radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ރޯދަކޮށުން
މ ބައެއް މީހުން ރޯދައަށް ތިބޭއިރު ފޫހިފިލުވުމަށް ދަނޑިދަނޑިކޮޅު މަށައި އެއިން އޭތިމީތި ހަދައި އުޅުން
ރޯލުގޯލު
ނ ވަކިވަރަކަށް ލޯލައިގެން ހަދައިފައި ހުންނަ ރަނެއް
ބަނދި
ނ (1) ވަޒަން ބަހުރުވައިގެ އެންމެ ކުރީގެ ވައްތަރު )މިއީ އެއްގޮތަށް ހުއްޓޭ ބަސްތަކަކުން އެކުލަވައިފައި އޮންނަ ފަތިވަރެކެވެ ( (2) އިހުޒަމާނުގައި ވަޒަން ހަމަވާގޮތަށް ހަދައިގެން ވަޒަން ބަހުރުވައިން ރާގަކަށް ކިޔާއުޅުނު ބަސްފަތިވަރެއް
ބަނގަލާބޯޓު
ނ މުދާ އުފުލުމަށް ބޭނުންކުރެވޭ އުޅަނދެއް މިއީ ކަތިރިޔަލުގައި ކަނޑު ދަތުރުކުރާ އެއްޗެކެވެ މިބޯޓުގައި ގެހަދައިފައި ހުންނަނީ ކޮޅުފަސްކޮޅުގައެވެ މި އުޅަނދު ގެންނަނީ ރާއްޖޭން ބޭރުންނެވެ
ބަނޑަހަ
ނ (1) ވިޔަފާރިކުރާން ވަގުތީ ގޮތުން ހަދައިފައި ހުންނަ ތަންތަން (2) މަހަށްދާންގޮސް ތިބޭން ރަށްރަށުގައި އަޅާ ވަގުތީގެ (3) ބަނޑަހަގެ
ބަނޑިވުން
މ ވިރިކެކޭ މައުދަނަކުން ނުވަތަ ޕްލާސްޓިކު ފަދަ އެއްޗަކުން ހަދައިފައި ހުންނަ އެއްޗިހީގައި އެއްޗަކުން ޖެހިގެން ނުވަތަ އެނޫންވެސް ގޮތަކުން އަޑިގުޑަންވުން
ބަނޑިޔާ
ނ ކޮލި އޮންނާނެހެން މުށީން ހަދައިފައި ހުންނަ އަނގަކުޑަ ކުޑަވަރެއްގެ ކަންވާރެއް މިބައްޓަމަށް އެހެން އެއްޗަކުން ކަންވާރެއް ހަދައިފައި ހުއްޓަސް ކިޔާނީ މިހެނެވެ
ބަނޑުމުސާރަ
ނ އޮޅުލުމުގެ ބާވަތެއް މިއީ ބޯ ނުޖައްސައި މެދުހަށީގައި ބައްދައިގެން ހިފާ ހިފުމެކެވެ
ބަނޑުފައިދޮށް
ނ ފައިދޮށުގެ ދަށުން ތޮނަޔާއި ހުރަސްކޮނެފައި ވިއްދައިފައި އޮންނަ ވަކަރެއް
ބަނޑުލައިލޫދުން
މ ކޮޅަށްހުރި އެއްޗަކަށް ނުވަތަ އުސްތަނަކަށް ބަނޑުޖައްސައި ބައްދައިގެން އެރުން ނުވަތަ އެފަދަ ތަނަކުން ފޭބުން
ބަންބުޑި
ނ (1) ބަސްތާ ނުކަނޑައި އެތެރޭގައި ހުރި އެއްޗެއް ބެލުމަށް ބަސްތާއަށް ހަރާން އޮނުފަޅިކޮށް ދަގަނޑުން ހަދައިފައި އޮންނަ އާލަތެއް (2) ބަންބުޅި
ބަންދު
