radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ބޮޑުދުންދޭ ޒިޔާރަތް
ނ ބޮޑުދުމާދާއިރު ދުޢާވެރިކަން ކިއަވަން މަޑުކުރާ ފަންސަވީސް ޒިޔާރަތް، އެއީ (1) އަބުލް ބަރަކާތުލް ބަރުބަރީ ޒިޔާރަތް (2) ސައްޔިދު ރަސްގެފާނުގެ ޒިޔާރަތް (3) އައްސައްޔިދު ސާމީ އަލްމުރުތަޟާ ޒިޔާރަތް (4) އައްސުލްޠާނުލްޣާޒީ މުޙައްމަދު ޝަމްސުއްދީނު ޒިޔާރަތް (5) އިސްކަންދަރު މަހާރަދުންގެ ޒިޔާރަތް (6) ޙަސަން ޢިއްޒުއްދީނު ރަދުންގެ ޒިޔާރަތް (7) މުޙުޔިއްދީނު ރަދުންގެ ޒިޔާރަތް (8) މުޙައްމަދު ޢިމާދުއްދީނު ދިޔަމިގިލީ ރަދުންގެ ޒިޔާރަތް (9) އިބުރާހިމު ރަސްގެފާނުގެ ޒިޔާރަތް (10) ދަންނަ މުޙައްމަދު ރަސްގެފާނުގެ ޒިޔާރަތް (11) ދަރުމަވަންތަ ރަސްގެފާނުގެ މިސްކިތް (12) ޙަބުޝީގެފާނުގެ މަޤާމް (13) ފަޤީހުމޫސާގެ ޒިޔާރަތް (14) ފަތާލީސީދީގެ ޒިޔާރަތް (15) ބޮޑުރަސްގެފާނު ޒިޔާރަތް (16) ޙާޖީ އެދުރުކަލޭފާނުގެ ޒިޔާރަތް (17) އިބުރާހީމު ރަސްގެފާނު (އަލްހިލާލީ) ގެ ޒިޔާރަތް (18) ފަޤީހުސުލައިމާނުގެ ޒިޔާރަތް (19) މާފަންނު އާމިސްކިތްތެރޭ ޒިޔާރަތް (20) ޤާޟީ ޢީސަލްޔަމަނީގެ ޒިޔާރަތް (21) ޢަލީ ރަސްގެފާނުގެ ޒިޔާރަތް (22) ޢުމަރުމާފަތް ކަލޭފާނުގެ ޒިޔާރަތް (23) ދޮނަކުޅީޝައިޚުކަލޭފާނުގެ ޒިޔާރަތް (24) ދޮންބުޅާފާށަނޢގެ ޒިޔާރަތް (25) ދެބޭރަނިންގެ ޒިޔާރަތް
ބޮޑުދުމާދިޔުން
މ އިހުގައި ރަސްމީގޮތުން ބޮޑުދުންދޭ 52 ޒިޔާރަތްދޮށަށް ދުންމުޖުމަރާ ހިފައިގެން ދުޢާވެރިކަން ކިޔަވާންދިޔުން
ބޮޑުދުޢާވެރިކަމުދިޔުން
މ އިހުގައި ބޮޑުދުންދޭ 52 ޒިޔާރަތްދޮށަށް ރަސްމީގޮތުން ދުޢާވެރިކަމު ކިޔަވާން ދިޔުން
ބޮޑުދޮރޯށި
ނ (1) ގަނޑުވަރުތެރެޔަށް ދެކުނު ފަރާތުން ވަންނާން ހުންނަ ދޮރޯށި (2) ގޭގެޔަށް ފިރިހެނުން ވަދެ ނުކުމެ އުޅޭން ހުންނަ ދޮރޯށި
ބޮޑުދޮލަނގުކޮޅު
ނ (1) ހިތިވިލޭރޭ ފަރިއްކޮޅު ގެންދާއިރު އެންމެ ކުރީގައި ހުންނަ މީހާގެ ބޯމަތީގައި ބަހައްޓައިގެން ގެންދާ ބޮޑު ދޮލަނދު މިހުންނަނީ މުކައްބަ ޖަހައި ހުދުފޮތިން ބަނދެފައެވެ (2) ބޮޑުދޮލަނގު މިބަހަށް އެންމެ މާތްކޮށް ކިޔާގޮތް
ބޮޑުތަރުތީބު
ނ ދީނީ ތަޢުލީމާ ބެހޭގޮތުން އަލީއެދުރުތަކުރުފާނު ލިޔުއްވާފައިވާ ފޮތެއް މިފޮތުގެނަމަކީ ޒުހުރުލް ކާމިލާތު ފީ އަހާމުލް އިބާދާ
ބޮޑުތަކުރުފާނު ވާހަކަ
