radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
ޕުރޮގުރާމް
ނ (1) ޖަލްސާއެއް ނުވަތަ ކަމެއް ހިންގާނެ ނުވަތަ ހިނގަމުން ދާނެގޮތް ކަނޑައަޅައި ލިޔެފައިވާ ލިޔުން (2) އެޖެންޑާ (3) އެކިއެކި ކަންކަމާ ގުޅޭގޮތުން ތައްޔާރުކޮށް ޓީވީއާއި ރޭޑިޔޯއިން ފޮނުވާ ފޮނުވުމެއް
ޕުރޮޖެކްޓަރު
ނ ލިޔުމެއް ނުވަތަ ކުރެހުމެއް ނުވަތަ ސްލައިޑެއް ބޮޑުކޮށް އަލީގެ ޒަރީއާއިން އިސްކްރީނަކަށް އަޅުވައިދޭ އާލަތެއް
ޕެރޭޑު
ނ (1) ޚާއްޞަ މުނާސަބަތު ތަކުގައި ބާއްވާ ހިނގާލުމެއް (2) އިސް އޮފިސަރަކު ކުރީގައި ހުރެގެން ސިފައިން ބާއްވާ ދައްކާލުމުގެ ޙަރަކާތްތައް
ޕޯސްޓު
ނ (1) ސިޓީއާއި ކުދި ޕާރސަލް ފަދަ ތަކެތި ރައްކާތެރިކަމާއެކު އެއްތަނުން އަނެއްތަނަށް ފޮނުވުމަށް ސަރުކާރުން ހަމަޖައްސައިފައިވާ އިންތިޒާމު (2) ޕޯސްޓުން ފޮނުވާ ނުވަތަ ލިބޭ ތަކެތި
ޕާރުސަލްކަރުދާސް
ނ އެއްޗެހި ބަންދުކުރުމަށް ބޭނުންކުރާ އެތެރެއިން ދިގަށް ހިމަ ރޮނގުތަކެއް ފެންނަގޮތަށް ގަދަކޮށް ހަދައިފައި ހުންނަ ލަކުޑިކުލައިގެ ބޮޑު ކަރުދާހެއް
ޕެޓްރޯލް
ނ ބިމުން ނަގައި ވަކިވަރަކަށް ސާފުކޮށްފައި ހުންނަތެލެއް މިއީ ވަޔަށް އަރައިގެންދާގޮތް ހުންނަ ވަރަށް ހަލުވި އެއްޗެކެވެ މިއީ ވަރަށް ފަސޭހަ އިން ހުޅުހިފާ އެއްޗެކެވެ އެތެރޭގައި އަލިފާން ކަނޑާގޮތަށް ހަދައިފައި ހުންނަ އިންޖީނު ހިންގުމަށް މިތެޔޮ ބޭނުންކުރެއެވެ
ޖަހާހަނގުބޭކަލުން
މ އިހުގައި ކިލެގެ ބޭކަލުންގެ ތެރެއިން ރަދުން ހޮއްވަވާ ޚާއްޞަ ބޭފުޅުން ކޮޅެއް މިބޭފުޅުންނަކީ ރަދުން މަޝްވަރާ ކުރެއްވުމަށާއި ރަސްމީ އިއްޒަތްތަކުގައި ބައިވެރިވެ ވަޑައިގަތުން ފަދަ ކަންތައްތަކަށް ޚާއްޞަކުރެވޭ ބައެކެވެ
ޖަނަރަލް
ނ (1) ސިފައިންގެ އޮފިސަރުންގެ އެންމެ މަތީ މަޤާމް (2) ސިފައިންގެ ކޮމާންޑަރު އިންޗީފް
ޖަނަވާރު
ނ ދިރޭއެއްޗެހީގެ ތެރެއިން އިންސާނުންނާއި ގަސްގަހާގެހި ނޫންތަކެތި
ޖަވާބު
ނ (1) ޒުވާބު (2) ލިޔެވޭ ނުވަތަ ބުނެވޭ އެއްޗަކާމެދު ބުނާބަސް (3) ހިސާބު ޢިލްމުގެ ބަހުރުވައިގައި ސުވާލެއްގެ ނުވަތަ ނަންބަރެއްގެ ޙައްލު (4) ސިޓީއެއް ނުވަތަ މެސެޖަކަށް ދޭ ރައްދު (5) ޤާނޫނީ ބަހުރުވައިގައި އަނެއްފަރާތެއްގެ ވާހަކަޔަށް ކުރާއިންކާރު ނުވަތަ ޤަބޫލު ނުކުރާ ނުކުރުން (6) ދޭރައްދު
ޖަމަލު
