radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ފުށްޖެހިމަސް
ނ ތެލުލިމަހުގެ ބާވަތެއް މިމަސް ތެލުލާނީ ބޭރުގައި ގޮދަން ފުށް ނުވަތަ ފާރޮށި ކުނޑިލައިފައެވެ
ފުނާ
ނ ބޮލުގެ އިސްތަށިގަނޑު އޮމާންކުރުމަށް ބޭނުންކުރޭ ދަތްބަރިއެއްލައިފައި ހުންނަ އެއްޗެއް. މިހަދައިފައި ހުންނަނީ ކަހަނބުފަތް ޕްލާސްޓިކް ފަދަ އެއްޗެހިންނެވެ
ފުންބަސް
ނ (1) ތިލަބަހުގެ އިދިކޮޅު (2) ބޮޑަށް ވިސްނައިގެން ނޫނީ މާނަ އަތުލައި ނުގަނެވޭ ބަސް
ފުންމިން
ނ (1) އަޑިއަށް ހުންނަވަރު. (2) އެތެރެއަށް ހުންނަވަރު. (3) ކަމަކާމެދު ނޫނީ އެއްޗަކާމެދު ޢިލްމީ ރޮނގުން ދިރާސާ ކުރެވިފައިވާ މިންވަރު
ފުރަންކަރަ
ނ ބަންގާޅުގެ ވަކި ހިސާބުގަނޑަކަށް ކިޔާ ނަމެއް މިހާރު އެތަނަށް ކިޔަނީ "ޖަލްނާ" އެވެ ހައުލާ ބުރިޖްގެ އެއްކޮޅު ގުޅިފައި އޮންނަނީ މިތަނާއެވެ މިއީ ބަންގްލާދޭޝްގެ ބަނދަރު ރަށްރަށުގެ ތެރެއިން އެއްރަށެވެ
ފުރަވީރު
ނ (1) ޖިސްމާނީގޮތުން އެންމެ ބާރުގަދަމީހާ (2) ހަށިގަނޑު އެންމެ ގަދަފަދަ މީހާ
ފުރަގަސްފަރާތްފޭބުން
މ (1) ވަޔަކުން ނުވަތަ ބަނޑުހިކިގެން ލިބޭ ހާނީއްކައަކުން ފުރަގަސް ފަރާތުން ނަޖިސް ނިކުންނަ ހޮޅީގެ ކޮޅުބޭރަށް ނުކުތުން (2) ބުރި ފޭބުން
ފުޅިމަދު
ނ (1) އޯކުގަހުގެ ތޮށި. މި ބޭނުންކުރަނީ ފުޅީގެ އުނގުރި އަށާއި ޕެކިނަށެވެ. (2) ޕެކިނަށާއި އެއްޗެހި ބަންދުކުރުމަށާއި ފުޅީގެ އުނގުރިއަށް ބޭނުންކުރުމަށް ޕްލާސްޓިކުން ހަދައިފައި ހުންނަ އެއްޗެއް
ފުޅިތޮށިބަރަނި
ނ ގުޑި އެއްލާއިރު ތޯޅުވުމަށް ބޭނުންކުރާ ރޮއްޖެއް އޭގައި ހުންނަނީ ފުޅިތޮށި ހިމުންކޮށް ފުޑައި ތެރަހާއި އެއްކޮށް އެތެރަސް ހާކައި ހިއްކާފައެވެ
ފުޅިތޮށިޖެހުން
މ (1) ތެޅިފައިވާ ފުޅީގެ ތޫނު އެތި ކޮޅުތައް ފާރުމަތީގައި ހަރުކުރުން )މިކަން ކުރަނީ ވަގު ނުވަންނާނެގޮތް ހެދުމަށެވެ ( (2) ފުޅިތޮށި ހިމުންކޮށް ފުޑައި ތެރަހާއި އެއްކޮށް ރޮދީގައި އުނގުޅުން )މިކަން ކުރަނީ ތޯޅުވުމަށެވެ
ފުއްކަށި
ނ މައުދަނާއި ކޮންކްރީޓް ފަދަ ހަރު އެއްޗެހި ކަނޑަން އެކަތައިން ހަދައިފައި ހުންނަ އާލަތެއް މިހުންނާނީ އެއްކޮޅު ފަތިކޮށް ތޫނުކޮށްފައެވެ
ފުއްކެނޑިރޮންދާ
