radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ފެންފުޅަފި
ނ މަސްދޯނިފަހަރުގައި މަސްއައިނަށް ފެން އުކުމަށް ގެންގުޅޭ އެއްޗެއް. އާއްމުކޮށް މިހަދައިފައި ހުންނަނީ ރުކުގެ ފުޅަފިންނެވެ
ފެންފޭދުން
މ ފެންއަޅައިފައި ހުރި އެއްޗަކުން ބޭރަށްފެން ނީރުން
ފެންފޮޅިދޮލަނގު
ނ ބާރަ މާލޫދު ކިޔާރޭ ރަސްމީގޮތުން މާލޫދުހަރުގެއަށް ގެންދާ ކޭމެއް. މިދޮލަނގުގައި ހުންނާނީ ފެންފޮޅިއާއި ކިރާއި ހިކިރިހައެވެ
ފެންފޮދުބަޑި
މ ގަނޑުވަރުތެރޭ ބޭފުޅުން ރައްކާވެގެން އަންނަ ސަމާގެ ދުވަސްވަރު ދުވާލު ދެއިރުޖަހާ ބަޑިއެއް. މިބަޑިޖަހާނީ ފިރިހެން ބޭފުޅަކަށް ނަމަ 7 ބަޑި އަންހެން ބޭފުޅަކަށްނަމަ 5 ބަޑިއެވެ މިއި ނައިނޭ ފިއްލަވާ ވަގުތު ޖަހާ ބަޑިއެކެވެ
ފެންފޮދުއޮޑިކޮޅު
ނ އިހުގައި ގަނޑުވަރުތެރޭ ބޭފުޅުން އާލާސްވެއިންނަވާ ހަތްމަސް ފުޅަށް އަޅައިގަތީމާ ކުރެންދޫ ޒިޔާރަތުން ފެން ފޮދު ބަލައިދާ އޮޑި މިފެންފޮދު ގެންނަނީ އެބޭފުޅަކު ނައިނެ ފިއްލެވުމަށެވެ
ފެންފޯއްދޫނި
ނ އެއްގަމުދޫންޏެއް މީގެފަސް ވައްތަރެއް ހުރެއެވެ އެންމެ ވައްތަރުވާނީ ކުޑަވަރެއްގެ މައިނާއަކާއެވެ މީގެ ކުލަޔަކީ މުށިކުލައެވެ ބޮޑު މިންވާނީ ގާތްގަޑަކަށް 3 އިންޗި 4 އިންޗި ވަރެވެ
ފެންދަފަތް
ނ އެއްގަމުގައި ދުއްވާ ތަކެތީގެ ފުރޮޅުގެ ކައިރީގައި އެއެއްޗަކަށް ފެނާއި ކިސަޑާއި ވެލިބުރިޔަ ނުދިނުމަށް ހަރުކޮށްފައި ހުންނަ އެތި ޢާއްމުކޮށް މިހަދައިފައި ހުންނަނީ ރަބަރުންނެވެ
ފެންތެލީރުއް
ނ އިހުގައި ކުދިން ލިބުނީމާ ލިބޭ ކުއްޖާގެ ނަންމަތީގައި އިންދާ ފެންތެލި ކާށީގެ ތިން ރުއް
ފެންޑާ
ނ (1) ދިވެހިން ގެދޮރު އެޅުމުގައި މައިގޭގެ މައިދޮރޯއްޓާ ވީ ފަރާތަށް އިތުރު ކުރާބައި. (2) ދިވެހިން ގެދޮރު އެޅުމުގައި މައިގެއާއި ގުޅައިގެން ކޮންމެ ފަރާތަކަށް ވިޔަސް އިތުރު ކުރާބައި. މިބައި ހުންނާނީ މައިގެޔަށްވުރެ ތިރިކޮށް ބަންދު ނުކުރެވޭ ގޮތަށެވެ
ފެމުނުގެ ބާރު
ނ މަޖާޒު: ބާރުދެއްކި ވަރަކަށް ބާރުދެއްކުން މިބަސް ބޭނުންކޮށް އުޅެނީ ކެއުމާ ބެހޭގޮތުންނެވެ މާނައަކީ ދިންވަރަކަށް ކެއުމެވެ
ފެތުން
މ (1) ފެންމަތީގައި އޮވެގެން ދެއަތުން ފަލިޖަހައިފައި ކުރިޔަށް ދިޔުން. ނުވަތަ ފަހަތަށް ދިޔުން. (2) ފުރާ ދުއްވާ އެއްޗެހި ފެން އަރައި އަޑިއަށް ދިއުން (3) ގެނބުން (4) އެއްޗެއްގެ ތެރެއަށް އެއްޗެއް ވަނުން މިސާލު: މިއުޅެނީ ގަމީސް ނުފެތިގެންނެވެ މިލަކުޑިގަނޑުގެ ދޫ ކޮރުވަޅު ތެރެއަށް ނުފެތެއެވެ (5) ހަމަޖެހުން މިސާލު: ރާގަށް ފެތުން ވަޒަނަށް ފެތުން (6) މަޖާޒު: ނުބައި ކަމެއްގައި ބެދުން