ނ ޣާޒީ ބަންޑާރައިންގެ ހަޔާތާއި އެރަދުން އަނދިރި އަނދިރީންގެ ކިބައިން ރާއްޖެ ސަލާމަތްކުރެއްވި ވާހަކަ މިވާހަކަ އާބަކުރު ރަސްގެފާނުން ފެށިގެން ކަލާފާނާ ހަމައަށް ވެސް ކިޔައެވެ އަދި ކޮއިމަލާއިން ފެށިގެން އައްސުލްޠާނު މުހައްމަދު މުޢީނުއްދީނުލް އައްވަލާ ހަމަޔަށްވެސް ކިޔައެވެ
ބޮޑުތަކުރުދަން
ނ ދަމުހަރުގެޔަށް ދަމަށްއެރި ޒަމާނުގައި ހެންވޭރު ރައްޔިތުން ބައިކޮށްފައި އޮންނަ 4 ބައިން ކުރެއެއްބައި
ބޮޑުތަކުބީރު
ނ ޒުލްހައްޖާމަހު 9 ވަނަރޭ ފަތިސްނަމާދުން ފެށިގެން އެމަހުގެ ތޭރަވަނަ ދުވަހުގެ ޢަޞުރުނަމާދާއި ދެމެދުގައި ކޮންމެނަމާދެއްގެ ފަހުގައި ކިޔާ ތަކުބީރު
ބޮޑުތަވީދު
ނ ކޮންމެވެސް ބޮޑުބައްޔަކަށް ފަންޑިތަ ހަދައި އެކަން ފަސޭހަވީމާ އެކަމުގެ ރައްކަލަކަށް އެންމެފަހުން އަޅާ ތަވީދު
ބޮޑުތަދު
ނ 6331ހ ވަނައަހަރު 4191މ ން 8191މ އަށެވެ ހުއްޓުނު ބޮޑު ހަނގުރާމަޔާ ވިދިގެން ރާއްޖެއަށް އައި ތަދު މިތަދު ގާތްގަނޑަކަށް 2 އަހަރެއްހައި ދުވަސް ވާންދެން ދެމިއޮތެވެ
ބޮޑުތަސްބީހަ
ނ ސުބްޙަނަﷲ ވަލްޙަމްދު ﷲ ވަލާއިލާހަ އިލަﷲ ވަﷲ އަކްބަރު ވަލާ ޙައްލު ވަލާ ޤުއްވަތަ އިލަﷲ ބިﷲ ޢަލިއްޔުލް އަޡީމް
ބޮޑުތޮޅި
ނ (1) ފަރުމަހުގެ ބާވަތެއް މިއީ ތުންގަނޑު ކުރުކޮށް ހުންނަ ތޮޅިޔެކެވެ (2) ވަރަށް ބިޔަކޮށް ހެދޭ ލަކުޑި ދެރަ ގަހެއް މިގަހުގެ ތޮޅި މުށެއްހާ ދިގުވާނެއެވެ
ބޮޑުލަކި
ނ (1) ބޮޑެތި ތެލަނގަ އެއްލައިފައި ހުންނައިރު ލަސްލަހުން އެއް ހަމަޔަކުން ހެލޭ ހެލުން (2) ގުޑި ދަމާއިރު ވަކިގޮތަކަށް މަޑުމަޑުން ހެލޭހެލުން
ބޮޑުލަވަ
ނ ޚާއްޞަ ދިގު ރާގެއްގައި ކިޔާ ޛިކުރު މަޢުލޫދުގެ ޅެން
ބޮޑުލިބާސް
ނ ބޯފޮތީގެ ދިގު ކޯޓެއް މިއީ އިހުގައި ފަނޑިޔާރުން ނާއި ބޮޑު ނައިބުން ރަސްމީ ޢިއްޒަތުގައި ބައިވެރިވާއިރު ލައިއުޅުނު ލިބާހެކެވެ
ބޮޑުގަސްރަށް
ނ )ޅ ( ކުރެންދު އަށް ދަތުރުވެރިން ކިޔާ ނަމެއް
ބޮޑުގާވިޔާ
ނ ދެ ގާވިޔާއިން ތިރީގާވިޔާ
ބޮޑުގާދޫނި
ނ ކަނޑުމަތީ ދޫންޏެއް މިއީ ބޮލުގެ ނިތްމަތި ހުދުކޮށް ހުރެފައި ތަލައިން ފެށިގެން ކަނދުރާމައްޗަށް ކަޅުކޮށް ހުންނަ ދޫންޏެކެވެ ފިޔަގަނޑު މައްޗާ ބުރަކަށިމަތި ހުންނަނީ އަޅިކުލައިގައެވެ ބަނޑުދޮށް ފިޔަދަށާއެކު ހުންނަނީ ހުދުކުލައިގައެވެ މިއެންމެ އެއްގޮތްވަނީ އައިންމަތީ ގާދޫންޏާއެވެ
ބޮޑުގިފިލިކުރުން
މ ބޮޑުކަމުދިޔުން