radheef.info
ރަދީފު


ޓ
ނ ތާނައިގެ ވިހިވަނަ އަކުރު
ފޭއްދުން
މ (1) އެއްޗެއްގެ ތެރެއިން އަނެކެއްޗެއް ފާޅުވުން މިސާލު: ވިލާތަކުގެ ތެރެއިން ހަނދު ފޭއްދުން (2) ދިޔާ އެއްޗެއްގެ ތެރޭގައި ހުންނަ އޮލަ ހިމުން ބައި އަޑިޔަށް ފޮނުވަން ބެހެއްޓުން (3) )ހ ( އެއްޗެއްގެ ތެރޭގައި ހުންނަ ރަނގަޅު ނުބައި ނުވަތަ ކުދި ބޮޑު ވަކިކޮށްލުން މިސާލު: ކާށިތަކުގެ ތެރޭގައި ހުންނަ ބޮޑެތި ކާށި ފޭއްދުން (4) ނީރުން
ފޭދުން
މ (1) ތެތްކަން ދުރަށް ފެތުރިގެން ދިއުން (2) ނީރާލުން (3) މީހުންގަނޑުގެތެރެއިން ފުރޭނެމުން ފުރޭނެމުން ނުކުތުން (4) ދިޔާ އެއްޗެހީގެ ތެރޭގައި ހުންނަ ކިލަނބު ނުވަތަ އޮށްޓަރު އަޑިޔަށް އޮބުން
ފޭލިގެ
ނ ވަގުތީ ގޮތުން މީހުން އުޅުމަށްޓަކައި ފޮތިފަދަ އެއްޗަކުން ހަދައިފައި ހުންނަ ތަންތަން
ފޭޑި
ނ ކަންތައް ކުރުމާއި އުޅުމުގެ ވައްޓަފާޅި
ފޭޑިއެއް ނެތުން
މ ކަންތައްކުރުމާއި އުޅުމުގައި ވައްޓަފާޅިއެއް ނެތުން
ފޮށިތަންމަތި
ނ ދަތުރުކުރާއިރު ގެންދާ ފޮއްޓާއި ތަންމަތި ފަދަ ތަކެތި
ފޮނިރޮށި
ނ ފުށް އުއްސައިގެން ހަކުރާއި ގިތެލާއި ކުކުޅުބިހާ އެއްކޮށް އޮލަ ބޯކިރު ފޮދެއް ޖަހައި އެއްކޮށް މޮޑެ ގިތެއު ޖަހައިގެން ބޯކޮށް ފިހެފައި ހުންނަ ރޮއްޓެއް
ފޮނިވާހަކަ
މ ތިމާގެ މޮޅުކަން ނުވަތަ ބޮޑުކަން ދެއްކުމަށްޓަކައި ދައްކާ ވާހަކަ
ފޮނިތޮށި
ނ ގަހެއްގެ ތޮއްޓެއް. މިއީ ބޭހަށާއި ކާއެއްޗެއްސަށްލާން ބޭނުންކުރާ އެއްޗެކެވެ މީގައި ކުޅި ފޮނިރަހައެއްދެއެވެ
ފޮނު
ނ (1) ދިޔާ އެއްޗަކަށް އަންނަ ބަދަލަކުން ނުވަތަ އަންނަ ހަރަކާތަކުން އެއެއްޗެއްގެ މަތީގައި އުފެދޭ ކުދިކުދި ބޮކިތަކަކުން އެކުލެވިފައިވާ ހުދު ކުލައިގެ އެއްޗެއް. (2) އަނގައިގެ ތެރޭގައި ކުޅުން އުފެދޭ ކުދިކުދި ބޮކިތަކެއްހެން ހުންނަ އެއްޗެއް. (3) ރާޅު މުގުރާ އިރާއި ރާޅުޖަހާއިރާއި ބިންދާއިރު އަރާވައިގެ ބޮކި ތަކަކުން އުފެދޭ ހުދުކުލައިގެ އެއްޗެއް. (4) އަލިފާން ނިއްވުމަށްޓަކައި އުފައްދައިފައި ހުންނަ ލޮލަށް ނުފެންނަހާ ކުދިކުދި ބޮކިތަކަކުން އެކުލެވޭ ހުދުކުލައިގެ އެއްޗެއް. (5) ސައިބޯނި އޯމޯ ފަދަ ތަކެތި ފެނާ އެކުވުމުން އަރާވައިގެ ބޮކިތަކެއް
ފޮނުވާލުން
މ (1) "ފޮނުވުން" މިބަސް ލުއިކޮށް ބުނާގޮތް (2) މީހަކު އެމީހާ ދިރިއުޅޭ ރަށުގައި ބަހައްޓަވަން ސަރުކާރަށް ފެނިވަޑައި ނުގެން އެހެން ރަށަކަށް ފޮނުއްވުން
