެއްލައިފައި ހުންނަ ގުޑީގެ ނަނުގައި ލައިފައި އޮންނަގޮނި (11) ރިއަލު އޮޑި ދޯނިފަހަރު ދުއްވައިފައި ދާއިރު ވައިއެޅިގެން ރިޔަލުގައި އޮންނަގޮނި (21) ދަމައިފައި އޮންނަ ނަރެއްފަދަ އެއްޗެއްގެ މެދުތެރޭން ތިރިއަށް ގޮނިވެފައި އޮންނަބައި )31( ތެޅިގަލުން ރާނާއިރު ދެގާބަރި ދޭތެރެއިން ހުސްކޮށް އޮންނަތަން )41( ދޫނިސޫފާ ސޫތްޕާއި ގެރިބަކަރި ޖަނަވާރާއި މަސްމަހާމެހީގެ ހަޖަމުކުރާބައި
ބަނޑު ނަނު
ނ (1) ވައިގާ ހިފައިފައި ހުންނަ ގުޑިޔެއްގެ ނަނުން ބަނޑުލައިފައި އޮންނަތަން (2) މަސްބާނާން އެއްލައިފައި އޮންނަ ނަނުގައި އޮއި އަޅައިގެން ދޫޖެހިފައި އޮންނަތަން
ބަނޑުހޫނުކޮށްލުން
މ މަޖާޒު: ސައިފޮދެއް ބޯލައި ނުވަތަ ނާސްތާއެއް ކޮށްލައިގެން ބަނޑުހައިކަން ފިލުވައިލުން
ބަނޑުބަލި
ނ ބަނޑުގައި އުފެދޭ ބައްޔެއް. މިބަލި ޖެހުމުން ބައެއް ފަހަރު ނޭވާހިނގުން ދަތިވެ ކުޑަކަމުދިއުމާއި ބޮޑު ކަމުދިއުމުގެ ނިޒާމަށް ބަދަލު އާދެއެވެ ދިވެހިންގެ ތެރޭގައި "ބަނޑުބަލި" ކިޔާ އުޅެނީ ބަނޑުގައި ސަރުބީ އުފެދި ބަނޑުގެ އެތެރޭގެ ބައެއް ގުނަވަން ދުޅަވުމުންނެވެ