radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
މާޅިހުންކެނޑުން
މ އިންދާ ހަރުކޮށްފައިވާ މަޑުލެއް ލިސްކީހާލައިގެންނެގުން
މާޅިކަ
ނ ބަގީޗާ )ޢާއްމުކޮށް މިބަސްބޭނުންކުރަނީ ސުވަރުގޭގެ ބަގީޗާއަށް ނިސްބަތްވާ ގޮތުންނެވެ
މާކުނބުރު
ނ އާދައިގެ ކުނބުރަށްވުރެ ބޮޑެތިކޮށް ތޮށިގަނޑު ބޯކޮށް ހުންނަ ކުނބުރު
މާކުނބުރުވާނި
ނ ފަތްޕިލާވެއްޔެއް )ޙަކީމީ ބޭހުގެތެރޭ ހިމެނޭ ތިރިކޮށް ހެދޭ ގަހެއް ( ޢާއްމުގޮތެއްގައި މިހެދެނީ ދޮޅު ފޫޓެއްހައި އުސްމިނަށެވެ މީގެ ފަތް ބިންދާލުމުން ކިރެއް ނުކުންނާނެއެވެ މިގަހުގައި ބަޑިކުޅިފާޑުގެ މާގަނޑެއް އަންނާނެއެވެ މިމާގަނޑު ހިކުމުން ގަސްވެސް ހިކޭނެއެވެ
މާކެޔޮޅުކަން
ނ ބޮޑެތި މިޔަރު ބޭނުމަށްޓަކައި މިޔަރު އުޅޭ ވަނިވަންޏަށްގޮސް ކުރާ މަސްވެރިކަން ޢާއްމުކޮށް މިމަސްވެރިކަން ކުރާނީ ރޭގަނޑުގައެވެ
މާއަލަ
ނ ފުރައްދެއަލަ މިއީ އަޑިއަށް ފައިބާ އަލައެއްނޫނެވެ މިއީ ފަތްތައް ބޮޑެތިކޮށް ހުންނަ އުސްކޮށް ހެދޭ އަލައެކެވެ މިއަލަގަނޑަކީ ގަސްގަޑެވެ
މާއޮށަނި
ނ ކަޅު އޮށަނީގެ ތެރޭގައި ހުންނަ ބާވަތެއް މިގަހުގައި ކުޑަކޮށް ކަށި ހުންނާނެއެވެ
މާއްޓަށްއެޅުން
މ ކުޅިޖެހުމުގެ ކުރާކަމެއް ކުޅިހުއްޓާރޭ އައްޑަނަކޮށީގެ ހަތަރު މީހުން ޖަހާ ކުޅީގައި ބޮންތި އެއްދިމާއަކަށް ތިރިކޮށްގެން ކުރާކަމެއް
މާވިނަ
ނ (1) ދަނޑުމަތީގައި ގޮފިލާ ހެދޭގޮތަށް ހުންނަގަސް (2) އަތިރީގޭވިނަ މިއީ ފަތްތައް ތުނޑަކަށްވުރެ ތުނޑެއް ހިމަވަމުންދާގޮތަށް ބޯކޮށް ހުންނަ ކައިވަތެއްހައި ދިގު ތަނޑެއްގައި ބޮނޑިމަސް ހުންނަ ކުޑަކުޑަ މަލެއް އަޅާ ކުޑަގަހެކެވެ މިގަހުގެ ހުރިހާ ތަނެއްގައި ރާޅުގޮތެއް ހުންނަ ކެހެރިއެއްވެސް ހުރެއެވެ
މާމަކުނު
ނ ތަންމަކުނު ފާޑަށް އެއަށްވުރެ މާބޮޑުކޮށްތިބޭ ވަރަށް ބާރަށް ދައިގަންނަ ވިހަގަދައެއްޗެއް މީގައި ފިޔަ ހުންނާނެއެވެ
މާމާފުޅު
ނ މާމައަށާ ފޫޅުމާމައަށް އެންމެ މާތްކޮށް ކިޔާގޮތް މިބަސް ބޭނުން ކުރަނީ ގަނޑުވަރު ތެރޭ ބޭފުޅުންނާ ގުޅޭގޮތުންނެވެ
މާމުއި
ނ (1) މާމުއި ކުޅަނދުރު ޖަމާކުރާ ހަކުރު. (2) ކެއުމަށާއި ބޭހަށް ބޭނުންކޮށް އުޅޭ އޮލަފޮނި އެއްޗެއް
މާމެލާމެލި
ނ ހުރިހާ ވައްތަރެއްގެ މަލަށް ޖުމުލަކޮށް ކިޔާނަން