ނ ނަޢަމު ސޫފީގެ ތެރެއިން ހިމެނޭ ތަކެތި އުފުލުމަށާއި ސަވާރު ވުމަށް ބޭނުންކުރާ ސޫތްޕެއް
ޖިންސު
ނ (1) އިންސާނުން އުފެދިފައިވާ ދެބައި. މިސާލު: އަންހެން ފިރިހެން (2) ނަސްލު (3) އާއިލާ (4) ބާވަތް (5) ފިރިހެނުންނާއި އަންހެނުންލުމަށް ތައްޔާރުކޮށްފައި ހުންނަ ފަޓުލޫނެއް މިފަހައިފައި ހުންނަނީ ވަރަށް ބޯފޮއްޗަކުންނެވެ
ޖިދުރުކު ކުޅި
ނ ކުޅިޖަހާއިރު ބަންޑާރަކޮށިން ޖަހާކުޅިއެއް މިކުޅި ޖަހަނީ ހަތަރު މީހުންނެވެ ކޮންމެ މީހެއްގެ އަތުގައި ލޯކަރުދާހުން ކުރެހުން އަޅައިފައި އޮންނަ އޮނެއް އޮންނާނެއެވެ މިހަތަރު މީހުންގެ ތެރެއިން ތިން މީހުން ވައްތަރެއްގެ ކޮރެއް ލައިފައިގޮސް ހަތަރުވަނަ މީހާގެ އަތުގައި އޮންނަ އޮނުގައި ތަޅައިގަންނަނީއެވެ
ޖީޕު
ނ އެއްގަމުގައި ދުއްވާ އިންޖީނުލީ އެއްޗެއް މިއީ ގިޔަރު ޖެއްސީމާ ހަތަރު ފުރޮޅުވެސް އެނބުރޭގޮތަށް ހަދައިފައި ހުންނަ އެއްޗެކެވެ
ޖުނުބުކެނޑުން
މ ޖުނު ހިނެއިން ހިނައިގަތުން މިއީ ދަށް ބަހުރުވައިގައި ބުނެއުޅޭ ގޮތެކެވެ
ޖުމްހޫރީވެރިކަން
ނ (1) ރައްޔިތުންގެ ސަރުކާރު (2) ރައްޔިތުން އިންތިޚާބު ކޮށްގެން ރައްޔިތުންނަށްޓަކައި ރައްޔިތުން އެދޭގޮތަށް ހިންގާ ސަރުކާރު
ޖުޒާމުބަލި
ނ ހަށިގަނޑުގެ ހިއްސުތަކަށް ޙަމަލާދޭ މައިކޮބެކްޓީރިއަލް ލެޕްރާ ކިޔާ ފަންޏެއް ނުވަތަ ޖަރާސީމެއްގެ ސަބަބުން ޖެހޭ ބައްޔެއް މިއީ ގައިން ގަޔަށް އަރާ ބައްޔެކެވެ ގިނައިން މިބަލިފާޅުވަނީ މޫނާއި ނޭފަތާއި ކަންފަތް ފަދަ ތަންތަނުންނެވެ ޢާންމުކޮށް މިބަލީގެ އަސަރު ހުންނަ ތަންތާނގައި އިޙްސާސެއް ނުހުރެއެވެ
ޖޫސް
ނ (1) ފަނި (2) މޭވާފަދަ ތަކެތީގެ ދިޔައިން ތައްޔާރުކުރާ ބުއިމެއް
ޖޭމު
ނ (1) ގަހެއްގައިއަޅާ ކުދިކުދިމޭވާއެއް މީގެ އެތެރޭގައި ހުންނާނީ ފޮނިރަހަލާ ދިޔަޔާ އެކުވެފައިވާ ކުދިކުދި ފުއްތަކެއްކަހަލަ އޮށްތަކެކެވެ (2) ހަކުރު އަޅައިގެން މޭވާއިން ކައްކައި ތައްޔާރުކުރާ ކާ އެއްޗެއް މިބޭނުންކުރަނީ ޕާންފަދަ އެއްޗެހީގައި ޖަހައިގެން ކެއުން ފަދަ ކަންކަމަށެވެ
ޖޯކަރު
ނ (1) ތާސްބައިގައި ވަކިރަނގައެއްގައި ނުހިމެނޭގޮތަށް އޮންނަ ގަނޑެއް މިގަނޑުގައި ކުރަހައިފައި ހުންނާނީ ހެއްވާސިފަޔަކަށްހުންނަ ސޫރައެކެވެ މިގަނޑު ބޭނުންކޮށްގެން ތާސްބައިން ޚާއްޞަ ކުޅިވަރެއް ކުޅެއެވެ (2) މަޖާޒު: ހެއްވާގޮތް ހުންނަމީހާ