radheef.info
ރަދީފު


ލޯ
ނ (1) ދިރޭ އެއްޗެހީގެ ހަށިގަނޑުގައި ލައްވައިފައިވާ ފެނުމުގެ ބާރު އެކުލެވޭ ގުނަވަން. (2) ލޮއި. (3) ކާށީގެ މޫނުމަތީގައި ވަށްކޮށް ހުންނަ ތިންތަން ރުއް ފަޅަނީ މި ތިން ތަނުން ކުރެ ބޮޑުކޮށް ހުންނަ ތަނުންނެވެ
ކާނލޯ
ނ )ޏ.( "ދިޔެ" މިބަހުގެ ބަދަލުގައި ބޭނުންކުރެވޭ ނަމެއް. )މިސާލު: މަރިޔަން ކާނލޯ ފާތިންކާނލޯ އާމިންކާލޯ އަދި އޯގާވެރިކަމާ ލޯބި ފަޢުޅުކުރުމުގެ ގޮތުން އަންހެންދަރިންގެ ނުވަތަ އުމުރުން ދުވަސްމަދު އަންހެންކުދިންގެ ނަމުގެ ބަދަލުގައިވެސް "ކަނލޯ" މިބަސް ބޭނުންކުރެއެވެ
ކާލިގަނޑުމިޔަރު
ނ މިޔަރުގެ ބާވަތެއް މި މިޔަރު ބޯ ހުންނަނީ ކާލިގަނޑެއްހެން ދެފަރާތަށް ބައެއް ނުކުމެފައެވެ މީގެ ލޯހުންނަނީ ދެފަރާތަށް ނިކުމެފައި ހުންނަ ބައިގެ ކޮޅުގައެވެ މިބާވަތުގެ ބޮޑެތި މިޔަރަކީ ނުރައްކާތެރި އެއްޗެކެވެ
ކިފުޅި
ނ (1) ބޮނބިގަނޑުގެ އެތެރޭގައި ހުންނަ ނަރާއި ކުނޑި (2) ކާށި ހެހުނީމާ ކާށީގެ ލޯކޮޅުން ބޮނބިގަނޑުގައި ހުންނަ ނަރުތައް
ކިސް
ނ (1) ލޯބިކުރުމުގެ ގޮތުން ތަނެއްގައި ނުވަތަ އެއްޗެއްގައި މޫނުޖައްސައިފައި ދެތުން ފަތުން ބޮސްދޭ ބޮސް ދިނުން (2) )ބދ ( ބަނޑު
ކުނަ
ނއ (1) ކުދި (2) ކުޑަ (3) އެންމެ ކުޑަ (4) )ޏ ( ލޯކަނު
ކުނާކުރުން
މ (1) ވައްތަރަކަށް ލޯކުޑަކޮށްލުން (2) "ކުނާ" ބަލާ!
ކުރަނގިލޯ
ނ ލޮލުގެ ރީތިކަމަށް ދީއުޅޭ މިސާލެއް މިބާވަތުގެ ލޯ ހުންނަނީ ކުޑަކޮޅު ހިމަވެލުމާއެކު މައްޗަށް އުފުލިފައެވެ
ކުރޮޅި
ނ (1) ހިކިގެން ނާށިގަނޑުގެ ތެރެއިން އަމިއްލައަށް ނެއްޓިފައި އޮންނަ ކާށި މި ކާށި ބޮނބިގަނޑާ ނާއްޓާ އެކީއޮތަސް ކިޔަނީ މިހެންނެވެ (2) ހަރުލައިފައި އޮންނަ ތޮށީން ހިކިގެން މަދުނެއްޓިފައި އޮންނަ އޮށް ނުވަތަ ބަދަން (3) ލަނބުރާނު ކޮޅުގައި ހަރުކޮށްފައި ހުންނަ ތިންލޯވަޅު ހުންނަ ގޮއްލަ (4) ތިން ފުރޮޅުލީ ދުއްވާ އެއްޗެއް މީގައި ދަތުރު ކުރެވޭނީ ދުއްވާމީހާގެ އިތުރަށް ދެމީހުންނަށެވެ މީގައި ހުންނާނީ ސައިކަލް އިންޖީނެކެވެ
ކުރޮޅިފިލާގަނޑު
ނ ކުރޮޅީން ހުނިގާނަން ތަންތަންކޮޅުން ލޯވަޅު ތޮރުފައި ކަށިކޮށް ހަދައިފައި އޮންނަ ޓިނުގަނޑު ނުވަތަ ލޯގަނޑު މިފިލާގަނޑެއްގައި ލޯނަރު ޖަހައި ގެންވެސް ހަދައެވެ
