radheef.info
ރަދީފު


މަގު
ނ (1) ހިނގުމަށާއި އެއްޗެހި ދުއްވުމަށް ޚާއްޞަ ކުރެވިފައިވާތަން (2) ޓިނާއި އީޓްފަދަ ތަކެތީގައި ފެންދަތުރުކުރުމަށް ޓަކައި އަޑިކޮށްފައި ހުންނަތަން (3) ގޮތް (4) ހަމަ (5) ދިޔާ އެއްޗެހި ބޯން ބޭނުންކުރާ ޖޯޑުވައްތަރުގެ އުޅައްލީ ތަށްޓެއް
ސައްކަރަންޏާ ދޮރޯށި
ނ ގުޅަކުޅޭ ފަސްގަނޑުން އުތުރަށް ދާން ނުކުންނަ ދޮރޯށި މިދޮރޯށި ހުރީ ސިފައިންގެ ގޭގެ ހުޅަނގުން އިބްރާހީމީ މަގުގެ ދެކުނު ކޮޅުގައެވެ
ސަޓާބޯޓު
ނ އިހުގައި ހިތި ވިލޭރެއަށް މާލޭގައި ހަދައި އުޅުނު އުޅަނދެއް މިހުންނާނީ މަގުގެ އެއް ފަރާތުގައި ބޯކަރުދާހާއި ސަޓާޖަހައިގެން ވަރަށް ރީތިކޮށް ހަދައިފައެވެ މިއީ ރަދުން އެ އުޅަނދު ފަސްދެއްވައި ވަޑައިގަތީމާ ރޯކޮށްލާ އެއްޗެކެވެ
ޓިނު
ނ (1) ތަންތަން ހިޔާކުރަން ފުރާޅުގައި ޖަހަންހަދައިފައި ހުންނަ އެއްޗެއް މިހުންނަނީ އަޑިއުސްކޮށް މަގުހުންނަގޮތަށް ހަދައިފައެވެ މިދަގަނޑުންނާއި އެލްމެނިއަމުންނާއި ސިމެންތިފަދަ ތަކެތިން ހަދައިފައި ހުރެއެވެ (2) ހުދުކުލައިގައި ހުންނަ މަޑު މަޢުދަނެއް
ޗާޓު
ނ (1) ޤައުމު ޤައުމާއި ރަށްރަށް އެތުރިފައިވާ ގޮތްރޮނގު ކުރެހުމުން ދައްކައިދޭ ކުރެހުން (2) ތަނެއްގެ މަގުމަތާއި ތަންތަން ހުންނަގޮތް ރޮނގު ކުރެހުމުން ދައްކައިފައިވާ ކުރެހުން (3) ދިރޭ އެއްޗެހީގެ ހަށިގަނޑު ހުންނަގޮތް ރޮނގުކުރެހުމުން ދައްކައިފައިވާ ކުރެހުން
ޝަހީދަށްނުކުތުން
މ ދީނުގެ މަގުގައި ނުވަތަ ވަޒަނުގެ ޙައްޤުގައި މަރުވިޔަސް ހެޔޮ ކަމަށް ހަނގުރާމައަށް ދިއުން
ޝަހީދު
ނ ދީނުގެ މަގުގައި ނުވަތަ ވަޒަނުގެ ޙައްޤުގައި ކުރާ ހަނގުރާމައިގައި ވާމަރު
ޝަހީދުވުން
މ ދީނުގެ މަގުގައި ނުވަތަ ވަޒަނުގެ ޙައްޤުގައި ހަނގުރާމަކޮށް މަރުވުން
ޞިރާޠުމަގު
ނ )ބދ ( ސީދާ ވެގެންވާ ތެދުމަގު
ޤުރުބާންކުރުން
މ (1) ކަތިލުން (2) ފިދާކުރުން (3) މާތްﷲގެ މަގުގައި އެއްޗެއް ހޭދަކުރުން (4) މާތްﷲގެ މަގުގައި އެއްޗެއް ކަތިލުން