radheef.info
ރަދީފު


ކޮންމެ
ނއ (1) ގިނަ އެއްޗެހިތަކެއްގެ ހުރިހައި ތަކެތި ވަކިވަކިން ބުނެދިނުމަށްޓަކައި ބޭނުންކުރާ ބަހެއް މިސާލު: ކޮންމެ ފޮތެއްގައި ނަންބަރުޖަހާށެވެ (2) ގިނަ ބައެއްގެ ތެރެއިން ހުރިހައި މީހުން ވަކިވަކިން ބުނެދިނުމަށްޓަކައި ބޭނުންކުރާބަހެއް މިސާލު: ކޮންމެ ކުއްޖަކީ ފަތަން ދަންނަ ކުއްޖަކަށް ވާންވާނެއެވެ
އޮފިސަރު
ނ (1) ސަރުކާރުގެ ކޮންމެވެސް ކަމެއް ބަލަހައްޓާން ޙަވާލުވެފައިވާމީހާ (2) ސިފައިންގެ ނުވަތަ ފުލުހުންގެ ވަކިދަރަޖައެއްގެ ވެރިއެއް
އޮގަރުކިޔެވުން
މ (1) އޮގަރުމަސްލިބޭ މީހާ އަހަރަކު އެއްފަހަރު ކައްކައިގެން ޞަލަވާތް ފާތިޙާ ކިޔެވުން (2) މަސްދޯނި ފަހަރުން އޮގަރުމަސްދީގެން ކޮންމެ ދުވަހަކު މަސްދޯނި ލަފާއިރު އެތާ އިނދެގެން ޞަލަވާތްފުޅާއި ފާތިޙާ ފަރިއްކޮޅު ކިޔެވުން އޮގަރު ކިޔަވާއިރު ހުރިހާ ވަލީވެރިންނަށް ފާތިޙާ ފަރިއްކޮޅު ކިޔަވައިފައި ކަނޑުމަތި ފާތިޙާ ކިޔަވާނެއެވެ (3) ރާވެރީން ރާތަށްޓެއް ދީގެން މިފާތިޙާ ކިއުއްވުން
ވަހެއް ދުވުން
މ (1) ކޮންމެވެސް ވަހެއް ނޭފަތަށް އިޙުސާސްވުން މަޖާޒު: (2) ކަމެއް ހިނގާކަން ތިމާއަށް އެނގިގެން އެހެން މީހުންނަށް އެންގުމަށްޓަކައި އިޝާރާތަކަށް ބުނެއުޅޭ ބަހެއް (3) ކަމަކާ ދޭތެރޭ ގޮތަކަށް ހީވުން
ވަނދުވުން
މ (1) މޭވާ ފަދަ ތަކެތި ލިބޭ ކޮންމެވެސް ގެއްލުމަކުން ހަރުވެ ފުރިހަމަނުވާގޮތްވުން (2) މަޖާޒު: ކަމެއްގައި ހުންނަންވީ ފުރިހަމަކަން ނެތުން
ވަނި
ނ (1) ފުއްޓަރު ފަރާތުގައި ގޮނި ގޮންޏަށް ވަދެފައި ހުންނަ އޮއިހެޔޮ ވަތްހެޔޮ ތަންތަން މަޖާޒު: (2) ނަހަމަގޮތުގައި ބައްދަލުވެއުޅޭ އެކަހެރި ތަންތަން (3) މަޖާ ވާހަކަ ދައްކައި ނުވަތަ ކޮންމެވެސް ކަމަކަށް ސައްލާކޮށް އުޅުމަށް ކަނޑައެޅޭ ބަޔަކު އެއްވާ ތަން
)މުސްކުޅިބަހެއް( ކޮންމެއެއްޗެއްވެސް ރަނގަޅުވުމަކީ އެއެއްޗަކުން ހިފެންވާ ބޭނުން ރަނގަޅަށް ހިފުމެވެ. ވަޅިން ހިފަންވާ ބޭނުން ރަނގަޅަށް ހިފޭނީ އޭގައި ތޫނުކަން ހުރިއްޔާއެވެ. ހަމަ އެފަދައިން އަނބިމީހާވެސް ރަނގަޅު އަނތްބަކަށްވާނީ އުޅުންހުރި ގޮތްހުރި ހެޔޮމީހަކަށް ވިއްޔާއެވެ މިބަސް އާންމުކޮށް ބޭނުންކޮށް އުޅެނީ އަނބިންނާ ބެހޭގޮތުންނެވެ ވަޅިރީތީ ތޫނިއްޔާއެވެ އަނބިރީތީ ހެވިއްޔާއެވެ
)މުސްކުޅިބަހެއް( މިހެން ބުނެއުޅެނީ ޝަރިޔަތުގައި ކޮންމެ އެއްފަރާތަކަށް ބުރަވާގޮތަށް ނިޔާ ކަނޑައެޅިއްޖެކަމަށް ހީވީމައެވެ ވަކަރުގަނޑު މާވަޑިޔާ ހިތެކެވެ ނިޔާ ފަނޑިޔާރާ ހިތެކެވެ
ވަކާރަންއެޅުން
މ )މިސާލު( )ވަކާރަށް އެޅުން( ކޮންމެވެސް ބާވަތެއްގެ އެއްޗެއް އެއްތަނަކަށް އެޅުން މިސާލު: ހީވަނީ ވަކާރަށް އަޅައިފައި އޮތްހެނެވެ
ވަކި