ފޮނުފޮޅުވުން
މ ބައެއްކަހަލަ އެއްޗެއް ފަހުން ކެއްކުމަށް ބަހައްޓާއިރު ނުބައި ނުވާ ވަރަށް ކައްކާލުމަށްޓަކައި ކެކިގަންނަވަރަށް ކައްކައިލުން
ފޮޅުން
މ (1) މާމަލުގެ ފިޔަތައް ހުޅުވުން. (2) ގޮވާމާއި ހަވާދު ފަދަ ތަކެތީގެ ކުނޑި ފިލުވުމަށް ނުވަތަ އޭގެ އެކިއެކި ބައިބައި ވަކިކުރުމަށް ބަތްޕޮޅި ނުވަތަ ދޮލަނގެއް ފަދަ އެއްޗަކަށް އަޅައިގެން ވަކިގޮތަކަށް ޙަރަކާތްކުރުން (3) ތަނެއްގައި ހުރި ހިރަފުހާއި މަކުނުވާ ފަދަ އެއްޗިހި ފޮތިގަނޑެއް ނުވަތަ އެނޫންވެސް އެއްޗަކުން ތަޅައިގެން ސާފުކުރުން (4) ހަނާކުރާއިރު ގޮވާމުގައި މާޖެހުން (5) ތަންތަނުން ދަވާދު ދަބަރު ފަދަ އެއްޗިހި އުފުލި ކެނޑިކެނޑިގެން ނެއްޓުން (6) އެކިއެކި ގޮތްގޮތް ދިމާވެގެން ގައިގެ ހަން ތޮށިތަކެއްހެން ނެއްޓެމުން ދިއުން (7) ތަނަކަށް އެޅިފައި ނުވަތަ ތަނެއްގައި ހަރުލައިފައި ހުންނަފެން އަތުގެ ނުވަތަ އެނޫންވެސް އެއްޗެއްގެ ޙަރަކާތުން ބުރުވައިލުން (8) ނޭފަތުގައި ހުންނަ އަރިދަފުސް ނެރެ ސާފުކޮށްލުން (9) މަޖާޒު: އުފަލުން ގޮސް މޫނުމަތި އުޖާލެވެގެން ދިއުން
ފޮޅުވައިލުން
މ (1) ހުޅުވައިލުން (2) ނިއުޅައިލުން (3) ވޮލީ ކުޅޭއިރު ބޯޅަ މައްޗަށް ފޮނުވައިލުމަށް އަތުގެ އިނގިލި ތަކަށް ގެންނަ ޙަރަކާތް ގެނައުން (4) ގައިގައި ހިފަހައްޓާފައި ހުރިމީހަކު ގައިން ނައްޓުވައިލުން
ފޮޅުވަތްއެޅުން
މ ލިޔަން ދަސްކޮށް ދިނުމަށްޓަކައި ފޮތުގައި ފޮޅުވަތެއް ލިޔެދިނުން
ފޮޅުވަތްދެމުން
މ ލިޔުމަށްޓަކައި ކަރުދާހާއި ފޮތް ފަދަ އެއްޗެހީގައި ހުރަހަށް ރޮނގު ދެމުން
ފޮފަނަގާރޮންދާ
ނ ވަޑާންކުރުމުގެ ތެރޭގައި ބޭރަށް ފުއްޕުން ލައިފައި ހުންނަ ތަންތަން ބޭރަށް ފުއްޕުން ލުމަށްޓަކައި ހަދައިފައި ހުންނަ ރޮންދާއެއް
ފޮދުޖެހުން
މ އޮލައެއްޗެހިން އެތިއެތިފޮދު ވެއްޓުން
ފޮތަށްނެގުން
މ ނޯޓު ކުރެވިފައި ހުންނަ ތަކެތި ފޮތެއްގައި ލިއުން
ފޮތިކެނޑުން
މ (1) ފޮތިފޭލިން ފޮތި ބުރި ކުރުން. (2) ތުނިކޮށް ހުންނަ ކުދި ވައް ގާކޮޅުކޮޅު މޫދުގެ ލޮނުގަނޑުގެ މަތީގައި ޖެހިފައި ފެންގަނޑު ކެފެމުން ދާގޮތަށް އުކުން (3) ބައެއް ތަކެތި ކައްކައި އޮލަވީމާ ދޭފަތުން ނުވަތަ އުނދުޅިން ނަގާއިރު އެ އެއްޗެހި ފޮތިފޮއްޗަށް ވެއްޓުން