radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ތަންކޮޅެއް
ނ (1) ޖާގައެއް (2) ހުސްބިންކޮޅެއް (3) އެއްޗެއްގެ ނުވަތަ ތަނެއްގެ ބައެއް (4) އ ވަކިވަރަކަށްވުރެ
ތަންމަތިއެޅުން
މ (1) އެނދުގެ ކުނަލާއި ކަންނޭލާއި ބާލީސްތައް ރީތިކޮށް ހަމަޖެއްސުން ނުވަތަ ގޮދަޑިއާއި ބާލީސްތައް ރީތިކޮށް ފަލަނގު ފޭލިއެޅުން (2) ތަންމައްޗަށް ހިމެނޭ ހުރިހާއެއްޗެއް ތަރުތީބުކުރުން (3) ތަންމަތިފެތުރުން
ތަންފާރު
ނ ބަލިމީހަކު އެއްތަނެއްގައި އަބަދު އެއްފަރާތަކަށް ނުވަތަ އެއްގޮތަކަށް އޮތުމުގެ ސަބަބުން އެމީހާ ގައިގައި އުފެދޭފާރު
ތަންފާރުވުން
މ ބަލިމީހަކު އަބަދު އެއްގޮތަކަށް ނުވަތަ އެއްފަރާތަކަށް އޮތުމުގެ ސަބަބުން ދަށަށް އޮންނަ ފަރާތުގައި ފާރުއުފެދުން
ތަންފީޛުކުރުން
މ ޤާނޫނީ ނުވަތަ ޝަރުޢީ ޙުކުމެއްގެ މައްޗަށް ޢަމަލުކުރުން
ތަންފުކެއް
ނ (1) ކުޑަކުޑަތަންކޮޅެއް (2) އތ ކަމެއްނުވަތަ އެއްޗެއްގެ މިންވަރު ދެއްކުމަށް ބުނެއުޅޭ ބަހެއް މިސާލު: ތިޔަވަރު ތަންފުކެއްބޮޑެވެ
ތަންދިނުން
މ (1) ޖާގަހަދައިދިނުން (2) އެއްޗެއް ނުވަތަ މީހަކު ދިއުމަށްޓަކައި ދުރަށްޖެހިލުން
ތަންދޮރުނޭނގުން
މ (1) ހެޔޮނުބައި ނުވަތަ ރަނގަޅު ނުރަނގަޅު ވަކިނުވުން (2) ވާނުވާ އޮޅުންނުފިލުން
ތަންޑާއެރުން
މ (1) ހޫނުގަދަވުމުގެ ސަބަބުން ނުވަތަ ލިބޭ އަނިޔާޔަކުން ބީތާވުން (2) ބުރާންތިވުން (3) އަނބުރައިގަތުން (4) މަޖާޒު: ނިދައިފައިތިބުން
ތަންޑިޔާލުން
މ އެއްޗެއް ތަނަކަށް ގެންދިއުމަށް އެއެއްޗެއްގައި ޖަހައިފައި ހުންނަ ވާފަށުގައި ތަންޑިޔާ ބަނުން ނުވަތަ އެޅުވުން
ތަންޑު
ނ (1) ދޮރު ނުވަތަ ދޮރޯށި ލައްޕައި ބަންދުކުރުމަށް މަޢުދަނީ އެއްޗަކުން ނުވަތަ ލަކުޑީން ހަދައިފައިހުންނަ އެއްޗެއް. މި ތަފާތުގޮތް ގޮތަށްހުރެއެވެ (2) )ބދ ( ވިހަ (3) ތާޑީ
ތަންޑުނެއްޓުން
މ ތަންޑު ބޭނުންކޮށްގެން ބަންދުކޮށްފައިހުރިތަނެއް ނުވަތަ އެއްޗެއް ހުޅުވޭގޮތްހެދުން
ތަރަ
