radheef.info
ރަދީފު


ބަ
އ އައްބަ
ބިންގަނޑު
ނ ބިން ނުވަތަ ބިމުގެ ބަޔެއް
ބިންގާ
ނ (1) ބިންގަލަށް ވަޅުލާގައު (2) އިމާރާތުގެ ބިމުގެ އަޑިޔަށް ރާނާބައި (3) ގޭގެ ކަނެއްގައި އިރުވަރުން ބާއްވާގައު (4) ޢިމާރާތް ކުރުމުގެ މަސައްކަތް ފެށުމުގެ ރަމްޒެއްގެ ގޮތުން ބާއްވާ ގައު (5) ތަރަހަ (6) ތަރާ
ބިންގާ އެޅުން
މ (1) ބިންގަލަށް ވަޅުލާގައު ވަޅުލުން (2) ޢިމާރާތުގެ ބިމުގެ އަޑިޔަށްވާބައި ރާނައިލުން (3) ގޭގެ ކަނެއްގައި އިރުވަރުން ބާއްވާ ގައު ބޭއްވުން (4) ޢިމާރާތްކުރުމުގެ މަސައްކަތް ފެށުމުގެ ރަމްޒެއްގެ ގޮތުން ބާއްވާގާ ބޭއްވުން (5) މަޖާޒު: ކަމެއްގެ ފެށުން
ބިރިކި
ނ (1) ދެކުނބަށް ފަރުމާނުއެޅިނައު (2) އާގުބޯޓު ފަހަރުގެ އެންމެ މަތީ ފަންގިފިލާގައި ދިރުނބާ ކޮޅުގައި މައްޗަށް އަރުވައިފައި ހުންނަބައި ބައެއް ބޯޓުގެކޮޅު ފަސްކޮޅުގައިވެސް ބިރިކި ހުރެއެވެ
ބިރިޔާނީ
ނ ގިތެލާއި މަހާއި ބައެއް ހަވާދުލައިގެން ކައްކާ ބަތެއް
ބިރިޖު
ނ ތާސްބައިން ކުޅޭ ކުޅިވެރެއް
ބިބީ
ނ (1) ތާސްބައިގެ ގުލާމާ ބައިސާއާ ދޭތެރޭ އޮންނަ ގަނޑު (2) ތާސްބައިގެ ކޮންމެ ރަނގައެއްގެ ބާރަވަނަގަނޑު (3) މަހެއްގެނަން
ބިއްބުޅަމަސް
ނ ފަރުމަހުގެ ބާވަތެއް މިއީ ރާބުޅާގެ ބައްޓަމަށް ބޮނޑިމަސްކޮށް ހުންނަ މަހެކެވެ މަހުގެ ކުލައަކީ މަޑު އަޅިކުލައެވެ މިމަސްގިނައިން އުޅެނީ ތޮށި ދޮށުގައެވެ
ބިއްކޮއްޓި
ނ (1) އަންހެން ކުއްޖެއް ކަން ދޭހަކޮށް ދިނުމަށް ބުނެއުޅޭބަހެއް (2) އުފަންވުމާ ގުޅިގެން އަންހެން ކުއްޖެއްކަން އަންގައިދޭން ބުނެއުޅޭބަހެއް
ބިއްތެރި
ނ ބައިމަތިފުލާ ހަށިގަނޑުބިޔަ މީހުންނާއި މިފަދަ ދެޔޯ އިފުރީތު ފަދަ އެއްޗިއްސަށް ބުނެއުޅޭ ބަހެއް
ބިއްލޫރިބަނޑިޔާ
ނ ތަށިދިއްލައިފައި ބަހައްޓާން ނުވަތަ އުށްބައްތި ޖަހާންބިއްލޫރީން ގޮނިކޮށް ހަދައިފައި ހުންނަކަންވާރެއް މިކިތަންމެ ސިފައަކަށް ހުރެއެވެ
ބިއްލޫރިބޮކި
ނ (1) ބިއްލޫރިން ހަދައިފައި ހުންނަ އެއްޗެއް. މީގެ އެތެރޭގައި ހޮއި އޮންނާނެވެ. (2) "ބޮކި" ބަލާ!
ބިއްލޫރިގަނޑު
ނ ވަކިސައިޒަކަށް ނުވަތަ ބައްޓަމަކަށް ކަހައިފައި އޮންނަބިއްލޫރި
ބިމުދާއްބަ
ނ (1) ޤިޔާމަތުގެ ޢަލާމާތެއްގެ ގޮތުން ބިމުންނުކުންނާނޭ ދާއްބައެއް (2) ފުލޯކު ވާހަކަތަކުގައި ޖާދޫ ހަދައިގެން ނުވަތަ ފަންޑިތަހަދައިގެން ބިމުން ނެރޭ ކަމަށްބުނާ ފުރޭތައެއް
ބިމުދާއްބަނެގުން
މ ފަންޑިތަހަދައިގެން ބިމުދާއްބަ ނެރުން
ބިމުސޫފި
ނ ކުޑަކުދިންނަންޖެހޭ ހަމުގެ ބައްޔެއް މިއީ ގިނައިން ބިންމަތީގައި ބައިތިއްބައިފައި ތިބޭ ކުޑަކުދީންގެ ފައިން ނަގާ ބައްޔެކެވެ މިހުންނާނީ ރުއްތޮށިގަނޑެއްހެން ބޯކުރަގަނޑެއްގެ ގޮތަށެވެ
ބިމެކަން
ނ )ސ ( ކުޑަކުދިންނަށްޖެހޭ ހަމުގެ ބައްޔެއް މިޖެހުނީމާ މުޅިގައިން ބިހިތަކެއް ނަގާނެއެވެ
ބިތް
ނ (1) ގޭގެ ތަރަހައްދު ނުވަތަ ގޭތެރޭގެ ބައިތައް ވަކިކުރުމަށްޓަކައި ހަދައިފައި ހުންނަ ނިވާ (2) ފަރާތް
ބިތްބަންނަދުނބުރި
ނ ގޭގޭގެ ބިތް ބަނުމަށްޓަކައި ގާތްގާތުގައި އިންދައިގެން ހައްދާ ހިމަ ދުނބުރި
ބިތްބަޅު
ނ ބިއްބަޅު