radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ދަރަންޏަށްދިނުން
މ ފަހުންދޭގޮތަށް މީހަކަށް ފައިސާއެއް ނުވަތަ އެއްޗެއް ދިނުން
ދަރި
ނ (1) ބަނޑުއަޅައި ވިހާ ނުވަތަ ބަނޑުގައި އުފެދޭ ކުއްޖާ (2) ބިހުންއުފެދޭ ޅައެތި (3) ބައެއްޖަނަވާރާއި ބައެއް މަސްމަހާމެހި ބަނޑުއަޅައި ވިހާ ނުވަތަ ބަނޑުގައި އުފެދޭ އެތި (4) ނަސްލަކުން އުފެދޭ ކޮންމެ އެއްޗެއް (5) މަޖާޒު: ޤައުމަކަށް ނުވަތަ ރަށަކަށް ނިސްބަތްވާ މީހެއް މިސާލު: ދިވެހިދަރިއެއް
ދަރީން
ނ (1) ތިމާގެ އުފަން ކުދީން (2) އެޖަނަވާރެއް ނުވަތަ އެއެއްޗެއް ބަނޑުއަޅައި ވިހޭ ތަކެތި (3) މަޖާޒު: ތަނުގެ އަހުލުވެރިން
ދަރުމަވާނެ
ގބ (1) ކަމެއް ކުރުވުމަށް ނުވަތަ ނުކުރުވުމަށް އާދޭހުގެ ގޮތުން ބުނެއުޅޭ ބަހެއް (2) ހެޔޮނުވާނެ
ދަރުޖެހުން
މ (1) ފޮނުވަތުގެ ކައްޓާއި އަރިޔަންހަރާއި ދިގުހަރު ލިޔާކަށިފަދަ ތަކެތީގެ ދަރުހެދުން (2) ފަރުތޮޅިއާއި މާތޮޅިފަދަ އެއްޗެހި ފެނުން ކެނޑިގެން ފުމެމުން ފުމެމުން ދިއުން (3) އުވަވަޅުގައި ވަކިގޮތަކަށް ދަރުއެތުރުން
ދަރުޖެއްސުން
މ (1) އުނދުން އަންދާއިރު އުނދުނަށް ދަރުލުން (2) މީހަކުލައްވައި ފޮނުވަތުގެ ނުވަތަ ދިގުހަރު ލިޔާކަށީގެ ނުވަތަ އަރިޔަން ހަރުލިޔާކަށީގެ ދަރުހެއްދުން
ދަރެއްބަނދެލުން
މ (1) އަންހެނުންގެ ކަނޑިކީން ނުވަތަ ފޭލީން އަރުވާ ޖެހުން (2) މަޖާޒު: ހިތްވަރެއް އާކޮށްލުން
ދަޅައެޅުން
މ (1) ވިޔެފައިހުންނަ ފޮއްޗަކުން ނުވަތަ ތަނަކުން އުނދަގޫވާޒާތުގެ އައްޔެއް އެޅުން (2) ބައެއް ބާވަތުގެ އެއްޗިއްސަށް އަވި ނުވަތަ އަލި އެޅުނީމާ އެއިން ލޮލަށް އަލިފޮނުވުން
ދަޅު
ނ (1) ޖަނަވާރުގެ ބޮލުން ފަޅައިފައިހުންނަ އެއްޗެއް މިއީ އަމިއްލަ ދިފާޢަށް ބޭނުންކުރާ ހަތިޔާރެކެވެ މިއެކިއެކި ސިފަސިފައިގައިހުރެއެވެ އެންމެ ޢާންމު ވައްތަރަކީ ކޮޅަށް ތޫނުކޮށް އުލެއްހެން ހުންނަދަޅެވެ މިޢާއްމުގޮތެއްގައި ފަޅަނީ ބޮލުގެ ދެފަރާތުންނެވެ (2) އެއްޗެހި އެޅުމަށް މަޢުދަނީ އެއްޗެހިން ނުވަތަ ޕްލާސްޓިކުން ހަދައިފައި ހުންނަ ކުދި ކަންވާރު މި އެކި ސިފަސިފައިގައިހުރެއެވެ (3) ބދ މޮޅު (4) މާބޮޑަށްވާހަރު
ދައިގަންނާނެކުއްތާއެއް ވައްވަކެއްނުޖަހޭނެ
)މުސްކުޅިބަހެއް( މީހަކަށް ބޮނޑިއެއް ދޭން ނުވަތަ ގެއްލުމެއްދޭން ކެރޭނެމީހަކު އެކަންނުކޮށް އެވާހަކަ ދައްކަދައްކައެއް ނުހުންނާނެކަން އެންގުމުގެ ގޮތުން ބުނެއުޅޭ ބަހެއް