ނ )ސ ( ވަޑާމުގެ އާލަތެއް މިއީ ވަކަރު މެށުމަށް ހަދާފައިވާ އެއްޗެކެވެ މިބާވަތުގެ ރޮންދާގެ ތިލައިގެ މިޔައިގައި ތުނޑުތަކެއް ހުންނާނެއެވެ މި ބޭނުންކުރަނީ އިދިކީލި ލަކުޑި މެށުމަށެވެ
ފުއްވުން
މ (1) މަޢުދަނީ ތަކެތިން ހަދާގެވެހި ކަންވާރުތަކާއި ގަހަނާތަކުގެ ކުރެހުންތައް އުސްކޮށް ހުންނާނެހެން ބެހެއްޓުން (2) ތައްގަނޑަކަށް އޮއްބައިގެން ފުފޭގޮތް ހެދުން (3) ބޮޑާހޭކުން (4) ތިމާ ރުޅި އައުމުން ކަންބޮޑުވާ ފަދަ ފަރާތަކަށް މާބޮޑަށް ނުރުހުމުގެ ކުލަ މޫނުމަތިން ދެއްކުން
ފުއްގަހުގުރާ
ނ (1) ޑިންޑިން ކޮވެލި ވައްތަރަށް ހުންނަ އެއަށްވުރެ ކުޑަ ދޫންޏެއް މިއީ ގާތްގަނޑަކަށް 01 ވަރަކަށް އިންޗި ހުންނަ ދޫންޏެކެވެ މި ދޫނި ދިވެހި ރާއްޖެއަށް އަންނަނީ އިރުވައި މޫސުމުގައި ދެކުނު އިންޑިޔާއިންނާއި ސިރީލަންކާއިންނެވެ (2) މަޖާޒު: ރީތި އަންހެންކުދިން
ފުއްޑިޔަ
ނ ފުށާއި ހުންޏާ އެއްކޮށްގެން ލޮނުލައިގެން ކައްކާ އެއްޗެއް މި ކައްކަނީ ތަންކޮޅެއް ހިކިކޮށެވެ
ފުއްޓަކިދަތުރު
ނ )ކ ( ރައްޔިތުންގެ ތެރޭން ބާރުގަދަ މީހުން ނަގައިގެން ކުއްލި ގޮތަކަށް ފުރުވާލަން ޖެހޭ ދަތުރު މިފަދަ ދަތުރުތައް ކުރުވާ އުޅެނީ ރަށުގެ ކާޑުހުސްވެގެން ނުވަތަ އެނޫންވެސް އެފަދަ މުހިއްމު ކަމެއް ރައްޔިތުންނަށް ދިމާވެއްޖެ ޙާލަތެއްގައެވެ
ފުއްޕިބަތް
ނ ހަކުރު އަޅައިގެން މަޅުކޮށްފައި ހުންނަ ބަތް މިހުންނަނީ ކުދި ބޮނޑިއާ އެއްގޮތަށް ހަދައި ކެޔޮފަތުގައި ލައިފައެވެ
ފުފޭ
ނ ކެއްކުމާއި ހަނޑޫ ދޮވުން ފަދަ ކަންތަކަށް ބޭނުންކުރާ ކަންވާރެއް މި ހަދައިފައި ހުންނަނީ މުށީންނެވެ
ފުދިވޮޑިގެންވުން
މ އެހެން އެއްޗަކަށް ބޭނުންވެ ވޮޑިގެން ނުވުން )މިބަސް ބޭނުންކުރަނީ ހަމައެކަނި މާތްﷲ އަށް ނިސްބަތްކޮށެވެ
ފުލުސްކުޅި
ފަނޑިޔާރު ފުލުސް ދޭވާނި ވަކީލު ކަތީބު ވަގު މިނަންތައް ކަރުދާސްކޮޅުގައި ލިއެ ބޮނޑިބޮނޑި ކޮށްލުމަށްފަހު ކުއްޖަކު އެތިކޮޅެއް ނަގާނީއެވެ ވަގު ނެގުނު ކުއްޖާވާނީ "ވަގަ" ކަށެވެ ދެން ފުލުހަށް އަންގާނީ ވަގު ހޯދުމަށެވެ ވަގު ހޯދުމަށް ފަހު ފަނޑިޔާރު ޝަރީޢަތް ކުރައްވައި ދޭވާންޏަށް އަންގަވަނީ ވަގުގެ ގައިގައި ފަތިގަނޑެއް ފަދަ އެއްޗަކުން ތެޅުމަށެވެ