radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ފުލޫނިޔާ
ނ މާގަހެއް މިގަހުގެ މާ ހުންނަނީ ދިގު ތަނޑެއްގައެވެ ފިޔަތައް ހުންނާނީ އެއްބަރިއަކަށެވެ މީގެ ތަފާތު ކުލަކުލަ ހުރެއެވެ
ފުލްއެނބުރި
ނ )ޏ ( ބޮލީގެ ވައްތަރެއް މި ބޮލި ހުންނަނީ ތަންކޮޅެއް ދިގުކޮށް ފުލަށް ހިމަކޮށެވެ
ފުސްމާޅޮސްކެޔޮ
ނ މާޅޮސް ކޭލުގެ ބާވަތެއް މިބާވަތުގެ ކޭލުގެ ބޭރު ހުންނާނީ ފުސްކުލައިގައެވެ
ފުޓުނިއެޅުން
ތަންތާގައި ހުންނަ ބާކޮޅުކޮޅާއި ހިންމިތައް ބެއްދުމަށް ފުޓުނީގެ ބޭނުން ކުރުން
ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ފޫބުރި
ނ (1) ވާގަނޑުނޮޅި ޖަހާ ފުޅި މިފުޅި ހުންނާނީ މައްޗަށް ހިމަކޮށް ކަރެއްލައިފައި ތިރިޔަށް ފުޅާކޮށް ފޫހަމައަށެވެ (2) މައްޗާއި ފޫހުންނަ ބައެއް ކަހަލަ އެއްޗެހީގެ ތިރީބައި މިސާލު: ސިލުނބުގެ ފޫބުރި
ފޫޓުމަސް
ނ (1) އެމުގެ ބާވަތެއް މިއީ ފެނާއި ލޮނުގައި ދިރިއުޅޭ ފެހި މުށިކުލައިގައި ހުންނަ ހުލުނބުތަށް ބޮޑެތި މަހެކެވެ ގިނައިން މިމަސް ދިރިއުޅެނީ ކުޅިކުޅީގައެވެ މި މަހަށް ފޫޓުމަހޭ ކިޔަނީމިމަސް ފޫޓެއްހާ ވަރަށް ބޮޑު ވާތީއެވެ (2) ތެލާޕިޔާ
ފޫޓުފަތިގަނޑު
ނ އިންޗިއާއި ސޫތު އެނގޭގޮތަށް ހުންނަ ފަތިގަނޑެއް މިހުންނާނީ ބާރައިންޗީގެ ދިގުމިނުގައެވެ
ފޫޖެހުން
މ (1) ބައެއް ކަހަލަ ކާ އެއްޗެހި ގިނަދުވަސްވެ ހަލކުވާން ވެގެން ނުވަތަ ވައި ބަންދުވެގެން އޭގައި ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް އުފެދުން (2) ދާ ހިއްލާ ހިކުނީމާ ގައި ގައްޔާއި ފޭރާމުގައި ހިކިފައިވާ ލޮނު އުފެދުން
ފެންބަތްމަތާ
ނ )ރ ( ރިޔާ ދޯނިފަހަރުގެ އެންމެ ދިރުނބާކޮޅުން ނަގާ ޖީބުރިޔާ ނެގުމަށް ދޯނީގެ ކުރިޔަށް ނެރެފައި އޮންނަ ދަސްތޫރަޔަށް ގަދަކުރުމަށް ޓަކައި ދޯނީގައި އެއްކޮޅުން ވިއްދައި އަނެއްކޮޅު ވަލުގައި ވިއްދައިފައި ހުންނަ ދަނޑިގަނޑު
ފެންބަޑި
ނ (1) ޢީދުވިލޭރޭ މެންދަމު ކިލެގެ ބުރުޒުން ޖަހާބަޑިއެއް (2) ހުކުރު ދުވަހު 01 ޖެހީމާ ކިލެގެ ބުރުޒުން ޖަހާބަޑިއެއް މިބަޑިޖަހަނީ ރަދުން ހުކުރަށް ފައިންޕުޅު އަޅުއްވާނެކަން އެންގުމަށް ޓަކައެވެ
ފެންކަރު
ނ ފެންވައިރު ކުރާއިރު ބޭނުންކުރާ ފަސޭހައިން ގޮތްގޮތަށް ލެނބޭ ހޮޅިއެއް. މިއެލްމެނިއަމުންވެސް ޕްލާސްޓިކުންވެސް ހަދައިފައި ހުރެއެވެ. މިބޭނުން ކުރަނީ ފެން ފޮނުވާދޭ ހޮޅިއާއި އަތް ދޮންނަ ތަށީގެ އިސްކުރާއި ނުވަތަ ފާޚާނާތަށީގެ ތާނގީއާއި ގުޅުމަށެވެ
