radheef.info
ރަދީފު


ތުން
ނ (1) އިންސާނުންގެ ތުންފަތް. (2) ނާޅި ލާހި ފުޅިފަދަ ތަކެތީގެ އަނގަމަތީގެ ކައިރިފަށް (3) ދޫނިސޫފާސުއިތްޕާއި މަސްމަހާމެހީގެ ތުންގަނޑު (4) ކިރުބޯފުޅިން ކިރުދެމުމަށް ރަބަރުން ހަދައިފައިހުންނަ އެތި (5) ކުދިން މަސަލަސްކުރަން ބޯންދޭން ރަބަރުން ހަދައިފައި ހުންނަ އެއްޗެއް (6) ދުންބޯނޮޅިފަދަ ތަކެތީގެ ކޮޅުގައި ޖަހައިފައި ހުންނަތަންކޮޅު (7) ނަރުކެނޑިއާއި ހަނޑަސްފަދަ ތަކެތީގެ ކުރީކޮޅު (8) ފުޅިބައްތީގެ ފީތާލާން ހަދައިފައިހުންނައެތި (9) ކޮތަޅާއި ގޯނިފަދަ ތަކެތީގެ އަނގަމަތި )01( ވައިޖަހައިގެން ފުއްޕާ ތަކެތީގެ ވައިޖަހާތަން
ޝަފާޢަތް
ނ ޤިޔާމަތް ދުވަހު މީސްތަކުންގެ ހިސާބު ބެއްލެވުން އަވަސްކޮށް ދެއްވުމަށް ކީރިތި ރަސޫލާ ﷲ ގެ ޙަޟްރަތުން އެދިވަޑައިގަންނަވާ އެދިވަޑައިގަތުން
ޝަފާޢަތްތެރިވެވަޑައިގަތުން
މ ޤިޔާމަތްދުވަހު މީސްތަކުންގެ ހިސާބު ބެއްލެވުން އަވަސް ކޮށްދެއްވުމަށް ކީރިތި ރަސޫލާ ﷲ ގެ ޙަޟްރަތުން އެދި ވަޑައިގަތުން
ޤަދަރުކުރުން
މ (1) އިޙްތިރާމްކުރުން (2) މާތްކޮށްހިތުން (3) ކަމޭހިތުން
ޤަދަރުއުފުލުން
މ (1) ޝަރަފުއިތުރުވުން (2) ޢިއްޒަތް ބޮޑުވުން (3) އިޙްތިރާމް ބޮޑުވުން (4) އުޅުމާއި އަޚްލާޤުގައި ހުންނަމާތްކަން އެހެން މީހުން ބޮޑަށް ބަލައިގަތުން
ޤާނޫނުއަސާސީ
ނ ވެރިކަމެއް ހިންގުމަށް އެތަނެއްގެ ރައްޔިތުން ޤަބޫލު ކުރާ މައިގަނޑު ޤާނޫނު
ޞިއްޙަތު
ނ (1) ދުޅަހެއި (2) ގަދަވެ ސަލާމަތުން ހުންނަ ހުރުން
ޝީލްޑު
ނ މުބާރާތްފަދަ އެކިއެކި ކަންކަމުން މޮޅުވާ ފަރާތްތަކަށް ހަނދާނެއްގެ ގޮތުން ދޭ އެއްޗެއް