radheef.info
ރަދީފު


ބަ
އ އައްބަ
ބިތްގަނޑު
ނ ތަނެއް ބައިކުރުމަށް ފިލާ ފަދަ އެއްޗަކުން ހަދާ ވަގުތީ ފާރު
ބިތްޖެހުން
މ (1) އިންސާނާއާއި އަދި އެހެނިހެން ދިރޭތަކެތި ވަރުބަލިވެގެން ބިތަށްލައްވުން (2) ފިކުރު ހުސްވެ ހުއްޓިފައި ހުރުން
ބިލަތްތޮނަ
ނ ކަނދޮޅުފަތުގެ ބައްޓަމަށް ފަތް ހުންނަ މިނައެވެ ބިލެއް ކުރި އިންދައިފައިވާ ތަންތާނގައި މިވިނަ ހައްދާއުޅެއެވެ
ބިލެތާދިޔުން
މ (1) މައުލޫދަށް ކިޔާން ބިލެތް ހިފައިގެން ދިއުން (2) ހ މަޢުލޫދަށް ބިލެތްބަލައި ކޮންމެވެސް ރަށަކަށް ދިއުން
ބިލެތު ބޯ
ނ ބިލެތްކަފާއިރު ކައިރިންނެގޭބައި
ބިލެތް ކަނޑާހަރު
ނ ބިލެތް އަރުވައިފައި ހުންނަ ޅޮހަށް ނުވަތަ ރުއްގަހަށް ބިލެތް ކަނޑަން އެރުމަށް ގަޅިބަނދެފައި ހުންނަ އޮނު ނުވަތަ ދަނޑި
ބިލެތް އޮޑި
ނ ހަނގުބޭކަލުން މަތީފޭލި އަންނަ ހެދުމުގައި ވާތްފަރާތުން އުނަގަނޑުގައި ޖަހާ އެއްޗެއް. މިހުންނާނީ ކުރީގައި ކުޑަމާގަނޑެއް ބަދެފައި ކުރީކޮޅު ހިމަކޮށް ގުދުކޮށްނެވެ
ބިލެތް މައްޗަށްޖެހުން
މ ރަސްމީ މަޢުލޫދުގައި ހަރުގެހަދާ ތައްޔާރުކުރުމަށް ހަނގުބޭކަލުންގެ ބަޔަކު ޚާއްޞަ ކުރުން
ބިލެތްހުނި
ނ ދުފާން ގެންގުޅޭ ހުނި މިއީ އުވަ ފުރާނައިގެން ނަގާ ހިމުންބައެވެ
ބިލެތްބޮނޑި
ނ (1) 05 )ފަންސާސް( ގަނޑުބިލެތުން ބަނދެފައި އޮންނަ ބޮނޑި (2) ފަންސާސް ގަނޑު ބިލެތް
ބިލެތްދަފިނެގުން
މ ފިރިހެނުން ކުޅެއުޅޭ ކުޅިވަރެއް މިއީ ބިލެތް އަޅައިފައި ހުންނަ ދަތްޕެއް ތިރިގޮނޑި އެއްގައި ބަހައްޓައި އޭގެވަށައިގެން ފިރިހެނުން ތިބެލަވަކިޔައި ނަށަމުން އެނެށުމާ ހަމަވާގޮތަށް އެދަފިނަގައި ކޮންމެވެސް އެކެއްގެ ބޮލުގައި ބަހައްޓައިގެން ނަށާ ނެށުމެކެވެ ޢާއްމުކޮށް މިދަފިނަގައި އުޅެނީ ގާއޮޑި ލަވަކިޔާއިރު އަންބާބެރަށް ފެށުނީމާ އޭގެ ހަމައަށް ނަށަމުންނެވެ
ބިލެތްތަޅާވަން
ނ (1) މަތީގައި އިސްކުރުމައްޗެއް ފުލުގައި އަގުޅިއެއްޖަހައި މަތިގަނޑުގެ ތެރޭން ކޮޅުފަތި ކައްޓެއް މަހައިފައި އޮންނަ ހަރުމަތީ ބަނޑިއެއްގެ ފޫބުރިއެއްގެ ސިފައިގައިވާ ލޯކަންވާރެއް (2) ކުދިވަރުގެ ދަގަނޑު ނުވަތަ ލޯ ވަން
ބިލެތްގަސް
ނ އައްޑުހު ދުޢާފަދަ ބައެއްރަސްމީ ކެއުމުގައި ކޭން ކާމީހުންނަށް ލިބޭ ބިލެތްތަކުން އެމީހުންގެ ގޭގެޔަށް ފޮނުވުމަށް މަލެއްގެ ސިފައިގައި ރާވައިފައި ހުންނަ އެއްޗެއް
ބިގަރު
ނ ކަރާސީނުތެޔޮ އަޅައި ގުންބާކޮށްގެން ދިއްލާ އަލިގަދަ ބައްތިޔެއް މިދިއްލިފައި ހުންނާނީ އަނދާ އަޅިޔަށްވެފައި ހުންނަ ދާގަނޑެއްގައެވެ
ބިގަރުހޮޅި
ނ ހޮޅި (1) ވަނަ މާނަ ބަލާ!
ބިސީ
ނ (1) ދަތުރުމަތީގައި އެކުގައި ކާން އުޅޭ ބައިގަނޑު (2) އެކުގައި ކައިބޮއި އުޅޭ ބައިގަނޑު
ބިސް
ނ (1) ބައެއް ބާވަތުގެ މަސްމަހާ މެއްސާއި ދޫނި ސޫފާ ސޫފީގެ ދަރި ގަރުބަގަތުމަށްފަހު މައިއެތީގެ ހަށިގަނޑުން ބޭރުގައި އޮވެގެން އޭގެ އަމިއްލަ ޒާތުގައި ނޭވާލައި އުޅެވޭ ވަރުވަންދެން އެއެއްޗެއްގެ ތެރޭގައި އޮންނަ އެތި. ޢާންމު ގޮތެއްގައި މިއީ ތޮށްޓެއްގެ ތެރޭގައި އޮންނަ ލޮނދިގަނޑަކާއި ގޮބޮޅިޔެއްގެ މައްޗަށް އެކުލެވިގެންވާ އެއްޗެކެވެ (2) އަންހެނާގެ ނުވަތަ އަންހެންއެތީގެ ހަށިގަނޑުގެ އެތެރޭގައި އުފެދޭ ދަރިމައިވުމުގެ ސެލް (3) ބައެއް ކަހަލަ މޭވާއާއި ދިވެހި ހަކުރު ނުބައިވެގެން އުފެދޭ ކުދިކުދި ފުއްފުއް
ބިސްހޯނު
ނ (1) އަންހެން ހޯނު (2) ބިހުން މާބަނޑުވެފައިވާ ހޯނު
ބިސްރޮނޑު
ނ ރޮނޑުގެ ބާވަތެއް މަހުގެ ކުލައަކީ ކަޅު ކުލައެވެ ބަނޑުދަށް ފަރާތުގައި ހުދުކުލައިގެ ބޮޑެތި ލައްތަކެއް ހުރެއެވެ ތުނބުގެ ވަށައިގެން ހުންނަނީ ގަދަ ރީނދޫ ކުލައެވެ މަހުގެ މޫނުމަތީގައި ކައްޗަށްވާގޮތަށް ރީނދޫ ކުލައިގެ ކުރެހުމެއް ހުރެއެވެ
ބިސްބަތް
ނ ވެލާ ބިހާ ކާށިހުންޏާ އަޅައިގެން ކައްކާ ބަތް