ދައުރު
ނ (1) ޒަމާން (2) މުއްދަތު (3) ދުވަސްވަރު (4) އެއްޗެއްގެ ނުވަތަ ތަނެއްގެ ވަށައިގެން އެނބުރޭ އެނބުރުން
ދައްތަ
ނ (1) އެއްބަނޑު ނުވަތަ އެއްބަފާ ނުވަތަ އެއްބަނޑު އެއްބަފާ ދޮށީ އަންހެނާ (2) ތިމާއަށްވުރެ ދޮށީ ގާތް ތިމާގެ އަންހެނާ (3) ތިމާއަށްވުރެ ދޮށި އަންހެނުންނަށް އޯގާތެރިވުމުގެ ގޮތުން ކިޔާނަމެއް
ދައްސޫރަ
ނ (1) އޮޑިދޯނިފަހަރުގެ ތުންމަތި ރިޔާނެގުމަށް ދިރުނބާކޮޅު މައްޔަލާ ދިމާއިން ބޭރަށް ނެރޭ ފަލަދަނޑިއެއް (2) ބައްތެލިދޯނީގެ ދިރުނބާކޮޅުމައްޔަލުގެ ބޭރަށް ނެރެފައި ހުންނައެތި މިހަދައިފައިހުންނަނީ ލޮއިންނުވަތަ ކުރެދިންނެވެ
ދައްޓަންމަޅި
ނ މީހަކަށް އަނިޔާއެއް ނުވަތަ ކެއްސެއް ލިބޭގޮތަށް ހެދިފައި ނުވަތަ ހަދައިފައި ހުންނަ ތަންތަން
ދަވާދު
ނ (1) ރަނގަ. މިއީ ތަންތާނގައި ނުވަތަ އެއްޗެހީގައިލުމަށް ތައްޔާރުކޮށްފައި ހުންނަ ތެޔޮ އެކުލެވިގެންވާ ކުލައެކެވެ (2) ލިއުމަށް ބޭނުންކުރާ ދެލިފުޅި މިސާލު: )ހ( އަނދުން ދަވާދު )ށ( ތަށިލިޔާ ދަވާދު
ދަމަށްތިބުން
މ ތަނެއް ނުވަތަ އެއްޗެއް ރައްކާތެރިކޮށް ބެލެހެއްޓުމަށްޓަކައި ހޭލައި ތިބުން
ދަމައިގަތުން
މ (1) އެއްޗެއް މީހެއްގެ އަތުން އަތުލައިގަތުން (2) ފޭރިގަތުން (3) އޮޔާއެކު ނުވަތަ ރާޅާއެކު ގެންދިޔުން (4) ދަގަތްފާނުފަދަ އެއްޗެއްގެ ބާރުގައި އެޔާ ދިމާޔަށް ގެންދިއުން (5) އެއްޗެއްގައި ނުވަތަ ތަނެއްގައި ވަލެއްފަދަ އެއްޗެއް ޖަހައިގެން ދަމައި ގާތަށްގެނައުން (6) ތަނަކަށް ހެރިފައި ހުރިއެއްޗެއް ލުއްސައިލުން (7) އެތެރޭގައި ހުރި ދިޔާއެއްޗެއް ކޮންމެވެސް ވަޞީލަތެއް ބޭނުންކޮށްގެން ބޭރަށް ނެރެލުން (8) ދޫކޮށްފައިއޮތް ނަނެއް ނުވަތަ ވަލެއް ފަދަ އެއްޗެއްގައި ހިފައި ކުއްލިއަކަށް ދަމަންފެށުން
ދަމާހަލައިފައިގެންދިއުން
މ މީހަކު ނުވަތަ އެއްޗެއް ގަދަބާރުން ގެންދިއުން
ދަމާނެގުން
މ (1) ގަދަކަމުންނެގުން (2) ވަޅަކަށްނުވަތަ އަޑިތަނަކަށް ވެއްޓިފައިވާ އެއްޗެއް ނުވަތަ މީހަކު ދަމައި މައްޗަށް އެރުވުން
ދަމާރޮއްޖަކަށް ފޫގެޅުން
ގބ އަނދެފައި ހުންނަ މުންޑު ނުވަތަ ފޮތިގަނޑު އަނބުރައިލައި ދެފައި ދެގޯޅިން ކަންގަނޑުނަގައި ފުރަގަހުން އުނަގަނޑު ރޮދިގަނޑު ދަށަށް ޖެހުން