ކުކުޅުލޯ
ނ )ޅ ( ނިލަމެހީގެ ބާވަތެއް މިބާވަތުގެ އެން ހުންނަނީ ދޮން ކުލައެއްގައެވެ މިމަހުގެ ލޯ ކުކުޅުގެ ލޮލާ ވައްތަރުވާނެއެވެ
ކުލުނު
ނ (1) ލޯބި (2) ދެޖިންސުގެ ދެމެދުގައި ފާޅުކުރާ ޝަހުވާނީ އެދުން
ކެހެރި
ނ (1) ޖަނަވާރުގެ އިސްތަށި. (2) ބައެއް ގަސްގަހުގެ ފަތުގައްޔާއި ގަންނަ ތަކެތީގައި ހުންނަ ހިމަ ލޯލި (3) އިސްތަށި (4) ކެހެރިއާ އެއްގޮތަށް ހަދައިފައި ހުންނަ ތަކެތި
ކޮށިފިލާ
ނ މަސްދޯނި ފަހަރުގެ ހޭވަތާއި ބޮޑުވަތާއި ބެދުނުތާ އިހިގަނޑާއި ވައްގަނޑާއި ދެމެދުގައި ލޯވަޅު ތޮރުފައިފައި ހުންނަ ފިލާ
ކޮރު
ނއ (1) ޅެންހެދުމާއި އިބާރާތްކުރުމުގައި އޮމާންކަންނެތް (2) އެއްފައިކުރު (3) ހަމައަށް ނުހިނގޭ (4) ވަޑާންކަށީން ކޮންނަވަޅު (5) ކަންފަތުގެ ލޯވަޅު (6) ނ )ސ ( އަލަމާރިއާއި މޭޒުފަދަ އެއްޗެހީގެ ވަތްގަނޑު
ކޮކާބިބީ
ނ ބިބީގެ ބާވަތެއް. މަހުގެ ދެއަރިމަތީގެ ކުލައަކީ ހުދުކުލައެވެ. ދެއަރިމަތީގައި ދެކަތްޕަށްވާ ގޮތަށް އަޅިކުލައިގެ ރޮނގުތަކެއް ހުރެއެވެ. މަޑުކޮތަރިބައިގެ މަތިން ފެށިގެން މަހުގެ ލޯހުރަސްކޮށް ބަނޑުދަށް ފަރާތުގެ ކޮތަރިބައިގެ ނިމޭ ހިސާބަށް ކަޅުކުލައިގެ ފުޅާ ރޮނގެއް ހުރެއެވެ މަހުގެ ނިގޫ ކޮޅުގައި ހުންނަނީ ރީނދޫކުލައެވެ
ކޮވެލި
ނ ކާޅާ ވައްތަރު ދޫންޏެއް މީގެ ތުން ކުރުވެފައި ލޯރަތްވާނެއެވެ މީތި ބިސްއަޅާނީ ކާޅު ހާއްޔަށެވެ މީގެ ފިރިހެން އެއްޗެހި ތިބޭނީ ކަޅުކޮންނެވެ އަންހެން އެއްޗެހި ތިބޭނީ ހުދު ތިއްތިއްޖަހާފައެވެ
ކޮލިލުން
މ އިހުގައި ރަސްމީ ބައެއް ލަޤަބާއި ރަސްމީ ބައެއް ޚާއްޞަ ކަންތައްތައް އިޢުލާން ކުރުން. މިކަންކުރާގޮތަކީ މިކަމަށް ޚާއްޞަވެފައިވާ މީހަކު ފުޅިދޮށުއަށީގެ ލޯގަނޑު ހިފައިގެން ކޮލިކިޔަން ކަނޑައެޅިފައިވާ ތަންތަނަށް ހުއްޓި ކޮލީގެ ޢިބާރާތްކިޔައި ޤަވާޢިދެއްގެ މަތިން ލޯގަނޑުގައި ޖަހަމުން ކޮލި ހިނގާމަގު ވަށައި ހިނގަނީއެވެ މިކަންކުރަނީ ކޮލިކަލޭގެއެވެ
ކޮލިލޯގަނޑު
ނ ކޮލިލާއިރުގައި ކޮލިކަލޭގެ ޖަހަން ބޭނުންކުރާ ލޯގަނޑު މިއީ ބޯ ލޮއިން ވަށްކޮށް ފަތިކޮށް ހަދައިފައި އޮންނަ އެއްޗެކެވެ
އަހުރަ
ނ )ބދ ( ލޯބި
އަހުރަވެތި
ނއ ލޯބިވެތި