radheef.info
ރަދީފު


ޒ
އ ތާނައިގެ 91 ވަނަ އަކުރު
ފީލުބާގަ
ނ (1) ގެފުޅު މުގުރުމަށް ދިޔަ އަބުރަހަތުގެ ލަޝްކަރު (2) )ސ ( މަޖާޒު: ކުދިން ގިނަ ޢާއިލާއަށް ނުރުހުމުގެ ގޮތުން ބުނާ ބަހެއް
ފުހުން
މ (1) އެއްޗެއްގެ އަސަރު ފިލުވައިލުން. (2) ޥުޟޫކުރުމުގައި ބައެއް ގުނަވަނުގައި ނުވަތަ ގުނަވަނުގެ ބަދަލުގައި ހާކަންޖެހޭ އެއްޗެއްގައި ފެން ހޭކުން (3) ތަޔަންމަމު ކުރާއިރު ގުނަވަންތަކުގައި ހިރަފުސް އުނގުޅުން (4) މަޖާޒު: ހަނދާން ނައްތައިލުން
ފުށުންޖެހުން
މ (1) އެއްޗެއް މައްޗަށް އޮތް ފަރާތް ދަށަށް ވާނެހެން ހެދުން. (2) އެއްޗެއްގެ އެތެރެއަށް އޮތްފުށް ބޭރަށް ބަދަލުކޮށްލުން. (3) މަޖާޒު: ކަމެއް ރާވައިފައި އޮތްގޮތުގެ އިދިކޮޅަށް ބަދަލުކުރުން. (4) ބަހެއް ނުވަތަ ވާހަކައެއް ދިމާ އިދިކޮޅަށް ބުނުން
ފުށެތިކާލު
ނ ޕޯޗުގީޒު
ފުށެތިކާލުން
ނ ޕޯޗުގީޒުން
ފުށްދީފައިދިއުން
މ (1) ކޮކާ އަތުގައި ޖެހުމާއިއެކު ނުހިފިދިއުން އޭރުހުންނާނީ ކޮކާލުގެ ފުށް އަތުގައި ހޭކިފައެވެ (2) މަޖާޒު: ޝަހްވާނީ އެދުމުގައި އަންހެނަކާ ބައްދަލުވާ އިރަށް ފިރިހެން މީހާގެ އެދުން ފުދުމުން ފިރިހެން މީހާ ދާދިއުމަށް ބުނެއުޅޭ ބަހެއް
ފުށްގަހުގުރާ
ނ (1) ޑިންޑިން ކޮވެލި ފާޑަށް އިންނަ އެއަށްވުރެ ކުޑަ އެއްގަމު ދޫންޏެއް (2) މަޖާޒު: މާގިނައިން ފުށްޖަހައިފައި ތިބޭ މީހުންނަށް މަލާމާތުގެ ގޮތުން ބުނެއުޅޭ ބަހެއް މިސާލު: ހީވަނީ ފުށްގަހު ގުރައެއް ހެންނެވެ (3) ސަމައްތަރު ހެޔޮ ޗާލު އަންހެން ކުއްޖެއްގެ ރީތިކަން ބަޔާން ކުރުމަށް ބޭނުންކުރާ ބަހެއް
ފުށްގަނޑު
ނ (1) މޮޑެފައި ހުންނަ ފުށް. (2) މަޖާޒު: ދޫނި ސޫފާސޫފީގެ ޅައެއްޗެހި. މިސާލު: މާކަނާ ފުށްގަނޑު ހޯގުޅާ ފުށްގަނޑު (3) ސަމައްތަރު ހެޔޮކުޑަ ކުދިންނަށް ލޯބިން ކިޔާނަމެއް
ފުށްޖަހާމާ
ނ (1) މޫނުގައި ފުށްޖެހުމަށް ހަދަިއފައި ހުންނަ މާ (2) މަޖާޒު: ރީތި އަންހެނުން ނުވަތަ ރީތި ފިރިހެނުން
ފުނޑުފުނޑުއަރުވައިލުން
މ މަޖާޒު: ތަނެއްމުޅިން ހަލާކުކޮށް ސުންނާފަތި ކޮށްލުން
ފުނަވާރު
ނ ވާރުނެގި ޒަމާނުގައި ވިލިވިލީން ދޭވަރު. މިވާރަށްނަގާ ތަކެތީގެ ތެރޭގައި ރަށް މާލޫދަށާއި ކަފުއޮޑީގެ ސާމާނަށް ބޭނުންވާ ތަކެތި ހިމެނެއެވެ
ފުނިޖެހުން
ނ (1) އެއްޗެހިތަކެއް މައްޗަށް އުސްވާގޮތަށް މަތިމައްޗަށް އެޅުން (2) ތަނަކަށް އާދަޔާ ޚިލާފަށް ގިނަ ޢަދަދަކަށް މީހުން އެއްވުން (3) މަޖާޒު: މަސައްކަތްތަކެއް ނުކުރެވި ގިނަވެފައި ހުރުން
ފުން
ނއ (1) ތަނެއްގެ ނުވަތަ އެއްޗެއްގެ ސަޠުޙަށްވުރެ އަޑި. (2) އެއްޗެއްގެ ނުވަތަ ތަނެއްގެ އެތެރެއަށް އަޑިވެފައި ހުންނަވަރު ވާ ބޮޑު. މިސާލު: ފުން ދޯންޏެއް. ފުން ހޮހޮޅައެއް. (3) މަޖާޒު: ނިންޖާ ނިސްބަތްކޮށް ބުނާ ގަދަ. މިސާލު: ގަދަނިދި. )ފުންނިދި( (4) ކަންކަމާއި ޚިޔާލާއި ފިކުރުގެ އެންމެ އަޑި އެންމެ ދުރު (5) މާނަ އަތުލައިގަތުން އުނދަގޫ
ފުންނާބުއުސް
ނއ މަޖާޒު: (1) މަޢުލޫމާތު ތަނަވަސް (2) ހުނަރުވެރިކަމަށް އަރާހުރި (3) ކަންކަމަށް ކުޅަދާނަ
ފުންނާބުއުސްވުން
މ މަޖާޒު: (1) މަޢުލޫމާތު ތަނަވަސްވުން (2) ހުނަރުވެރިކަމަށް އަރާހުރުން (3) ކަންކަމަށް ކުޅަދާނަވުން
ފުންނާބުގައިތެޅުން
މ މަޖާޒު: މީހުންގެ ގާތަށް އުނދަގޫވާ ވަރަށް ކަންކަމާ ހިނގުން
ފުންމައިގަތުން
މ (1) ގަޔަށް ބާރުލައި ހުރިތާކުން މުޅިހަށިގަނޑު މައްޗަށް އުފުލޭގޮތަށް ޙަރަކާތްކުރުން (2) މަޖާޒު: ރުޅިވެރިކަމާއިއެކު އަނެކަކާ ދިމާއަށް އެއްޗެހި ގޮވައިގަތުން
ފުރަހަނިޖެއްސުން
މ މަޖާޒު: ޅަކުދީންނަށް މައިމީހާގެ ކިރުނޫން އެހެން ކާއެއްޗެއް ދޭން ފެށުން
ފުރައުކަސްވަޑުނަ
ނ )ބދ ( (1) ބޮޑުބަނޑޭރި (2) އެގްޒެކެޓިވް ސެކްރެޓެރީ
ފުރަދާނަ
ނ އިހުގައި ވަޒީރުންގެ ދަރަޖައިގައި ތިއްބަވާ ބޭކަލުން