radheef.info
ރަދީފު


ނުން
އ (ޏ، ސ) (1) ނޫނޭ (2) ނޫންތަ؟
ދަނޑިޖެހުން
މ ވަކިވަރަކަށް ބުރިކޮށްފައިހުންނަ ދަނޑިކޮޅުތައް ބޭނުންކޮށްގެން ކުޅޭ ކުޅިވަރެއްކުޅުން މީގެތެރޭގައި މަންގަލަން ދަނޑިއާއި މަލިކު ދަނޑިފަދަ ކުޅިވަރުތައް ހިމެނެއެވެ
ދަންނަކަންބުނުން
މ ދީނީ ނަސޭހަތް ދިނުން
ދަންބެރުބޭލުން
މ ދަންބެރު ޖަހާންވާވަގުތު ދަންބެރު ނުޖެހިއްޖެނަމަ ދަންބެރު ޖަހާން އޮންނަ ބެރާއި ދަނޑިގަނޑު ނާބުސްޚާނުން ބާލައިގެން ދެގެދޭތެރެއަށް ގެންދިއުން މިހެންހަދަނީ ދަންބެރުޖަހާ މީހާ ޖޫރިމަނާ ކުރުމަށެވެ ދަންބެރު ބާލައިފިނަމަ ބެރުލިބޭނީ ބޮޑުބޭކަލަކު މެދުވެރިކޮށް ރަދުންނަށް އަށްލާރިން ވެދުން ކޮށްގެންނެވެ
ދަންބެރުޖެހުން
މ އިހުގައި ރޭގަނޑުގެ އެގާރަ ޖަހާއިރު ނާބުސްޚާނުންޖަހާ ބެރެއް ޖެހުން
ދަންމަރު
ނ (1) ތެޔޮއަޅައިގެން ރޯކުރާގޮތަށް ހަދައިފައި ހުންނަ އަލިކުރާ އެއްޗެއް މިއީ ފުލުގައި ދަނޑިއެއްލައިފައި އެއްތަނުން އަނެއްތަނަށް ގެންދެވޭ ގޮތަށް ހުންނަ އެއްޗެކެވެ (2) މަޖާޒު: ތަނެއް ނުވަތަ ބަޔަކު އިސްލާޙުކޮށް ތަރައްޤީ ކުރާމީހާ
ދަންމައިލުން
މ (1) ވަގުތު އިތުރު ކޮށްލުން (2) ހިނދު ދިގުކޮށްލުން (3) ޖެހިޖެހީނުން ހިރިނުލެވޭ ވަރުކޮށްލުން
ދަންދެލި
ނ (1) ފިހާތަކެތި ބޭނުން ނުހިފޭވަރަށް އަނދައި ދެއްޔަށްވާވުން (2) )މ ( އެއްޗެއްމާބޮޑަށް ހިކިހަރުވުން މިސާލު: ހިކި ދަނދެލިކާއްޓެއް
ދަންޑަފިލާ
ނ ކުއްޅަފިލާފަތާ އެއްވައްތަރަށް ހުންނަ އެއަށްވުރެ ތަންކޮޅެއް ފަތްބޮޑެތިކޮށް ހެދޭ ކާން ބާނުންކުރާ ފަތެއް
ދަރަންޏަށްދިނުން
މ ފަހުންދޭގޮތަށް މީހަކަށް ފައިސާއެއް ނުވަތަ އެއްޗެއް ދިނުން
ދަރާވިކުން
މ (1) މާބޮޑަށް ދަރަނިވެރިވުން (2) މަޖާޒު: މީހެއްގެ އަތުން މާގިނަ އެއްޗެހިތަކެއް ބޭނުން ކުރުމުގެ ސަބަބަބުން އެމީހާގެ ދަށުވުން
ދަރިވަރުވުން
މ (1) މީހެއްގެ ގާތުން ފުދޭވަރަކަށް ޢިލްމު އުނގެނުން (2) މަޖާޒު: މީހެއްގެ ފުށުން ނުބައިކަންތައްތަކެއް ދަސްވުން
ދަރިވަޅު
ނ (1) ވިހަމުންދާ ވެލާ ބިސްވަޅު (2) )ހ ( ސަންދޯކުނާޅައި މައްޔިތާ ވަޅުލާއިރު ކަށްވަޅުގެ ތެރޭގައި މައްޔިތާ ބޭއްވުމަށް ވަޅުގެ މެދުތެރެއިން ވަކިން އަޑިކޮށްފައި ހުންނަތަން މިހެން ހަދަނީ އެއްފިލާ ބޭނުންކޮށްގެން ވަޅުލުމަށްޓަކައެވެ
ދަރިވައްޓައިލުން
މ ކޮންމެވެސް ވަސީލަތެއްގެ ބޭނުންކޮށްގެން ބަނޑުގައި އޮންނަ ދަރިފުޅު ބަނޑުން ބޭރުކޮށްލުން
ދަރިމައިވުން
މ (1) ބަލިވެއިނުން (2) ވިހެއުން
ދަރު
ނ (1) އަންދަން ބޭނުންކުރާ ލަކުޑިފަދަ ތަކެތި (2) ހަމަރިޔަލާއި ފޭލި ކޮށިކޮށްލުމުގެ ގޮތުން އޮޅައިލާބައި (3) އަރިޔަންލިޔުމާއި ދިގުހަރު ލިޔުމުގައި ބޭނުންކުރާ ކަށިފަދަތަކެތީގެ ކޮޅުފަތިކޮށްލައި އެއްފަރާތަކަށް ލަނބައި މިޔައަޅައިފައި ހުންނަބައި (4) ފޮނުމަތުގެ ކަށީގެ ކޮޅުގައި ދެފަރާތަށް އަޅައިފައި ހުންނަ މިޔަ (5) ބދ ކުދި ދަގަނޑުކޮޅު
ދަރުބަނުން
ނ (1) އަންހެނުން ކަނޑިކީންނާއި ފޭލީން އަރުވާ ޖެހުން (2) އޮޑިފަހަރުގައި ނަގައިފައިހުންނަ ހަތަރެސްކަން ރިޔަލުން ބައެއް ބަނދެލުން
ދަރުކޮށުން
މ ދަރަށް ބޭނުންކުރާ ތަކެތި ކަނޑައި ބުރިކުރުން
ދަރުޖެހުން
މ (1) ފޮނުވަތުގެ ކައްޓާއި އަރިޔަންހަރާއި ދިގުހަރު ލިޔާކަށިފަދަ ތަކެތީގެ ދަރުހެދުން (2) ފަރުތޮޅިއާއި މާތޮޅިފަދަ އެއްޗެހި ފެނުން ކެނޑިގެން ފުމެމުން ފުމެމުން ދިއުން (3) އުވަވަޅުގައި ވަކިގޮތަކަށް ދަރުއެތުރުން
ދަރެއްބަނދެލުން
މ (1) އަންހެނުންގެ ކަނޑިކީން ނުވަތަ ފޭލީން އަރުވާ ޖެހުން (2) މަޖާޒު: ހިތްވަރެއް އާކޮށްލުން
ދަބަރަށްގޮސް ހުސްވުން
ގބ ދަގަނޑުގެ އެއްޗެއް ދަބަރު ޖަހައިގެން ގޮސް ބޭނުން ނުކުރެވޭ ވަރަށް ހަލާކުވުން