ފެސްކޯ
ނ ފެތުރިފައި ހުންނަ ގޮތަށް ތިރިކޮށް ހެދޭ ހިމަދިގުކޮށް ފަތް ހުންނަ ގަހެއް. މިގަހުގެ ފަތަށް ދަމާލީމާ ބުރިވާނީ ދެކަތްޕަށެވެ މިއީ ބޭހަށް ބޭނުންކުރާ ފަތްޕިލާ ވެއްޔެކެވެ
ފޭރާ
ނ ގަބުޅި ކާށި ހެހުމަށްޓަކައި ކުރެދި ފަދަ ތަކެތިން ހަދައިފައި ހުންނަ އެއްޗެއް މިހުންނާނީ އެއްކޮޅު ބިމަށް ޖަހައިފައެވެ މައްޗަށް ހުންނާނީ ފޭއްސައިފައި ހުންނަ ކޮޅެވެ
ފޭރު
ނ (1) ގަހެއްގައި އަޅާ މޭވާއެއް މީގެ އޮށް ހުންނާނީ ކަރުގަނޑުގެ ތެރޭގައެވެ (2) ފޭރާން ކުރާމީހާ
ފޭއްދުން
މ (1) އެއްޗެއްގެ ތެރެއިން އަނެކެއްޗެއް ފާޅުވުން މިސާލު: ވިލާތަކުގެ ތެރެއިން ހަނދު ފޭއްދުން (2) ދިޔާ އެއްޗެއްގެ ތެރޭގައި ހުންނަ އޮލަ ހިމުން ބައި އަޑިޔަށް ފޮނުވަން ބެހެއްޓުން (3) )ހ ( އެއްޗެއްގެ ތެރޭގައި ހުންނަ ރަނގަޅު ނުބައި ނުވަތަ ކުދި ބޮޑު ވަކިކޮށްލުން މިސާލު: ކާށިތަކުގެ ތެރޭގައި ހުންނަ ބޮޑެތި ކާށި ފޭއްދުން (4) ނީރުން
ފޭދުން
މ (1) ތެތްކަން ދުރަށް ފެތުރިގެން ދިއުން (2) ނީރާލުން (3) މީހުންގަނޑުގެތެރެއިން ފުރޭނެމުން ފުރޭނެމުން ނުކުތުން (4) ދިޔާ އެއްޗެހީގެ ތެރޭގައި ހުންނަ ކިލަނބު ނުވަތަ އޮށްޓަރު އަޑިޔަށް އޮބުން
ފޮށާއޮޅުން
މ ފިރިހެނުންގެ ބޮލުގެ އިސްތަށިގަނޑު ނިވާކުރުމަށް ހަނިދިގުކޮށް އޮންނަ ފޮތިގަނޑެއް ފަށްފަށްކޮށް އެޅުން )އާންމުކޮށް މިގޮތަށް އޮޅަނީ ހުދު ފޮއްޗެވެ
ފޮށި
ނ އެއްޗެހި ރައްކާކުކުރުމަށް ހަތަރު ބިތާއި މައްޗާއި ފޫ އެކުލެވިގެންވާ ގޮތަށް ހަދައިފައި ހުންނަ އެއްޗެއް. މިހުންނާނީ މަތިގަނޑު ހުޅުވޭ ލެއްޕޭގޮތަށް ހުޅުލައިފައެވެ. އަދި ތަޅުލެވޭ ގޮތަށެވެ
ފޮށިގަނޑު
ނ އެއްތަނުން އަނެއްތަނަށް މުދަލާއި ތަކެތި ގެންދިއުމަށް ހަތަރުބިތާއި މައްޗާއިފޫ ނުވަތަ ހަތަރު ބިތާއި ފޫ އެކުލެވޭގޮތަށް ހަދައިފައި ހުންނަ ފޮށި. އާންމުގޮތެއްގައި މިހަދައިފައި ހުންނަނީ ލަކުޑި ފިލައިން ނުވަތަ ބޯ ކަރުދާހުންނެވެ.
ފޮނިކޮކާ
ނ އިރުވަޔާއި ހުޅަނގާއި ބެދޭ ދުވަސްވަރު އަންނަ މަޑު ދޮންކުލައިގެ ކޮކާލެއް. މިކޮކާ ގިނައިން އަންނަނީ އަހިގަހުގެ މަލަށާއި މާނިފާ ވެލުގެ މަލަށެވެ ބައެއް މޫސުމުގައި ކަނދުގަހަށްވެސް އާދެއެވެ