radheef.info
ރަދީފު


ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
ކަރު
ނ (1) ބޮލާއި ހަށިގަނޑާއި ދޭތެރެ. (2) ދަތްދޮޅިޔާއި ލަގޮނޑިވަޅާ ދޭތެރެ. (3) ބަނޑިޔާ ނުވަތަ ފުޅި ފަދަ ބައެއް ކަންވާރުގެ މަތީން ހިމަކޮށްލައިފައި ހުންނަ ހިސާބު. (4) ޝަރުބަތާއި ދިވެހި ހަކުރުފަދަ ފޮނިތަކެތީގެ ތެރޭގައި ފުއްފުކަށް ގަނޑުގަނޑަށް ހެދޭ ހަކުރު. (5) ބައެއް މޭވާއާއި ތަރުކާރީގެ އެތެރޭގައި އޮށްތައް ހަރުލައިފައި އޮންނަ މަޑުތަން. (6) ބައެއް ޒާތުގެ މޭވާއާއި ތަރުކާރީގެ އެތެރޭގައި ހަރުކޮށް އޮންނަ ކާންބޭނުން ނުކުރާތަން (7) ލިބާހުގައި ބޮލުން ވައްޓައިލާން ކަނޑާތަން (8) ލިބާހުގައި ބޮލުން ވައްޓައިލާން ކަނޑާތަނުން ނަގާފޮތިކޮޅު (9) ނައިބޮލީގެ އެތެރޭގައި ފަށްފަށަށް ހުންނަ ހަރުތަންތަން )01( މަސް ބައްދަން ފަޅުތެރޭގައި ހަދާ ގޮނީގެ އަނގަމަތީގެ ހިމަތަން (11) ކާށިހުންޏާއި ތެޔޮ އަޅައިގެން ހަދާ ކާއެއްޗެއްސާއި ތެލަށް އަންނަ ނުބައިކަމެއް
ކަރުބޮލަކުއެސިޑު
ނ ބޯޓް ދެލިން ނަގާ އާތްވެއް މިއީ ފަނިމެރުމަށް ބޭނުންކުރާ ބޭހެކެވެ
ކޯއްޓޭ
ނ (1) ދިދަނަގާން ދެބުރިއަށް ކާލިގަނޑުލައިގެން ހަދައިފައި ހުންނަ ދަނޑި (2) ރަށްރަށް ދިފާޢުކުރާ ސިފައިން ތިބޭން ހަދައިފައި ހުންނަ ތަންތަން
ކޯފުގާފު
ނ ކޯހުގާލު
ކޯޑިކުޅުން
މ ރަށްފުށުގައި ބޮޑުޢީދުގައި ކުޅެއުޅޭ ކުޅިވަރެއް. މިކުޅިވަރު ކުޅޭއިރު ފިރިހެންކުދިން ކޯޑި ހަދައިގެން ކުޅިވަރުކުޅެމުން )ލަވަކިޔައިނަށަމުން( ހުސްމައިދާނެއް ކަހަލަތަނަކަށް )ކުޅޭބިމަށް( ގޮސް މަޑުކޮށްލައި އެތަނުގައި ކުޅިބަލަންގޮސްތިބޭ އަންހެންކުދިންގެ ތެރެއިން ކުއްޖެއްގެ ބޮލުގައި ކޯޑިޖައްސައިލަނީއެވެ. ދެން ކޯޑިގެންގޮސް ރުކެއްފަދަ ދިގު އެއްޗެއްގައި އަތްނުފޯރާ ހިސާބު މަތީގައި އެލުވަނީއެވެ. މިކޯޑި ކަނޑައިދޭނީ އަންހެން ކުދިންގެ ފަރާތުން ކަނޑައަޅާ ފިރިހެންކުއްޖެކެވެ. ދެން ފިރިހެންކުދިން އެކޯޑި ކަޑައިދިން ފިރިހެންކުއްޖާގެ ގައިގައި އަޅިދެލި ކުރަހައިގެން ގަންހިންގާގޮތަށް މުޅިރަށުގައި ހިންގުވައިފައި ގެނެސް މޫދަށް ލަނީއެވެ. އެއަށްފަހު އަންހެންކުދިން އެކުއްޖާ މޫދުންއަރުވައިގެން ގެންގޮސް ފެންވަރުވައި ނަލަހެއްދުވުމަށްފަހު ކޯޑިޖެއްސި އަންހެންކުއްޖާއާއި ދެކުދިން އަތުގުޅުވައިގެން ކުޅޭބިމަށް ގެންދާނީއެވެ
އަވަށުވެރިގެ
ނ އަވަށުވެރިކަން ހިންގާ ގެ
ވޮށިމަސްމިޔަރު
ނ ވޮށިމަހާ ގާތްކުރާ ސިފަޔަކަށް ހުންނަ ނުލަފާ މިޔަރެއް މީގެ އަނގައިގައި ދަތް ހުންނާނީ ދެބަރިއަށެވެ
ހޮޅިފަތް
