radheef.info
ރަދީފު


ލެއްދަނޑި
ނ ލެއްކުޅޭއިރު އޮންނަ ހަތަރެސްކަން ގޮޅީގެ މެދުގައި ދަމާ ދިގުރޮނގު
ލެޑަ
ނއ )ސ ( ގިނަ ބަލިބަލީގައި އުޅޭ
ލޭނުބައި
ނ (1) ލޭނު އެޅުމުގެ މަސްވެރިކަމުގައި ގެންގުޅޭ ނަނުތައް ނުވަތަ ނަނުތަކުން ބައެއް (2) ބޮކި ނަނުބައި
ލޭނުބުޅި
ނ ލޭނުއެޅުމުގެ މަސްވެރިކަމުގައި ގެންގުޅޭ ބޮޑެތި ބުޅި
ލޭބޯފަނި
ނ ވައިގައި ތެތްކަންކުޑަ ވަކިމިންވަރަކަށް ފިނި ސަރަޙައްދުގެ ވިނަ އާއި ތިރިގަސްތަކުގެ ތެރޭގައި އުޅޭ ފަންޏެއްެ. މިފަނި ހަރަކާތްތެރިވަނީ އޭގެ ދެކޮޅުޖައްސާ ހިންދެމޭގޮތަށް ފިރުކިގެންނެވެ. މިފަނި އިންސާނުންގެ ހަމުގައިޖެހުމުން ލޭބޮއި ހަދައެވެ. މިފަނި އިންސާނާގެ ހަށިގަނޑުން ނައްޓުވައިލަން އެންމެ ފަސޭހަގޮތެއް ކަމަށް އެނގިފައިވަނީ ގަދަކޮށް ގިރައިފައި ހުންނަ ލޮނުތިއްކެއް ޖައްސައިގެން ނުވަތަ ސައިބޯނި ލައިގެންނެވެ
ލޭކަރުނަ
ނ މަޖާޒު: ހިތުގައި އުފެދޭ ހިތާމަވެރި ވޭނީ އަސަރަށް ނުވަތަ އެފަދަ އަސަރެއްގެ ސަބަބުން އުފެދޭ ކަރުނައަށް ކިޔައިއުޅޭ ނަމެއް
ލޭފޮޑުން
މ )ގ ( ފީނައި އުޅޭމީހުން އަޑިޔަށްގޮސް އުޅުމުގައި ކަންފަތާއި ނޭފަތުން ލޭއައުން
ލޮނދިހިކައެއްހެންދިޔުން
(1) ކައްސާގޮތް ހުންނަ އެއްޗެއް އަތުތެރެއިން ކައްސައިލުމުން ބުނެއުޅޭ ބަހެއް (2) މީހުންތަކެއް އެއްވެފައި އޮތްތާކުން މީހަކު ކުއްލިއަކަށް ނުކުމެގެން ދިއުމުން ބުނެއުޅޭ ބަހެއް
ލޮނަށްލުން
މ އެކިއެކި ފަރުވާއަށްޓަކައި މޫދުލޮނު ގެނެސް އެއްޗަކަށް އަޅައި ބަލިވެއުޅޭ ކުއްޖާ ނުވަތަ މީހާ އޭގައި ބޭންދުން
ލޮނި
ނ ލެއްކުޅޭއިރު ކުޅޭ މައިދާން ބައިކުރާއިރު އޮންނަ ހުރަސް ރޮނގު
ލޮނިމައިދަނޑި
ނ (1) ލެއް ކުޅޭއިރު ބައި ވަކި ކުރަން ދަމައިފައި އޮންނަ ރޮނގު (2) ލެއް ކުޅޭއިރު ފަހަތަށް ފޭބުމަށްޓަކައި ހުރަހަށް އަޅައިފައި އޮންނަ ރޮނގަށް ކިޔާނަން
ލޮނުހެޔޮވަރުކަން
ނއނ (1) ލޮނުރަހަލާ އެއްޗެހީގައި އެމީހަކަށް ރަނގަޅު ވަރަށް ލޮނުރަހަ ހުންނަކަން (2) މަޖާޒު: މީހެއްގައި ހުންނަ ކޮންމެ މީހަކާވެސް ގުޅޭ މަޖާކަން
ލޮނުމެހި
ނ ބިން ކޮނެގެން ވަދެއުޅޭ ޒާތެއްގެ އުދުހޭ މެއްސެއް
ލޮނުގަނޑުގައި ފައިޖެއްސުން
ގބ އިހުގައި ރާއްޖޭގެ ބައެއް ރަށްރަށުގައި ވިހައިގެން އުޅޭމީހާ ބޭރަށްލުމުގެ ތެރޭގައި ކުރާކަމެއް މިއީ އިރުވަރު ބަލައިގެން ގޮސް އެމީހާގެ ފައި މޫދުގައި ޖެއްސުމެވެ
ލޮނުގޮއްޔެ ތަރުތީބު ކިޔުން
)މިސާލުބަހެއް( ނުދަންނަމީހަކު ދަންނަކަމަށް ހެދިގެން ފޮތަކުން އެއްޗެއް ކިޔާގޮތް ދެއްކުމުން ބުނެ އުޅޭ ބަހެއް
ލޮންޏަށް އެރުން
މ ލެއް ކުޅޭއިރު މޮޅުވީކަމަށް ނުވަތަ ލަނޑެއް ދެވުނީކަމަށް ބެލޭ ރޮނގަށް އަނެއް ބައިގެ މީހަކު އެރުން
ލޮންޑާ
ނ )ގ ( ކުޅޭ ކުޅިވަރަކަށް ކިޔާނަމެއް
ލޮންޓާ
ނ )ގ ( މަންޑިއާއި ކުއްލިފަދަ ކުޅިވަރު ކުޅޭއިރު ކަނޑު ކަމުގައި ފާހަގަކުރެވޭ ރޮނގު
ލޮބޮއި
ނއ )ޏ ސ ( ލޯބިކޮޅު މިއީ ކުޑަކުދީންނަށް ލޯތްބާއި ހަމްދަރުދީ ފާޅުކުރުމުގެ ގޮތުން ބުނެއުޅޭ ބަހެކެވެ
ލޮޅިލުން
މ (1) ހެލިލުން (2) އެއްޗަކަށް އަރާ ގުޑުމެއްގެ ސަބަބުން އެއާ ގުޅޭ އެއްޗެއް ހެލިލުން (3) ލޮޅުން މިބަހުގެ ލުއިގޮތް