radheef.info
ރަދީފު


އުން
ނ (1) ގަދަމަސައްކަތް ކުރާއިރު ބާރުލާން އިއްވާއަޑެއް (2) ލިބޭވޭނަކުން ކުކުރުމުގައި އިއްވޭއަޑެއް (3) ރުޅިވެރިކަމާއެކު ނުރުހުން ފައުޅުކުރާން އިއްވޭ އަޑެއް މިއީ ކަމެއްގެ ނަމެކެވެ
ބައްފެޅުން
މ ކަނޑުގެ އަޑިޔަށް ނުވަތަ ފެންގަނޑަކަށް ފީނައިގެން ގޮސް ނޭވާ ހުސްވުމުން ނޭފަތުން ނުވަތަ ކަންފަތުން ލޭ އައުން
ބައްޓަންކުރުން
މ (1) ބައްޓަންލުން (2) ސިފައިގެނައުން (3) މަޖާޒު: ތަރުބިޔަތުކުރުން
ބައްޓަންލުން
މ (1) ބޭރުފުށަށް ފާޑުގެނައުން (2) ވައްތަރު ރީތިވާގޮތް ހެދުން
ބަލާހިންގެވުން
މ ރަސްމީ ބައެއް ކަންތައް ތައްޔާރުކުރަން އުޅޭ މީހުން އެކަމަށް ގެންނާންވީ ބަޔަކު ހާޟިރުވުމަށް އަންގާން ދިއުން މިސާލު: މާލޫދު ފެށުމަށް އަހަރުމަތި ކިޔެވުމަށް ބަލާދިއުން
ބަލިއެރުން
މ (1) ބައްޔެއް އެކެއްގެ ގައިން ނުވަތަ އަނެކަކުގެ ގަޔަށް ނުވަތަ އެކައްޗަކުން އަނެއްކައްޗަކަށް ފޯރުން (2) އެއްރަށުގައި އުޅޭބައްޔެއް އަނެއްރަށަކަށް ދިއުން
ބަސަރާއަށް ކަދުރު ވިއްކުން
މ (1) އެއްޗެއް ނުހަނު ގިނައިން ހުރި ތަނަކަށް ހަމަ އެކަހަލަ އެއްޗިހި ވިއްކަން ގެންދިއުން (2) މަޖާޒު: ކަމެއްގެ މާހިރަކަށް އެކަމެއްގެ ގޮތް ކިޔައި ދިނުން
ބަސްއައުން
މ ބުނާއެއްޗެއް ވިސްނުމަށް އައުން
ބަޑަމަށްދިޔުން
މ މަތީ ކިބައިގައި ހުންނަ ދޯންޏެއްގެ ދަށް ފަރާތުން ފަސްކަންޏާ ހަމައަށް ދިއުން މިތަނަށް ދަނީ ކުރީގައި އޮންނަ ދޯނިންއުކާ އެމުން މަސްބޭނުމުގެ ބޭނުމުގައެވެ
ބަޑިބަޑިކުޅުން
މ ފަންކުޅޭ ކަހަލަ ގޮތަކަށް މުންޏެއް ޖަހައިގެން ދެބައަށް ބެހިގެން ކުޅޭ ކުޅިވަރެއް. މިއީ އިރުވައި މޫސުމުގައި ފުރަހަޅަ ލައިގަތުމުން މާލޭގެ އުތުރާއި އިރުމައްޗާއި ހުޅަނގު ފަރާތުގެ ބުރުޒުތައް ދޮވެ ސާފުކޮށް ބަޑިފަންޖަހައި މިކަމުގެ މަސައްކަތް ނިމޭ ދުވަހު އެތަނުގެ ކުނިފަން ސާފުކުރަން ނުކުންނަ އަންހެނުންނާއެކު މެދުރި މުސްކުޅި ބޭކަނބަލުން ކުޅުއްވައި އުޅުއްވި ކުޅިވަރެކެވެ މިކުޅިވަރު ކުޅެނީ މައި ފާރުން ބޭރުގައެވެ މިކުޅިވަރު ކުޅޭތަނަށް ފިރިހެނުން އައުން މަނާވާނެއެވެ
ބަޑިދޮރު