ނ އޮޑިވަޑާމުގައި މަޑޫތައް އިންދާއިރު ޅިހުގެ ބޭރުގައި އޮޅުމަށް ބޮނބިންނަގާ ތުނިފަށް
ހޮޅުންއެޅުން
މ ފަސްއޮށް ކުޅުމުގައި ހުސްފުށަތުން ލައިގެން އޮށްބައި އެކީ ނުހިފިއްޖެނަމަ ހިފުނު އޮށްތައް މައްޗަށް އެއްލައި ނުހިފުނުއޮށްތައް ނެގުމާއެކު ޝަހާދަތް އިގިއްޔާ ބޮޑުވައިއިނގިލީގެ ކުރިގާތް ކޮށްލީމާ އުފެދޭ ލޯވަޅުން މައްޗަށް އެއްލި އޮށްތައް އަތުތެރެއަށް އެޅުން
ހޯހަނާ
ނ )ބދ ( ކަނޑުގެ އަޑީ ގާތަކާއި ބަދިބަދީގައި ހުންނަ ބޮޑެތިހޮރު
ހޯހޯމުގުރާން
ނ )ހ ( ވިލުގައި ހުންނަ ގާގަލުން ފެންނަ އެމެއް
ހޯނައްސާގާ
ނ މިސްކިތަށް އަރާ ހަރުފަތާޖެހިގެން ބޭރުގައި އޮންނަ ގާ
ހޯދި
ނ (1) ރިޔާނަގާތަކެތި ފައްސިޔަށް ދާއިރު މޯރާއައްސާން ބޭރަށްނެރޭ ދަނޑި (2) "ހޯދުން" މިމަސްދަރުގެ ނިމި ނިމުނުކަން
ހޯސާ
ނ ކަނޑުމަހުގެ މަސްވެރިކަމުގައި ބޭނުންކުރާ އެމެއް. މިއީ ހިމަދިގުކޮށް ހުންނަ އޭގެ ބުރަކަށިމަތި ފެހިކުލައިގާ ބަނޑުދޮށް ރިހިކުލައިގައި ހުންނަ އެމެކެވެ އޭގެ ދެއަރިމަތީގައި ރީނދޫކުލައިގެ ފުޅާރޮނގެއް ހުރެއެވެ އަދި ތުނިކުދި ކުދި ހުޅުނބުތަކެއް ހުރެއެވެ
ނަރު
ނ (1) މަޢުދަނީ ބާވަތަކުން އުފައްދާ ހިމަފަށް. (2) ބޮނބި، ކަށިކެޔޮ، ތޮރާ، މިފަދަތަކެތީގައި ހުންނަ ހިމަ ހަރު ފަށް. (3) މިއުޒިކު ކުޅޭސާމާނުގައްޔާއި ކުޅިވަރުކުޅޭ ބައެއް ކަހަލަ ރެކެޓްގައި ފުރާފައި ހުންނަ ފަށް (4) ހިމަ ފަށްފަށަށް ވާގޮތަށް ތައްޔާރުކޮށްފައި ހުންނަ ބައެއް ކާތަކެތި މިސާލު: (ހ) ހަލުއިދާނަރު (ށ) ފަޅޮލު އަސާރައިގެ ނަރު (5) ވެޔޮވެލުގެ ފަތްވަޅުން ފަޅައިފައި ހުންނަ ހިމަފަށް (6) ފުރާދުއްވާތަކެތީގެ ހުންގާނުގައި މާދާއަޅުވަން މައްޔަލުގައި ހަރުކޮށްފައިހުންނަ ލޯފޯލި (7) (ބދ) ހިމަކަން
ނަރުވާ
ނ (1) ބުޅަލާއި މީދާފަދަ ތަކެތީގެ މިޔަކަން ކައިރީގައި ފަލަކޮށް ދިގުކޮށް ހުންނަ ކެހެރި. (2) ކުރަފި ގާހުލި ފަދަ ތަކެތީގެ މޫނުމަތީގައި މާދިގުކޮށް ހުންނަ ދެނަރު (3) މަތިމަހުގެ ދެކޮޅު
ނަރުމާދާ
ނ ހުންގާނު އަޅުވާދެތަން
ނަރެއްހާތަން ދޫކޮށްލިއްޔާ ކެނބެއްހާތަން ދަމައިގަންނާނެ
(މުސްކުޅިބަހެއް) ޤާނޫނާއި ގަވާއިދުފަދަ ކަންކަމަށް ކިތައްމެކުޑަ ލުޔެއް ދިނަސް ލިބުނު ލުޔަށްވުރެ ބޮޑަށް އެލުއީގެ އެކަށީގެންނުވާ ފައިދާ ނަގާނޭ ބުނުމަށް ބުނެއުޅޭ ބަހެއް
ނަކަތްގާ
ނ ތަންތަން ހަދާއިރު އިރުވަރުން ބާއްވާ ގާ
ނައި
ނ (1) މޫދުގައި ހަރުކޮނެގެން އިންނަ އިހިފާޑުގެ ކުޑައެއްޗެއް މިކަށި ޖަހައިފިނަމަ ވަރަށް ދިލަ ނަގާނެއެވެ (2) )ޅ ( މަސްކާށި ދޫންޏެއް ކަހަލަ ފެހިކުލައިގެ ކުޑައެއްޗެއް