radheef.info
ރަދީފު


އެރުން
މ (1) އޮއްސުމުގެ އިދިކޮޅު (2) އުދަވުން (3) ތިރިން މައްޗަށް ދިއުން (4) މޫދުން އެއްގަމަށް އައުން (5) އެއްޗެއްގެ ތެރެއަށް އަނެކައްޗެއް ވަނުން (6) އަތިރިމައްޗަށް ފޭބުން (7) އަތިރިއަށް ދިއުން (8) އަތިރިމަތީން އެއްގަމަށް އައުން (9) މޫދަށް ނުވަތަ އެހެންވެސް ފެންގަނޑަކަށް ފޭބުން )01( ރަސްމީ ބައެއް ކަންތަކާއި އޮޅިމެދުގައިނަމަ އެކަމެއްގައިވުން
ދުމަށްއެރުން
މ މަޖާޒު: ވީގޮތެއް ނޭނގި ގެއްލުން
ދުމާއެރުން
މ މާލޫދުކިޔާއިރު ދުންހިފައިގެން ހަރުގެޔަށް އެރުން
ދެހަޅަޖަހައި ހަޅަމަޑުވެ ވައިއުތުރަށްއެރުން
މ (1) އިރުވައިމޫސުމުގެ ދެހަޅަ ޖަހައިނިމި މަޑުވެ އުތުރުން ވައިޖެހޭން ފެށުން. (2) މަޖާޒު: އަރިއަރުންގަނޑެއްނިމި ޞުލްޙަވުން
ދެބަށްއެރުން
މ މަޖާޒު: ބޮނޑިއެއްލިބޭފަދަ ކަމެއްގައި ބެދުން
ދެކަޅިއެރުން
މ (1) ލޮލުގެ ކަޅިމައްޗަށް އެރުން މަޖާޒު: (2) ކަމަކާ ކަންބޮޑުވެ ހާސްވުން (3) ކަމަކަށް ނުވަތަ އެއްޗަކަށް މާބޮޑަށް ބޭނުންވުން މިސާލު: ފެންބޮވައި ގަނެގެން ދެކަޅިއެރުން
ދެލިއެރުން
މ )ސ ( އެއްޗެއްގައި ދެލިހަރުލުން
ދެލޯމުދުނަށް އެރުން
މ މަޖާޒު: ކަމަކާ މާބޮޑަށް ހާސްވެކަންބޮޑުވުން
ދޮސްއެރުން
މ ދޮސްގަތުން
ތަށިމައްޗަށްއެރުން
މ އެއްބަޔަކު ކައިނިމުނީމާ އަނެއްބަޔަކު ކާންއެރުން
ތަނުމަތިއެރުން
މ )ގ ( ބައްޔެއްޖެހިތަނުން ނުތެދުވެވޭ ވަރުވުން
ތަންބީރިއެރުން
މ )ޏ ( ދެބަންދިހާރު ވެފައިހުރުން
ތަންބޭރުއެރުން
މ ދަތުރުކޮށްފައިދާ އުޅަނދުފަހަރަށް ރަށުގެ ފަރާ ގުޅިގެން ކަނޑާ ވީފަރާތު އަޑި އެނގޭ ހިސާބަށް އާދެވުން
ތަންމަތިއެރުން
މ )ޏ ސ ( ތަންމަތިން ނުތެދުވެވޭފަދަ ބައްޔެއްޖެހުން
ތަންޑާއެރުން
މ (1) ހޫނުގަދަވުމުގެ ސަބަބުން ނުވަތަ ލިބޭ އަނިޔާޔަކުން ބީތާވުން (2) ބުރާންތިވުން (3) އަނބުރައިގަތުން (4) މަޖާޒު: ނިދައިފައިތިބުން
ތަދައެރުން
މ )ސ ( ތަދުއެރުން
ތަދުއެރުން
މ (1) ގައިގެ ތަނަކަށް ކުއްލިޔަކަށް ތަދުވާން ފެށުން (2) ރިހުން އުފެދުން
ތިލަފަށަށްއެރުން
މ މަޖާޒު: ބޭޒާރުވާ ހިސާބަށް ދިއުން
ތެހިފޮޑަށްއެރުން
މ )ސ ( ސިއްސައިގެންގޮސް މޭގުޑުން
ތެއްރިޔާއެރުން
މ )ޏ ( ބުރާންތިވުން
ތެއްރެއެރުން
މ )ސ ( ބުރާންތިވުން މިސާލު: ޖެހިޖެހުމަކުން ނުވަތަ ގަދަހޫނުލިބުމުން ބުރާންތިވުން