މާފަންނުމީހުންކަނޑުނުބައިކުރުން
މ )މިސާލުބަހެއް( ކަމެއް ނުކުރެވުނީމާ ނުވަތަ ކަމެއް ކުރަން ނޭނގުނީމާ ތިމާގެ ހުރި އުނިކަން ޤަބޫލުނުކޮށް އެކަމާބެހޭ އެއްޗެހީގައި ހުރި ކުށެއް ކަމުގައި ހެދީމާ ބުނެއުޅޭ ބަހެއް
މާފަތޭރި
ނ މާބޮޑަށް ބަރާކޮށް ދަތުރުކުރާއިރު އޮޑިދޯނިފަހަރުގެ ފަށް ގަނޑުގެ އެތެރޭން އޭގެމައްޗަށް ހުންނަގޮތަށް ފަނުންޖަހާ ފަށްގަނޑު މިއޮންނާނީ އެއްފަށްގަނޑު ޖައްސާ ވަރަށް ގަދަޔަށް ހަރުކުރެވިފައެވެ މިފަށްގަނޑު ޖެހުމުގެ ބޭނުމަކީ ރާޅު އެރިޔަނުދިނުމެވެ
މާފަތްކަން
ނ (1) ކޮލިލެވޭ ދަރަޖައެއްގެ ނަން މިކޮލިލެއްވީމާ މަނިކު ކިޔާ މީހެއްނަމަ ކިޔާނީ މިދަރަޖައިގެ ފަހަތަށް ތަކުރުފާނު އިތުރުކޮށްގެންނެވެ ފުޅު ނުވަތަ އެއަށްވުރެ ދަށްމީހެއްނަމަ ކަލޭގެފާނު އިތުރުކޮށް ގެންނެވެ (2) ބޮޑުމުސްކުޅިން
މާފިލާ
ނ ބޭހަށާއި ކެއުމަށް ބޭނުންކުރާ ފަތްޕިލާވެއްޔެއް މިއީ ގެދައާއި ވައްތަރު އެއްޗެކެވެ ގިނައިން ހެދެނީ ރަށްރަށުގެ ހޭޅީގައެވެ ފަތްތަންކޮޅެއް ބޯކޮށް ހުންނަ އެއްޗެކެވެ ފަތުގައިދޭނީ ލޮނުރަހައެވެ
މާފު
ނ (1) އަނެކަކު ބުނާ ބަހެއްގެ ނުވަތަ ކުރާ ކަމެއްގެ ސަބަބުން ތިމާގެ ހިތުގައި އުފެދުނު ނުރުހުން ފުހެލާ ފުހެލުން (2) އަދަބެއްގައި ހުއްޓާ މިނިވަންކުރުމުން އޭނާގެ އަދަބުން މިންޖުވާ މިންޖުވުން (3) ދައްކަންޖެހިފައި އޮތް ފައިސާއެއް ނުދެއްކިޔަސް އެންމެ ރަގަޅުކަމަށް ހަމަޖެހޭ ހަމަޖެހުން (4) ކުށެއްކުރުމުން އަދަބަކާ ހަމައަށް ނުގެންގޮސް ދޫކޮށްލުމުން އެކުށަށް ލިބެންވާ އަދަބުން ސަލާމަތްވާ ސަލާމަތްވުން
މާފުށް
ނ (1) ބިންބި މާލައްވައިގެން ނުވަތަ މާޖައްސައިގެން މުގުރާފައި ހުންނަ ފުށް (2) މިފުށުގައި ލޮނުކޮންނާއި ފޮނިކޮށް މޮޑެފައި ހުންނަ ކާއެއްޗެއް
މާފުކުރުން
މ (1) އަނެކަކު ބުނާބަހެއް. ނުވަތަ ކުރިކަމެއްގެ ސަބަބުން ތިމާގެ ހިތުގައި އުފެދުނު ނުރުހުމެއް ފެހެލުން. (2) އަދަބެއްގައި ހުއްޓާ މިނިވަންކޮށް އަދަބުން ސަލާމަތްކުރުން. (3) ދައްކަން ޖެހިފައިއޮތް ފައިސާއެއް ނުދެއްކިއަސް އެންމެރަގަޅު ކަމަށް ހަމަޖެއްސުން. (4) ކުރެވުނު ކުށަކަށް އަދަބަކާ ހަމައަށް ނުގެންގޮސް ސަލާމަތްކަން ދިނުން