radheef.info
ރަދީފު


ޓ
ނ ތާނައިގެ ވިހިވަނަ އަކުރު
ފެނުޖެހުން
މ (1) ދަގަނޑުން ހަދައިފައި ހުންނަ އެއްޗެއްސަށް ހަރުކަން ގެނައުމަށްޓަކައި ދޮންކޮށްފައި ވަކިގޮތަކަށް ފެނުގައި ޖެއްސުން. (2) ބާރަށް ކުރިއަށްދާ އެއްޗެއް ފެންގަނޑުގެ މަތީގައި ނުވަތަ ބިމުގައި ޖެހިފައި ނައްޓާލައިގެން ކުރިޔަށް ދިއުން
ފެންހޮޅި
ނ (1) ފެންފެން ގަނޑާއި ފެންތާނގީތަކާއި ފެންވަޅުތަކާއި ގުޅައިގެން ފެންގެންދިއުމަށް ލާހޮޅި (2) ފެން ޖަހަން ގެންގުޅޭ ހޮޅި (3) ރަހަކުރުމަށްޓަކައި ފެން އަޅައިގެން ގެންގުޅޭ އެތެރެ އެނގޭ ހޮޅިއެއް
ފެންރޮށި
ހަނޑުލުފުށް ފަތުގައި ތުނިކޮށްޖަހައި މަތިން ފަތްކޮޅެއް އަޅައިގެން ފިހެފައި ބޯކިރުފޮދެއް ހާކާލައިފައި ހުންނަ ރޮއްޓެއް. މިދެގޮތަކަށް ހަދައެވެ. އެއީ ހަނޑޫ އުއްސައިގެންނާއި ނުއުއްސައެވެ
ފެންރޮދި
ނ )ސ.( ކުއްޖާއަށް ހަތްދުވަސް ވާ ދުވަހު ފަންޑިތަ ވެރިޔަކު ކިޔަވައި ގޮށްތަކެއްޖަހައި މެތުރި ފެންތައްޓަކަށް ލައިތެންމައިފައި އެކުއްޖާގެ ކަރުގައި އަޅުވާ ރޮއްޖެއް
ފެންބަތްމަތާ
ނ )ރ ( ރިޔާ ދޯނިފަހަރުގެ އެންމެ ދިރުނބާކޮޅުން ނަގާ ޖީބުރިޔާ ނެގުމަށް ދޯނީގެ ކުރިޔަށް ނެރެފައި އޮންނަ ދަސްތޫރަޔަށް ގަދަކުރުމަށް ޓަކައި ދޯނީގައި އެއްކޮޅުން ވިއްދައި އަނެއްކޮޅު ވަލުގައި ވިއްދައިފައި ހުންނަ ދަނޑިގަނޑު
ފެންބަޑި
ނ (1) ޢީދުވިލޭރޭ މެންދަމު ކިލެގެ ބުރުޒުން ޖަހާބަޑިއެއް (2) ހުކުރު ދުވަހު 01 ޖެހީމާ ކިލެގެ ބުރުޒުން ޖަހާބަޑިއެއް މިބަޑިޖަހަނީ ރަދުން ހުކުރަށް ފައިންޕުޅު އަޅުއްވާނެކަން އެންގުމަށް ޓަކައެވެ
ފެންބަޑީބެރު
ނ ޢީދުވިލޭރޭ ފަތިހު ރަދުން ޢީދުނަމާދަށް ނާނެ ފިއްލަވަން ފެއްޓެވީމާ ޖަހާބެރެއް
ފެންބޮއިފައިވައިލުންހާ ފަސޭހަ
)މިސާލުބަހެއް( ކަމުގެ ފަސޭހަކަން ދެއްކުމަށްޓަކައި ބުނާބަހެއް
ފެންބޮވުން
މ (1) މީހަކު ނުވަތަ ދިރޭއެއްޗެއް ފެނަށް ބޭނުންވެފައިވުން މިސާލު: މިއީ ވަރަށް ފެންބޮވާ ދުވަހެކެވެ (2) އިޚްތިޔާރަކާނުލައި އެތެރެހައްޓަށް ފެން ވާޞިލުވުން (3) މަޖާޒު: އެދުންވެރިވުން
ފެންކަނޑައިގެންދިއުން