ނ (1) ހައްޔަރު (2) ގަޓަރިފީފާ ފަދަތަކެތި ބަންދުކުރަންއަޅާ ހަނިދިގުކޮށް ހުންނަ ތުނި ދަގަނޑުފަތް ނުވަތަ ފޮތިގަނޑު (3) ޕާރުސަލްކުރާ ކުރުން (4) އިނގިލީގައި އަޅާން ރަންރިހިފަދަ ތަކެތީން ހަދައިފައި ހުންނަ ފަތި އަނގޮޓި (5) ފޮތްފޮތުގެ ގަނޑުތައް ހުޅުވުނަ ނުދިނުމަށާއި ރައްދުވާ ފަރާތުގެ ނަން ޖެހުމަށް ފޮތުގެ ވަށައިގެން އަޅާ ކަރުދާހުގެ ފަށް (6) ހެދުމާއި ޔުނީފޯމުގައި ކަމަރެއްގެ ގޮތުގައި ބޭނުންކުރާ ފޮތިފަށް (7) ރައްކާކުރާން ބޭނުންވާ ތަކެތި ލައިފައި ހުންނަ ތަންތަނުގެ ދޮރުގައި ހުރަހަށް ނުވަތަ ކައްޗަށް އަޅައިފައި ހުންނަ ދަގަނޑު (8) "ހުޅުވިފައި" މިބަހުގެ އިދިކޮޅު (9) ނިޝާނެއްގެ ގޮތުން އަތުގައި ނުވަތަ ބޮލުގައި އަޅާން ހަދައިފައި ހުންނަ ފީތާފަށް )01( މަނާވާވުން
ބަންގުޑާރު
ނ ބޯޓު ފެތުނީމާ އަރާން ހަންމާލަ ފާޑަކަށް ހަދައިފައި ހުންނަ އެއަށްވުރެ ބޮޑުއެއްޗެއް
ބަންޑާރަކޮށި
ނ ކަނޑި އައްޑަނައިން ކުޅިޖަހައި އުޅުނު އެންމެ އިސްކޮށި މިކޮށިން ބަޑިޖަހައި ހަވާ ހަދައިވެސް އުޅުނެވެ މިއީ އިހުގައި މާލޭގައި ހުރި ކޮށިތަކުގެ ތެރެއިން ކޮށްޓެކެވެ
ބަރަނިދަނޑި
ނ ބަރަނިއޮޅަން ދިގުގޮތަށް މެދުން ލޯވަޅެއް ތޮރުފާފައި ފޯލިކޮށް އޮންނަ އެތިކޮޅި ޕްލާސްޓިކުން ނުވަތަ ލަކުނޑިން މިހަދައިފައި ހުރެއެވެ
ބަރާހުއަތްގަނޑު
ނ ނާފަހަރުގެ ފަރުމާނުގައި ކައްޕިއެއް ލައިފައި ހަދައިފައި ހުންނަ ސަވާޖީއެއް
ބަބުރުތިންހަމަ
ނ ރާއްޖޭގައި ކުޅޭ އާދައިގެ ތިންހަމަ މިކުޅިވަރުގައި ހަމަޔަށް އެޅުނު ކަމަށްވަނީ ތިން ފުއް ދިމާވީމައެވެ
ބައިސިކަލު
ދެފުރޮޅުލީ ދުއްވާ އެއްޗެއް މިއީ އޭގެ މައްޗަށް އަރައިގެން ދުއްވާ އެއްޗެކެވެ މިދުއްވަނީ ފުރޮޅު އަނބުރަން ހަދައިފައި ހުންނަތަން ފައިން އަނބުރައިގެންނެވެ
ބައްތި އެނބުރުން
މ (1) އިލޮށިގަނޑެއްގައި ފޮތިކޮޅެއް އޮޅައިގެން ބައްތިޔެއް ހެދުން (2) ދަތުރުކުރާ މީހުންނަށް ދައްކާން ހަދައިފައި ހުންނަ ބައްތީގެ އަލިއެނބުރޭ ގޮތްހެދުން
ބައްގީ
ނ ބަންދުކުރެވޭގޮތަށް ހަދައިފައި ހުންނަ އަސްގާޑިޔާ