radheef.info
ރަދީފު


ދޯ
އ އާނބަސް ބުނުވުމުގެ ގޮތުން ސުވާލު ކުރުމަށް ބޭނުންކުރާ ބަހެއް މިސާލު: އަހަރެން މިބުނީ ތެދެއްނޫންދޯ
ކުރެދި
ނ (1) ކީލިހިމުން ގަދަފަދަ ތަތްލަކުޑިއެއް. މި ގިނައިން ބޭނުންކުރަނީ ބިމަށްޖަހާށާއި އޮޑިދޯނި ފަހަރުގެ އިލި ޖަހާށެވެ މިގަސް ހެދެނީ ރަށްރަށުގެ ގޮނޑުދޮށުގައެވެ (2) ހަނޑަސްބުރީގައި ވަޅުޖަހަން ކުރެދިން ހަދާފައި ހުންނަ އެތިގަނޑު
ކުޑަރިޔާ
ނ (1) އޮޑިދޯނިފަހަރުގެ ރިޔާބައިގައި ހިމެނޭ އެންމެ ކުޑަރިޔާ. މިއީ މައިކުނބަށްނަގާ ރިޔަލެކެވެ. މިރިޔާ ބޭނުންކުރަނީ ވިލާގަނޑުގެ ވައިތެރޭގައި އުޅަނދު ކަނޑުހެޔަށް ނުބާއްވައި ދުއްވުމަށާއި ހަޅައިގެ ގަދަވައިގައި ދުއްވުމަށެވެ. އަދި ވައިމަޑުއިރު ބާރަށް ދުއްވުމަށްޓަކައި އޮޑީގެ ކުރިއަށް ދައްސޫރައިގައި ދިއްކޮށް ތޫރިކޮޅުމަތީވަލުން ކުނބުކުރިޔަށް މިރިޔާ ނަގައިފައިހުރެއެވެ (2) ޖީބުރިޔާ
ކުޑަކަޅުވާމަސް
ނ ފައިގެ ފުންނާބާއި ދޯތްގާއި ދޭތެރޭގައި އޮންނަ މަސްގަނޑު
ކުޑައޮނިފަރާތް
އޮޑިދޯނިފަހަރުގެ ދިރުނބާކޮޅަށް އެބުރިހުންނައިރު ވާތްފަރާތް
ކުޑަވަނިފަރާތް
ނ އޮޑިދޯނި ފަހަރުގެ ދިނރުބާކޮޅަށް މޫނުލައިގެން ހުންނަ މީހާގެ ވައަތްފަރާތަށް ވާ ފަރާތް
ކުޑަމަޅު
ނ )މ ( މަސްދޯނިފަހަރުގައި ދަށްމަޅުވަތުގެ ކޮޅުފަހަށް އޮންނަމަޅުމަތި
ކެއުޅު
ނ (1) މަސްދޯނި ފަހަރު ދުއްވުމާއި ދޮށި އެޅުމުގެ ވެރިޔާ (2) ޝިކާރަކުރާ މީހާ (3) ހިކިމަހުގައި އަޅާ އުދުހޭ ފޮރި
ކެވުން
މ (1) ކައިއަވަދިވުން (2) ބަނޑު ފުރުން (3) އަރުން އެތެރެއަށް އެއްޗެއްދިއުން (4) ބަޔަކުމީހުން ނުވަތަ ދިރޭ އެއްޗެހިތަކެއް އެއްފަރާތަށް އެރުން (5) ދޯންޏަށް ނުވަތަ ލަގަރިއަށް އެންދާ ހުސްކޮށްލުން (6) އެއްތާކަށް ކޮށިކުރުން (7) ފަރުމާނުގައި ހަންޖާ ބެއްދުން
ކެޔޮދަޅި ސަންދޯއް
ނ ކުޑަކުދިން މަރުވީމާ ވަޅުލުމަށްޓަކައި ކެޔޮދަޅިން ހަދާ ސަންދޯއް
ކޮށިއުދޯލި
ނ ނުހިނގޭވަރުގެ ޅަކުދިން ލާން ވަކިގޮތަކަށް ހަދައިފައި ހުންނަ އުނދޯލި
ކޮށިފިލާ