ފެންކައްކާބޮލި
ނ (1) ބޮލީގެ އެންމެ ބޮޑެތި ވައްތަރު މިބޮއްޔަށް ފެންކައްކާ ބޮއްޔޭ ކިޔަނީ ކަރުވިހަ ފަދަ ވިހައަށް ބޭސްފެނެއް މިބޮއްޔަށް އަޅައިގެން ކައްކާތީއެވެ މިއީ ވިލުދޮޅީގައި ނުވަތަ ދޮންފަޅުގައި އުޅޭ ބޮއްޔެކެވެ މިބޮލީގެ ތުންފަތަށްވާ ހިސާބު )މަސްގަނޑު އަރާ ހިސާބު( ހުންނާނީ ރަތްކުލައެއްގައެވެ ބޭރުތޮށިގަނޑުގައި އުންތަކެއް ހުންނާނެއެވެ (2) މަޖާޒު: އެމީހެއްގެ ބޭނުމެއް ޖެހުނީމާ ކަމޭ ހިތައިގެން އުޅެފައި ބޭނުން ކެނޑުނީމާ އަޅާ ނުލައި ތިބޭ މީހުންނާމެދު ބުނެއުޅޭ ބަހެއް
ފެންކައްކާބޮލީގެޢިއްޒަތް
ނ )މިސާލުބަހެއް( ވަކިމީހެއްގެ ފަރާތުން ނޫނީ ފުއްދެން ނެތްކަމެއް އެމީހަކު ލައްވައި ކުރުވަން ވީމާ އެމީހަކަށް ކަމޭހިތާ ކަމޭހިތުން
ފެންކުޅި
ނ ކުޅިވަރެއްގެ ގޮތުން އެކަކު އަނެކެއްގެ ގަޔަށް ފެންޖަހާ ފެންޖެހުން. މިއީ އިހުގައި ކުޅެ އުޅުނު ކުޅިވަރެކެވެ މިކުޅިވަރު ފެށެނީ ހިތަނަކަތުން ތިންވަނަ ދުވަހުއެވެ
ފެންކުޅީގެރި
ނ އިހުޒަމާނުގައި ފެންކުޅި ފެށުމުގެ ކުރިން ކިޔަވާ ޞަލަވާތް ފާތިޙާއަށް ކަތިލާގެރި މިގެރި ކަތިލާނީ ރަދުން ވަޑައިގެން ހުންނަވައިގެންނެވެ
ފެންއޮއްސުން
މ (1) ފެން އަޅައިފައި ހުރި އެއްޗަކުން އަނެކައްޗަކަށް ނުވަތަ ތަނަކަށް އެފެން އެޅުން (2) ފެން އަޅައިގެން އުވަ ފުރޭނީމާ އޭގައި ހުންނަ އުވަތައް ނުފައިބާނޭހެން މަޑުމަޑުން ފެންހުސްކުރުން (3) ތެޔޮހާނަން ކިރު އެތި ކައްކައިފައި ބެހެއްޓީމާ ތެލާ ވަކިން އަޑީގައި ހުންނަ ފެން ހުސްކުރުން (4) މަޑުކުރާ ތަކެތީގައި ހުންނަ ފެން ބޭރަށް އަޅައިލުން (5) ހަނޑޫ ދޮވެފައި ހުންނަ ފެން ބޭރަށް އަޅައިލުން (6) ހިތި ފިލުވުމަށް ފެނަށް އަޅައިފައި ހުންނަ އެއްޗެހިން ފެން ހުސްކުރުން
)މިބަސް ބަލާ( ފެންއޮތްތާކަށޭމަސްދާނީ
މަޖާޒު: މަސްދާނީ ފެން އޮތްތާކަށެވެ
ފެންފިޔާޒު
ނ ޖަވާހިރެއް މިހުންނަނީ މަޑުކުލަކުލައިގައެވެ އެތެރެ އެނގޭ ހެން ހީވާ ނުވާގޮތަކަށް އެއްކުލައަކުން ނޫނީ ދެކުލައެއް އެކުލެވޭ ގޮތަށެވެ
ފެންފުށްޓަށް މަހާނަގާ ވިއްކުން
މިސާލު: އެއްޗެއް އެންމެގިނައިން އުފައްދާ ނުވަތަ އުފެދޭ ތަނަކަށް އެބާވަތުގެ އެއްޗިހިތަކެއް ހިފައިގެން ވިއްކަން ދިޔައިމާ ބުނާގޮތެއް މިސާލު: ތިޔައުޅެނީ ފެންފުއްޓަށް މަހާނަގާ ވިއްކަންތާއެވެ