radheef.info
ރަދީފު


ތޮ
ނ ކަލޭ
ކަނޑިންމަ
ނ (1) ބޮޑެތިފުޅާނެރު (2) ޤުދުރަތީގޮތުން ތޮށިން ކެނޑިފައި ހުންނަ ބޮޑެތި ތަނަވަސް ތަންތަން (3) ދ އަތޮޅު ވާނީ ކައިރީގައި އޮންނަ ފަޅުރަށެއް
ކަނޑިތޮޅި
ނ ރީތިގަހުގެ ވައްތަރެއް ކަމުގައިވާ ބިޔަކޮށް ހެދޭ ރަތްމާގަނޑެއް އަންނަ ގަހެއްގައި އަޅާ ތޮޅިއެއް މިތޮޅި ހުންނަނީ ފަތިކޮށް ކުރު މުށެއްހައި ދިގުމިނުގައެވެ
ކަނޑުކަކުނި
ނ ކަކުނީގެބާވަތެއް މިއީ ދިވެހި ކަނޑުފަޅުން ފެންނަ އެންމެބޮޑެތި ކަކުންޏެވެ ކަކުނީގެ ބޭރުތޮށިގަނޑު ހުންނަނީ ގަދަމުށިކުލައިގައެވެ ފައިތަކުގައި ހުންނަނީ މަޑުމުށިކުލައެވެ
ކަނޑުވަނުން
މ (1) ތޮށިނެތިފަޅު ތެރެއަށް ކަނޑުއައިސްވަދެފައިވުން (2) މަޖާޒު: ވަކިމިންވަރެއްނެތި އެއްޗެހިލިބޭގޮތް މެދުވެރިވުން
ކަނޑޫ
ނ (1) ޗަސްބިމުގައި ތެދަށް ހެދޭގަހެއް. މިއީ އެއްވަރަކަށް ގޮފިލަމުން ހެދޭގަހެކެވެ. (2) ކަނޑޫގަހުގެ ލަކުޑި. މިއީ ވަރަށް މޮޅު ލަކުޑިއެކެވެ. އޮޑިދޯނިފަހަރުގެ ފަށަންލުމަށް ބޭނުންކުރަނީ މިލަކުޑިއެވެ. (3) ކަނޑޫގަހުގެ ވައް. މިވަކަކީ މަލުން ނުކުންނަ ހިމަދިގުކޮށް ދެކޮޅަށްތޫރިކޮށް ހުންނަ ތޮޅިއެކެވެ. މިވައް ދޮންނުވާއިރު ހުންނަނީ ފެހިކުލައިގައެވެ. ދޮންވުމުން ރަތްފެހިކުލައަކަށް ބަދަލުވެއެވެ. މިވަކަކީ ފަލަމަޑީގެ ގޮތުގައި ކެއުމަށްވެސް ބޭނުންކޮށްއުޅޭ އެއްޗެކެވެ
ކަންފަތްވެން
ނ ކުޑަކަންފަތެއް ހުންނަ ވެނެއް މިބާވަތުގެ ވެން އާންމުކޮށް އުޅެނީ ކަނޑުތޮށި ކައިރީގައެވެ
ކަންފަތްތޮޅި
ނ ފުޅަނގިހެން ފެންމަތިން އުދުހިގެންދާ އެއްކަންފަތް ބޮޑު ތޮޅިއެއް
ކަރަންކާ
ނ ކަފުރުތޮޅި ގަސްހެން އެއްތަނޑިޔަށް ހެދޭގަހެއް. މިގަހުގެ ފަތް ހުންނާނީ ހިމަދިގުކޮށެވެ. މީގައި ނިކުންނާނީ މާގަނޑެކެވެ. މަލުގައި ހުންނާނީ 5 ފިޔަޔެވެ ތަނޑިދިގުވާނެއެވެ މިއީ ވަރަށް މީރުވަސްދުވާ ހުދު މަލެކެވެ މިގަސްހެދޭނީ ތެތް ބިމުގައެވެ މިގަހުގެ ބުޑުން ނިރުތައް ނިކުމެ ވަރަށް އަވަހަށް ގިނަވާނެއެވެ
ކަޅި
ނ (1) ލޮލުތެރޭގައި ކަޅުކޮށް ހުންނަބަޔާއި ހުދުކޮށް ހުންނަބައި. (2) މަހުގެ މައިކަށީގެ ބަނޑުފަރާތުގައި ގެތިފައި ހުންނަ ކަށިތަކުގެ ތެރޭކަޅުކޮށް ހުންނަ އެއްޗެއް. (3) ކަޅިމަސް. (4) ތަވީދުފަދަ ތަކެތީގައި ދިޔާ އެއްޗެތި އުނގުޅާ އުނގުޅުން. (5) މާލެއަތޮޅު ކަނޑުއޮތް ގިރިއާއި ކަނިފިނޮޅާއި ދޭތެރޭ )މިއީ ކުޑަކަޅިއެވެ ( (6) މާލެއަތޮޅު ފުރަންނަ ފުއްޓާއި ފަރުކޮޅު ފުއްޓާއި ދޭތެރޭ )މިއީ ބޮޑު ކަޅިއެވެ
ކަޅިހި
