radheef.info
ރަދީފު


އުޅުން
މ (1) ވުޖޫދުވެގެން (2) ދިރިހުރުން (3) މަސައްކަތް ކުރުން (4) ނ ގޮތްހުރިކަން
ފަހަތުފަޔަށް ބެލުން
މ މަޖާޒު: (1) ޚަރަދުކުރުމުގައި ލިބޭ މިންވަރަށް ބަލައިގެން އުޅުން (2) ފަހުން ވެދާނެގޮތަކާއި މެދު ވިސްނައިގެން އުޅުން
ފަރަންޖީވުން
މ ފަރަންޖީން އުޅޭގޮތަށް އުޅުން
ފަޅުރަށްކެއުން
މ ސަރުކާރުން ނުވަތަ ރަށްވެރިޔާގެ އަތުން ވަރުވާ އަކަށް ފަޅުރަށެއް ލިއުއްވައިގެން އެރަށް ބަލަހައްޓައި ލިބޭ އެއްޗެއް ބޭނުންކޮށް އުޅުން
ފަލީތާލުން
މ (1) ފަލީތާ ހަރުކުރުން ނުވަތަ ގުޅުން (2) މަޖާޒު: ކަމެއް ކުރުމަށްޓަކައި މީހަކާ ނުވަތަ ބަޔަކު މީހުންނާ ގުޅައިގެން އެކަމެއްވޭތޯ ބަލަން އެތަނަކަށް ގިނަގިނައިން ގޮސް އުޅުން (3) ކަމެއް ނުބައި ކުރުމަށް މީހެއްގެ ގާތުގައި ވާހަކަތަކެއް ދައްކައިފައި ނުދެނުހުރި ކަމަށް ހަދައިގެން ހުރުން
ފަސޭހައުޅުން
މ މަޖާޒު: (1) ކޮންމެ ގޮތެއް ވަރިހަމަކޮށްލައިގެން އުޅުން. (2) ދިމާވީ ތަނަކުން ކައިގެން ޖެހުނު ތަނެއްގައި ނިދާފައި ފަސޭހަތާކުން ފެންވަރައިގެން އުޅުން
ފަސްނުބަލައިއުޅުން
މ މަޖާޒު: ފަހަށް ނުވިސްނައި އުޅުން
ފާޑަފާޑާށަވޭޑުން
މ )ޏ ( ފާޑުފާޑަށް އުޅުން
ފާޑުފާޑަށްއުޅުން
މ (1) ވައްތަރު ވައްތަރަށް އުޅުން (2) ޒާތްޒާތަށް އުޅުން (3) ގޮތްގޮތަށް އުޅުން
ފިރިހެންވުން
މ (1) ކަންކަމާ ކެރިގެން ކުރިމަތިލުން (2) ޖެހިލުން ކުޑަވުން (3) ހިތްވަރުގަދަވުން (4) އަންހެނަކު ފިރިހެނަކަށް ހެދިގެން އުޅުން
ފިޔަވަޅުމަތީ ފިޔަވަޅުއެޅުން
މ މަޖާޒު (1) މާމަޑުމަޑުން ހިނގުން މިސާލު: އޭނާ އެދަނީ ފިޔަވަޅުމަތީ ފިޔަވަޅު އަޅަމުންނެވެ (2) މީހަކާ ނުވަތަ ބަޔަކާ ތަބާވެގެން އުޅުން
ފީނާހެދުން
ނ (1) ފީނާ މީހުން އަޅަން ތައްޔާރުކޮށްފައި ހުންނަ ޚާއްޞަ ހެދުމެއް (2) ފީނާ އުޅުން
ފީނުން
މ (1) ގަސްތުގައި ކަނޑުފަޅު ފަދަ ތަންތާނގެ އަޑިއަށް ދިއުން ނުވަތަ އެފަދަ ތަންތާނގެ އަޑީގައި އުޅުން (2) މަޖާޒު: ކަމަކާ މެދު ފުންކޮށް ވިސްނައި ޚިޔާލުކުރުން
ފީކަޅާހެދުން
މ ހެއްވާ މީހަކަށް ހެދިގެން އުޅުން
ފުނަނުޖަހާބެރަކަށްނެށުން
މ )މިސާލުބަހެއް( (1) ފޯރިއެއްނެތް ކަމެއްގައިއުޅުން (2) އެއްޗެއް ނުލިބޭ ކަމެއްގައި ބައިވެރިވުން
ފުރާނަޔަށްބެލުން
މ ފުރާނަޔަށް ނުރައްކަލެއް ކުރިމަތިވިޔަ ނުދިނުމަށްޓަކައި ރައްކާތެރިވެގެން އުޅުން
ފުރޭތަހެދުން
މ ފުރޭތަޔަކަށް ހެދިގެން އުޅުން (2) މަޖާޒު: ނުބައި ނުލަފާވެގެން އުޅުން
ފުދުނު ބަކަރި ހެދިގެން އުޅުން
މިސާލު: މީހަކު ހެދިހައިގޮތަކަށް ރުހިގެން އުޅުން
ފޫނަގައިގެންއުޅުން
މ ނުވެވޭ ޙާލުގައި ކަމެއްކުރަން އުޅުން
ފެންސިރުހެދުން
މ ލޮލަށް ފެންނަ ކޮންމެ އެއްޗެއް ބޭނުންވެގެން އުޅުން
ފެތުރުން
މ (1) ހާމަކުރުން. (2) މަޢުލޫމާތު ޢާއްމުކުރުން. (3) ތަރަފާލު ކުނާ ސާންތިފަދަ އެއްޗެއް އެޅުން. (4) ފޮތިފަދަ އެއްޗެއް ތަނެއްގައި ނިއުޅައިފައި ބެހެއްޓުން. ނުވަތަ ތަނެއްގައި ބާއްވައި ނިއުޅުން. (5) ރޭޑިޔޯގެ ޒަރީޢާއިން ދުރަށް އަޑުފޮނުވުން. (6) ފުންޏަކަށް ހުންނަ އެއްޗެއް ދުރަށް ބެހިގެން ދިއުން. (7) ބައެއް ކަހަލަ ކަންކަމާއި ތަކެތި ގިނަވަމުން ދިއުން. މިސާލު: ރޯގާފެތުރުން ޚަބަރު ފެތުރުން ފެތުރިއާއި ދަދު ފަދަ ތަކެތި ހެދެމުން ބޮޑުވަމުން ދިއުން (8) ފަތުގައި ނުވަތަ ކަފަފަދަ އެއްޗެއްގައި ވަކިގޮތަކަށް ބޭސް ހޭކުން (9) ތުންތުން މަތިން ވާހަކަ ނަގުލު ކުރުން