ނ މަސްދޯނި ފަހަރުގެ ހޭވަތާއި ބޮޑުވަތާއި ބެދުނުތާ އިހިގަނޑާއި ވައްގަނޑާއި ދެމެދުގައި ލޯވަޅު ތޮރުފައިފައި ހުންނަ ފިލާ
ކޮންތާކު
އ (1) ހުރިތަނެއް އޮޅުން ފިލުވުމުގެ ގޮތުން ސުވާލުކުރަން ބޭނުންކުރާ އަކުރު (2) ތިމާ ދެނަހުރި ކަމެއްގެ ވާހަކަ އަނެކަކު ބުނީމާ އެކަން އެނގިހުރެ އެކަން ގަދަކޮށްލުމަށް ހަމަތިޔަހެންހޭ ބުނުމުގެ ބަދަލުގައި ބުނެއުޅޭ ބަހެއް (3) ތިޔައީ ދޮގެކޭ ބުނުމުގެ ބަދަލުގައިވެސް ހަމަ މިބަސް ބުނެއުޅެއެވެ މިސާލު: މިހާރު ތިޔައުޅެނީ މީހަކާ އިންނަންދޯއޭ ބުނުމުން ކޮންތާކު މީހަކާއި އިންނާކަށް ނޫޅެން
ކޮރުނެގުން
މ (1) ކޮންނަ ރޮންދާއަކުން ލަކުޑިގަނޑެއްގެ ހަނިއަރީގެ މެދުތެރޭން ހަނިދިގުކޮށް ކޮނުން. މިއީ ދޮރުފަތްފަދަ އެއްޗެހި ޖެހުމުގައި ފިލާ ލެއްވުމަށް ކުރާ ކަމެކެވެ. (2) ކުޅި ޖެހުމުގައި އެއްފައިތިލަ އަނެއް ފައިގެ ކުޑަކަޅުވާމަހުގައި ކާއްތަމުން ދޯނތްގާ ހަމައަށް ނަގައިފައި މައްޗަށް ފުންމައިގަތުން (3) ރުޅި އައިސްގެން އެއްޗެހިގޮވުމުގެ ތެރޭގައި ވައްތަރު ޖައްސަމުން އެގޮތް މިގޮތަށް ފުމުން (4) ބާވަތެއްގެ ފުމުމެއް މިއީ ފަންޑިތަ ހެދުމުގައި އަޖިދައަށް ޖައްސާ ވައްތަރެކެވެ މިވައްތަރަށް އަޖިދައަށް ކޮރުނެގުން ވެސް ކިޔައެވެ
ކޮރުން ބޮރުން
ކއ އުނދޯލި ހެއްލާއިރު ވާ ކަންކުތި
ކޮޅުންއެޅުން
މ (1) ކަނޑުގަދަވެގެން ދިރުނބާކޮޅުން ރާޅުއެރުވުން (2) މަސްދޯނިފަހަރުގައި އެން ހުސްކޮށް ދިޔަހިއްކައި ކަހާލުމަށްފަހު ފަށަން މަތި ސާފުކުރުމަށްޓަކައި ދިރުނބާކޮޅު ކޮޅުވަތަށް ދިޔަހިއްކާ ފައިން ފެންއެޅުން
ކޮޅުކަނދު
ނ އޮޑިދޯނިފަހަރުގެ ހުރަސްފިލާގެ ދިރުނބާކޮޅުން ދެފަރާތުގައި ޖަހައިފައި ހުންނަ ފަށްބުރި
ކޮޅުއުނދޯލި
ނ އިހުގެ ގޭގޭގައި އެތެރޭގެ ދެކުނު އެނދު ހުންނަތާ ހުންނަ އުނދޯލި
ކޮޅުއޮޑި
ނ އޮޑިދޯނިފަހަރުގެ އެތެރޭން ކޮޅުވަތަށްވީ ހިސާބު
ކޮޅުވަތް
ނ (1) އޮޑިދޯނި ފަހަރުގެ އެންމެ ދިރުނބާކޮޅުވަތް (2) ކޮޅުއޮޑިވަތް
ކޮޅުމައްޔަލުންޖެހުން
މ އޮޑިދޯނިފަހަރު އޭގެ ދުވެލީގައި ގޮސް ދިރުނބާ މައްޔަލުގެ ކޮޅުން އެއްޗެއްގައި ޖެހުން