ނ (1) ފިލޮޅުގެ ބާވަތެއް މިމަހުގެ ކުލައަކީ މަޑުވައިލެޓުކުލައާ ގުޅޭ މުށިކުލައެކެވެ މަހުގެ ތުންފަތް ހުންނަނީ ފިޔާތޮށި ކުލައެއްގައެވެ މަހުގެ ކަރުތާފަތްގަނޑުގައި މަތީ ތުން ކައިރީގައި ރަތްކުލައިގެ ލަފެއް ހުރެއެވެ (2) ކިއްސަރުވަޑާން ކުރާ މީހުން ފާހަގަ ލާން ދެލިޖައްސާ ކަށަވަރު
ކަޅުކޮތަރިދަންބޮޑު
ނ ދަންބޮޑުގެ ބާވަތެއް މިއީ ފަރުފަރުގެ ބޭރުން ފުންހިސާބުގައި ގިނައިން އުޅޭ މަހެކެވެ މަހުގެ ކުލައަކީ ފަނޑުފިޔާތޮށި ކުލައެކެވެ މަހުގެ ކަރުތާފަތުގެ ހުރަހަށް ކަޅުރަތްކުލައިގެ ފުޅާ ރޮނގެއް ހުންނާނެއެވެ
ކަކުނި
ނ (1) އާންމުކޮށް ގޮނޑުދޮށުގައި ހަރުކޮނެގެން އުޅޭ ދިރޭ އެއްޗެއް މީގައި ހަރުތޮށިގަނޑެއް އޮވެފައި އަށްފައާއި ދެދަތްގަނޑު ހުރެއެވެ މީވަކި ބޮލެއް ނުހުންނަ ހަށިގަނޑުން ބޭރަށް ދެލޯ ނުކުމެފައި ހުންނަ އެއްޗެކެވެ މީގެ ތަފާތު ބާވަތްތައް ހުރެއެވެ (2) އެއްޗެހީގައި ހިފަން ގެންގުޅޭ ދަގަނޑު އާލަތެއް މީގައި ދެފައިކަށި އޮވެފައި މޮހޮރުފަދަ އެއްޗެތީގައި ހިފޭކަހަލަ ގުދުކޮށްފައި އޮންނަ ދެދަތްގަނޑު ހުރެއެވެ
ކަވައްކެނޑުން
މ ފޮނުވަތުން ތޮރުފާއިރު ވައްކޮށް ރީތިކޮށް ލޯވަޅު ހުންނާނޭހެން ފޫދުއްވައިލުން
ކަފަތޮޅި
ނ (1) ފުއްކަފަތޮޅި (2) ކަފައަޅައިގެން އުތުރުކަރައިން ގެނެސް އުޅުނު ސުންބުއްޔެއް
ކަފާސްތޮޅި
ނ މޫދުގައި އުޅޭ ތޮޅީގެ ބާވަތެއް މިތޮޅި ހުންނަނީ ބޮނޑިބަތް ތޮޅިފާޑަށް ތުންގަނޑުގެ ދެފަޅި އެއްވަރަށެވެ މިއީ ތުންދިގު ތޮޅީގެ ކުދި އެއްޗެހި ކަމަށްވެސް ބުނެއެވެ
ކަފުރުތޮޅި
ނ ކާފޫރުތޮޅިފާޑަށް އެއަށްވުރެ ބޮޑެތިކޮށް ހުންނަ ތޮޅިއެއް. މީގެ ގަސްހުންނަނީ ކަރަންކާގަސްހެން އެއަށްވުރެ ބޮޑެތިކޮންނެވެ
ކަފުއޮޑި
ނ ކަލާސީން ދަތުރުކުރާން އަތޮޅު އަތޮޅުން ގެންނައޮޑިއެއް. މިއީ ވާރު ނެގި ޒަމާނުގައި ވާރުގެ ތެރެއިން ހިމެނިގެންވާ އެއްޗެކެވެ
ކަދޫ
ނ ފުފޫ ފާޑުގެ ތަރުކާރީއެއް މިއަޅަނީ ވެލެއްގައެވެ މިހަރުވީމާ ތޮށިގަނޑުވެސް ހަރުވާނެއެވެ
ކަތިކަނި
ނ އަރިވިޔަ ނުދިނުމަށްޓަކައި އެއް ތޮނައިން އަނެއް ތޮނަޔަށް ކައްޗަށް ވިދެފައި ހުންނަ ފަތިގަނޑު
ކަލިޔާބިރިންޖީ
ނ ބާވަތެއްގެ ބަތެއް. މިއީ ފިޔާ ފެނާއި ފޮނިތޮށި ކާފޫރުތޮޅި ފެނާއި ލޮނުލައިގެން ގިތެލާއި ކާށިތެލާއި މީރުކޮށްފައި އޭގެތެރެއަށް ހަނޑޫއަޅައި ރަނގަޅަށް ފެން ހިނދި ހަނޑޫގަނޑު ހަނާވީމާ ކާށިކިރާއި ދިރިޔާ އިނގުރާ އަދި ކުރިން ފެނުއެޅި ތަކެތީގެ ބާކީ ހުރި ފެނާއިއެކު އެތަކެތި އަޅައިގެން ކައްކާ ބަތެކެވެ