ނ (1) ބަޑީގެ އުންޑަދާން ބުރުޒުގައްޔާއި މައިފާރުގައި ކަނޑައިފައި ހުންނަތަން (2) މަނަވަރާއި އާގުބޯޓުފަހަރުގެ ފެނުންމަތީގައި ކަނޑައިފައި ހުންނަ އާނގަވަޅު
ބާރުދިނުން
މ (1) އެހީތެރިކަން ފޯރުވުން (2) ހިތްވަރުދިނުން (3) ވާގިދިނުން (4) ގަދަފަދަކަން ގެނައުން (5) ކަރަންޓްދިނުން (6) އަވަސްކުރުވުން
ބާރޯޒުއާވި
ނ ބާރޯޒުންނަގާ އާވި. މި ބޭނުންކުރަނީ ރަން ރިހި ސާފުކުރުމަށާއި އުން ވެއްޓުމަށާއި ދަދާއި ފެތުރި ފަސޭހަކުރުމަށެވެ
ބާޑިފަށް
ނ (1) ބަޑީގެ އުންޑައިން ރަށް ދިފާޢު ކުރުމަށް އަތިރިމަތީގައި ޖަހައިފައި ހުންނަ އުސްފަސްގަނޑާ ގުޅޭ ހިސާބު (2) ހޭޅިފަށް (3) އަތިރިޔާ އެންމެ ކައިރީގައި ގެތައް ހުންނަ ހިސާބުގަނޑު
ބާޑިޖެހުން
މ ބަޑީގެ އުންޑައިން ރަށް ދިފާޢުކުރުމަށް އަތިރިމަތީގައި އުސް ފަސް ފަސް ގަނޑު ޖެހުން
ބާޑީ
ނ (1) ބަޑީގެ އުންޑައިން ރަށް ދިފާޢު ކުރުމަށް އަތިރިމަތީގައި ޖަހައިފައި ހުންނަ އުސް ފަސްގަނޑު (2) ބަޑީގެ ޙަމަލާތަކުން ދިފާޢުވުމަށްޓަކައި ވެލި ބަސްތާތަކުން ޖަހާ ހުރަސް (3) ރަށްރަށުގެ ގިރާ ދިމަދިމާގައި ގިރައިގެން ދިޔަ ނުދިނުމަށް ޖަހާހުރަސް (4) ފަޅުތެރެއިން ބިން ހިއްކުމަށް ދޫކުރާ ހިސާބު
ބާޠިލު
ނ (1) ހައްޤުގެ އިދިކޮޅު (2) ކަމުނުދާ ނުދިއުން (3) އުވޭ އުވުން
ބިހި
ނ (1) ގައިގެހަމުން އުފުލޭ ކުދިކުދި ތަންތަންކޮޅު މީގެ އެތައްވައްތަރެއް ހުރެއެވެ. މިސާލު: ދާބިހި ފެންބިހި ހަރުބިހި އުން. (2) ރޯގާގެ ގޮތުގައި ފެތުރޭ )ގައިގެހަމުންނަގާ( ބަލިބަލި. މިސާލު: ހިމަބިހި ފާނަބަސަންދު ކަށިވިދުރި (3) މޫނުގައި ޖަހާ އޮށާޅަ (4) ގަސްގަހުގެ ފަތުގެ ދަށުގައި ހުންނަ އެތިއެތިކޮޅު (5) ބައެއްތަކެތި ފެނުކެއްކީމާ ނުވަތަ ހޫނުކުރީމާ އުފުލޭ ކުދިކުދި ތަންކޮޅުކޮޅު (6) ޒިންކާއި އެލްމެނިޔަމް ފަދަ ތަކެއްޗަށް ލޮނުގެ އަސަރުކުރުމުން އުފުލިފައި ހުންނަ ހަރު ތަންކޮޅުކޮޅު
ބިލިވަރޮހެދުން
މ ކެއުން މަޖާ ކުރުމަށް ސުފުރާމައްޗަށް ގިނަތަކެތި އެއްކޮއްގެން ކެއުން
ބިލެތާދިޔުން
މ (1) މައުލޫދަށް ކިޔާން ބިލެތް ހިފައިގެން ދިއުން (2) ހ މަޢުލޫދަށް ބިލެތްބަލައި ކޮންމެވެސް ރަށަކަށް ދިއުން
ބީވުން
މ (1) ވަކިވުން (2) ގެއްލުން (3) ނެތިދިއުން