މ ވާރޭ ވެހިވެހި އޮވެފައި ހުއްޓުން
ފެންކަރު
ނ ފެންވައިރު ކުރާއިރު ބޭނުންކުރާ ފަސޭހައިން ގޮތްގޮތަށް ލެނބޭ ހޮޅިއެއް. މިއެލްމެނިއަމުންވެސް ޕްލާސްޓިކުންވެސް ހަދައިފައި ހުރެއެވެ. މިބޭނުން ކުރަނީ ފެން ފޮނުވާދޭ ހޮޅިއާއި އަތް ދޮންނަ ތަށީގެ އިސްކުރާއި ނުވަތަ ފާޚާނާތަށީގެ ތާނގީއާއި ގުޅުމަށެވެ
ފެންކިރިލި
ނ ޅަކުދިންގެ އުނަގނޑުގައި ނުވަރޭ ފެނުތެރޭ އަޅާ ހިމައެއްނަރު ފައްޓަރެއް
ފެންކިރު
ނ (1) އިންސާނުންނަށާއި މަންމަގާތުން ކިރުދޭ ޙައިވާނުންގެ ދަރިންނަށްޓަކައި އުރަމައްޗަށް އެރޭ އޮލަކަންކުޑަ ހުދުކުލައިގެ ދިޔަ (2) ކާށިހުނިން ބޯކިރު ނެގުމަށްފަހު ދެން ފެލާކިރު
ފެންކެނޑުން
މ (1) ވާރޭހުއްޓުން. (2) ގައިގެ ދެހަން ދޭތެރެއަށް ފެން އަރައި ހަންގަނޑު ކެނޑުން. (3) )ޏ.ސ.( ފިރިހެނެއްގެ ކިބައިގައިވާ ހީވާގިކަމާއި ކެރުމާއި މުރާލިކަން ހުރުން
ފެންކެރެލި
ނ )ސ ( ވިހައިގެން 3 މަސް ހަމަވީމާ ކުއްޖާގެ ކަރުގައި އަޅާ ފައްޓަރެއް
ފެންކޮޓަރި
މ ވަޅުކޮޓަރި
ފެންއިންޖީނު
ނ އެއްތަނުން އަނެއްތަނަށް ގެންދެވޭ ގޮތަށް ކުޑައިންޖީނަކާއެކު ހުންނަ ފެން މޯޓަރު
ފެންއޮއްސުން
މ (1) ފެން އަޅައިފައި ހުރި އެއްޗަކުން އަނެކައްޗަކަށް ނުވަތަ ތަނަކަށް އެފެން އެޅުން (2) ފެން އަޅައިގެން އުވަ ފުރޭނީމާ އޭގައި ހުންނަ އުވަތައް ނުފައިބާނޭހެން މަޑުމަޑުން ފެންހުސްކުރުން (3) ތެޔޮހާނަން ކިރު އެތި ކައްކައިފައި ބެހެއްޓީމާ ތެލާ ވަކިން އަޑީގައި ހުންނަ ފެން ހުސްކުރުން (4) މަޑުކުރާ ތަކެތީގައި ހުންނަ ފެން ބޭރަށް އަޅައިލުން (5) ހަނޑޫ ދޮވެފައި ހުންނަ ފެން ބޭރަށް އަޅައިލުން (6) ހިތި ފިލުވުމަށް ފެނަށް އަޅައިފައި ހުންނަ އެއްޗެހިން ފެން ހުސްކުރުން
ފެންފުށްޓަށް މަހާނަގާ ވިއްކުން
މިސާލު: އެއްޗެއް އެންމެގިނައިން އުފައްދާ ނުވަތަ އުފެދޭ ތަނަކަށް އެބާވަތުގެ އެއްޗިހިތަކެއް ހިފައިގެން ވިއްކަން ދިޔައިމާ ބުނާގޮތެއް މިސާލު: ތިޔައުޅެނީ ފެންފުއްޓަށް މަހާނަގާ ވިއްކަންތާއެވެ
ފެންފެހަނޑަ
ނ ވެލަކަށްހެދޭ ކައްޓަލަ ފަތްހެން ފަތް ހުންނަ ފިލާވެއްޔެއް މިއީ ބޭހަށް ބޭނުންކުރާ އެއްޗެކެވެ