ނ (1) ބިންގަނޑުގައި ކިސަޑުހެދިގެންވާހަރު (2) ލޮތާރީގެ ދަތްފަދަ އެއްޗެހި ހެދުމުގައި އެއްބައި އަނެއްބަޔާގުޅަން ތަޅައިފަތިކޮށް އެއްވަރުކުރާކުރުން (3) ތަނަކަށް އުވަތަކެއް ނުވަތަ ސިމެންތިތަކެއް އެޅިގެން ވާހަރު (4) ބޮލާކީނި ނުވަތަ ދަވާދު ފަދަ އެއްޗެއް ބިންގަނޑަށް އެޅި ހިކިގެންވާހަރު
ތަރައްޤީ
ނ (1) ތަނެއް ނުވަތަ ކަމެއް ކުރިޔަށްދާދިއުން (2) ހެޔޮބަދަލުތައް އަންނައައުން
ތަރައްޤީކުރުން
މ (1) ކަންތައްތައް ރަނގަޅުކުރުން (2) ހެޔޮބަދަލުތައް ގެނައުން (3) ތަނެއް ނުވަތަ ކަމެއް ކުރިޔަށްގޮސްފައިވާވަރު ނުވަތަ ކުރިއަށްދާވަރު އިތުރުކުރުން
ތަރަފަނަ
ނ ހަނޑޫފުށް ނުވަތަ ހިއްތަލަފުށުން ހަދައި ތެލުލައި ހަކުރުލައިފައި ހުންނަ ފޮނިހެދިކާއެއްޗެއް
ތަރަތަރަ
ނއ (1) ކެކިއެރުން މިސާލު: )ހ( ތެޔޮތާހަށް ފެންޖެހީމާ ދިޔައީ ތަރަތަރަ ޖަހައިގެންނެވެ )ށ( އެއްވެފައިވާ މީހުންތައް ރުޅިއައިސްގެން ތަރަތަރަ ލަނީއެވެ (2) އެއްޗެއްގައި ހުންނަ ދަޅައިގެ ސަބަބުން ނުވަތަ ގަދަ އައްޔެއްގެ ސަބަބުން ބަލަން ނުކެރޭ ނުކެރުން (3) ރުޅިއައިސްގެން ލާ ހަޅޭއް
ތަރަތަރަލުން
މ (1) ކެކިއެރުން (2) އަލީގެސަބަބުން ނުވަތަ ދަޅައެޅިފައި ހުރުމުގެ ސަބަބުން ލޮލަށް އުނދަގޫވުން (3) ރުޅިއައިސްގެން ހަޅޭއްފަޅޭއްލުން
ތަރާވީސް
ނ (1) ރަމަޟާންމަހުގެ ޢިޝާނަމާދުގެ ފަހުގައި ކުރަންއޮންނަ ސުންނަތް ނަމާދެއް (2) ތަރާވީސް ދަމުގައި ކާކެއުމެއް ނުވަތަ ބޯ ބުއިމެއް
ތަރި
ނ (1) ޖައްވުގައިވާ އެތިކޮޅުތައް އެއްވެގެން އުފެދިފައިވާ ބޮޑުއެއްޗެއް މީގައި އަމިއްލަޔަށް ދިއްލޭފަދަ ގޭސްތަކެއް އެކުލެވިފައިވެއެވެ މީގެބައެއް އެއްޗެހި ދުނިޔެއަށްވުރެ ބޮޑެއްޗެވެ އަނެއްބައި އެއްޗެހި ދުނިޔެ ދަތުރުކުރާ ބުރަށްވުރެވެސް ބޮޑެއްޗެވެ މީގެސިފައަކީ ޢާއްމުކޮށް ވަށް ބޯޅައެއްގެ ސިފައެވެ މިއީ ރޭގަނޑު އުޑުން ފިޔަޖަހައި އަލިކަން ފޯރުވާ އެއްޗެކެވެ (2) ފަސްފިޔަ ނުވަތަ ހަފިޔަހުންނަގޮތަށް ހަދައިފައިވާ ނުވަތަ ކުރަހައިފައި ހުންނަ އެއްޗެއް (3) އިއްޒަތުގެ ނިޝާނެއްގެ ގޮތުން ކޮނޑަށް ނުވަތަ މޭ މައްޗަށް އަރާ ނިޝާނެއް މަޖާޒު: (4) ކަމަކުން މަޝްހޫރުވެފައިވާ މީހާ (5) ތަމްސީލުގައި ނުވަތަ ފިލްމުގައި މައިގަނޑު ބައިތައް ކުޅޭމީހުން