ނ (1) ގޮވާމުގެ އޮއްޓަރު (2) ބައެއްގަސްގަހުގައި އަޅާ ކުދި ތަކެތި (3) މިނިކާ ނުވަތަ އަތްފައިން ޝިކާރަކުރާ ޖަނަވާރުގެ ނިޔަފަތި (4) އޮށްވަޅު ކުޅޭއިރު ހިލާވަޅުގެ ކުރީވަޅުގައި އޮންނަފުށް (5) ގުޅުން ކެނޑިގެން ނުވަތަ މެދުކެނޑިގެންވާ ދުރު (6) އެއްޗެހިތަކެއްގެ ތެރެއިން ކޮންމެވެސް އެއްޗެއް އެހެނިހެން އެއްޗިއްސާ ކުރެވޭ ތަފާތު (7) އެކަހެރި (8) )މކ( މިޔަރުގެ ފީކަރުގައި ބައްދާން ގެންގުޅޭ ރޯނުންހަދައިފައި އޮންނަމަޅި
ވަކިވުން
މ (1) ގުޅުން ކެނޑިގެން ދުރުވުން (2) ކޮންމެވެސް އެއްޗެއް އެހެން އެއްޗިއްސާއި ތަފާތުކޮށް އެގުން (3) އެކަހެރިވުން
ވައްގަނޑު
ނ (1) އިހާގޮނޑީން ފަޅައިފައި ހުންނަ ތަންތަން. ގޮބޮޅިޔާއި އެތުމައުގެންފައި ހުންނަނީ މީގައެވެ. (2) ފުރާދުއްވާ ތަކެތީގެ ދެ ބަނޑުފިލާ އެއްކުރާން އަޅާ ދެފައިކައްޓަށް ހުންނަ އެއްޗެހި އެއީ މިގޮތަށް ދެފައިކައްޓަށް ހަރުކުރާން ހުންނަ ކޮންމެ އެއްޗެކެވެ (3) އުރަމަތީގެ ކުރީގައި ހުންނަ ކިރު ނުކުންނަ ތަންކޮޅު (4) ކިރު ހުންނަ ޖަނަވާރުގެ ކިރު ހުންނަ ގުނަވަން (5) ކުރާ ފަދަ އެއްޗެހީގައި ފެން އޮހޭން ހުންނަ ތަން (6) ބިލެތު ދާމުލުން ފަޅައިފައި ހުންނަގޮފި
ވަޙީ
ނ (1) ﷲގެ ކޮންމެ އެންގެވުމެއް (2) ނަބީބޭކަލުންނާއި ރަސޫލުބޭކަލުންނަށް ﷲ އަންގަވާ ޙުކުމްފުޅުތައް (3) ކަލާމުﷲ )ކީރިތި ޤުރުއާން(
ވާހަކައޮޑި
ނ މަޖާޒު: ހިނގާހައި ކަމަކާ ވާހައި ކަމެއްގެ ވާހަކަ ދާ ކޮންމެތާކު ދައްކާ މީހާ
ވާރުއޮޑީމީހުން
ނ ވާރަށްނެގޭ ތަކެތި ހިފައިގެން ދަތުރުކުރާން ވާރުދޭ ދިހަބައި ހަރުންކުރެ ކޮންމެ ބައިހަރަކުން އަހަރަކު މީހެއްމަގުން ތިބޭންޖެހޭ މީހުން. މިމީހުންނަށް އޮންނާނީ މަހަކު ދެލާރިއާއި ކޮއްތެވެ. މިލާރިއަކީ އިހުގެ ދިގުލާރިއެވެ. ވާރުނުނެގޭ ރަށްރަށުން މީހުން ކުރާން ޖެހޭނީ އެކަމަށްޓަކައި އެރަށެއްގެ ވާރު މާފުވެވުނު ފަރާތެއްގެ މަސައްކަތެވެ ގޮއި އޮޑި ދުއްވާ ރަށްރަށުގައި މިމީހުން ތިބޭނީ ގޮއިއޮޑީ މީހުންކަމުގައެވެ
ވާދިގުއުނދޯލި
ނ ދެފަށުން ނުވަތަ ހަތަރު ފަށުން ބައިން ޖަހައިގެން މަތީކޮޅު ދިގުކޮށް އެއްވަލަކަށް ނުވަތަ މިގޮތަށް ކޮންމެ ވަލެއް ވަކިން ނުވަތަ މިނޫންވެސް ގޮތަކަށް އެލުވާ އުނދޯލި މިއުނދޯލި އާދައިގައި އެލުވާ އުޅެނީ އުސްގަސް ގަހުގައެވެ
ވާޖިބު
ނ (1) ލާޒިމު (2) ތިމާކޮންމެހެން ކުރަންޖެހޭ ކަންތައްތައް
ވިހޭރަށުގައި މަރުވާން ނުލިބުން
)މިސާލުބަހެއް( ކޮންމެވެސް ސަބަބަކާހެދި އުފަންވީ ރަށުގައި މަޑުވެ ހުރެވޭނެގޮތް ނުވުން
ވިރުން
މ (1) އެއްޗެއް ކޮންމެވެސް ތާސީރަކުން ގިރެމުންގޮސް ދިޔާވުން (2) މަޖާޒު: ނިހާޔަތަށް ބިރުގަތުން
ވިރުދު
ނ (1) އެކިދުވަސް ދުވަހު ކިޔަވަމުން ގެންދަން ހަމަޖައްސާފައިވާ ކިޔެވެލީގެ ބައިބައި (2) ކޮންމެ ދުވަހަކު އާދަކޮށް ކިޔަވާތަކެތި
ވިކެޓް
ނ ކިރިކެޓް ޕިޗުގެ ދެކޮޅުންކުރެ ކޮންމެ ކޮޅެއްގައި ޖަހައިފައި ހުންނަ ތިންގަނޑު ދަނޑި