radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ހިމަބޯދު
ނ ބޯދީގެ އާއިލާގެ ބާވަތެއް މިއީ އެހެނިހެން ބޯދީގެ ބާވަތްތަކަށްވުރެ ހިމަ އެއްޗެކެވެ މީގެ ބަނޑުދޮށް ފަރާތުން ކަރުތާފަތާ ދިމާ ތިރީގައި ހުންނަ ކޮތަރިބައި ބޮލުގެ ދިގުމިނުގެ ދެބައިކުޅަ އެއްބައިހާ ދިގެވެ މަހުގެ ކުލައަކީ މަޑު ފިޔާތޮށި ކުލައެވެ މަހުގެ ތުނބުން ފެށިގެން ލޯހުރަސްކޮށް މަހުގެ ކަރުތާފަތްގަނޑުގެ ކޮޅަށް ގަދަމުށި ކުލައިގެ ރޮނގެއް ދެމިފައި ހުރެއެވެ
ހިމަފުށް
ނ (1) އޮލަފުށް (2) ހިއްތަލަފުށް ހަދާއިރު އެންމެ ހިމުންކޮށް ނަގާބައި
ހިމަފޮދުވާރޭ
ނ ތުނިކޮށް ވެހޭވާރޭ
ހިމާރުކުލުނު
ނ (1) ހިމާރުގެ ލޯބި (2) މަޖާޒު: ކަމެއްގެ އެދެމުގައި މީހަކަށް ހެޔޮކޮށް ހިތަހިތައި ހުރެފައި އެކަމެއް ފުދުމުން އެމީހަކަށް އިހާނެތިކޮށް ހިތާ ހިތުން
ހިމުންކުރުން
މ (1) ފުއްކުދިކުރުން (2) ރާޅުކަން ކުޑަކުރުން (3) ދެގަނޑެއްޗެއް ގާތްކޮށް ޖެއްސުން
ހިމުންވުން
މ (1) ފުއްކުދިވުން (2) ރާޅުކަންކުޑަވުން (3) ދެއެއްޗެއްގެ ފައްތަރު ގާތްކޮށް ޖެހުން (4) ހިންމިގާތްވުން
ހިމުންފުށް
ނ (1) ހިމުން ކޮށް ހުންނަފުށް (2) އޮލަފުށް
ހިމޭނުން
ކއ (1) މަޑުމައިތިރިކޮށް (2) އެގޮތްމިގޮތަށްނޫޅެ (3) ހިމޭންކަމުގައި
ހިފަހައްޓައިލުން
މ (1) އޮބަހައްޓައިލުން (2) ދޫކޮށްނުލުން (3) ދިޔަނުދީ މަޑުކުރުވުން
ހިފައިލުން
މ (1) ބޮޑުކަމަކަށް ނުހަދާ ހިފުން (2) ކުޑަކޮށް ހިފުން
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހިތިބަދަން
ނ ބޭހަށް ބޭނުންކުރާ އެއްޗެއް މީގެ ތޮށިގަނޑު ހަރުވެފައި ތޮށިގަނޑުގެ ކުލަ ހުންނާނީ ފެހިކުލައެއްގައެވެ މިއީ ކާފޫރުތޮޅިއަށްވުރެ ކުޑަކޮށް އެކަހަލަ ސިފައަކަށް ހުންނަ އެއްޗެކެވެ ބޭހަށް ބޭނުންކުރަނީ އެތެރޭގެ މަދެވެ
ހިތިބޯ
ނ އެމުގެބާވަތެއް: މިއީ ހުޅުނބުތައް ވަރުގަދަކޮށް ހުންނަ ކަށި ގިނަ އެމެކެވެ މީގެ މަތީފަރާތުގައި ހުންނަނީ ފެހިއަޅި ކުލައެކެވެ ހުޅުނބުތަކުގެ ކައިރިފަށް ހުންނަނީ ކަޅުކުލައެއްގައެވެ މީގެ ދެއަރިމަތީގައި ރިހިކުލައިގެ ފުޅާ ރޮނގެއް ހުރެއެވެ
ހިތިކަން
ނއނ (1) ހިތިރަހަދޭކަން (2) މަޖާޒު: ހިތަށް މާބޮޑަށް އަސަރުކުރަކޮށްފައިވާކަން
ހިތިފިލުވުން
މ ބައެއް ތަރުކާރީގައި ހުންނަ ހިތިރަހަ އެއިން ވަކިކޮށް ސާފުކުރުން
ހިތިދަނޑި
ނ ބޭހަށް ގެންގުޅޭ ހިތިރަހަލާ ހިމަދަނޑިއެއް މިއީ ރާއްޖެއިން ބޭރުން ގެންނައެއްޗެކެވެ މީގެ ގަސްހެދެނީ އޮނު ހުންނަ ގޮތަށް ބަދަބަދަލައިފައި ބަދަތައް ވަރަށް އޮމާން ކޮށެވެ ބަދަތައް ހުންނަނީ ހިމަކޮށެވެ ގާތްގަޑަކަށް ކުޑަވާއިނގިއްޔެއްހާ ފަލަމިނެއްގައެވެ ފަތްތައްވެސް ހުންނަނީ އޮނުފަތާ ވައްތަރުކޮށް އެއަށްވުރެ ކުދިކޮށެވެ މިގަސް ހެދެނީ ގާތްގަނޑަކަށް 5 ފޫޓެއްހާވަރަށެވެ އިނގިރޭސިބަހުން މިގަހަށް ކިޔަނީ ސިންކޯނާއެވެ
ހިތިދަމުއި
ނ ދަމުއިގެ ބާވަތެއް މިދަމުއި ހުންނާނީ ދިރިއާ ވައްތަރުކޮށް ދިރިފުކެއްގެ ދެބައިކުޅަ އެއްބައިވަރަށެވެ މިއަށް ހިތިދަމުޔޭކިޔަނީ ހިތި ކައްކާއިރު އެއަށް އަޅަން ބޭނުންކުރާ އެއްޗަކަށްވާތީއެވެ
ހިތިތެޔޮ
ނ ވަރަށް އޮލަކޮށް ހުންނަ ބޭސްތެލެއް މިތެޔޮ ހުންނާނީ ކަޅުނޫ ކުލައެއްގައެވެ މިތެޔޮހަދަނީ ހިތިގަހުގެ ފަތާ މަލާ ދަނޑީގެ ތޮއްޓާ ހުރިހާ އެއްޗެއް އެއްކޮށްގެންނެވެ
ހިތިގަސް
ނ އުސްކޮށް ބޮޑުތާނގައި ފެތުރިގެންހެދޭ ލަކުޑިމޮޅުގަހެއް. މިގަހުގެ ލަކުޑި ހުންނާނީ މަޑުމުށިކުލައިގައެވެ. މިގަހުގެ ދަނޑިޔާއި ފަތަކީ އެކިކަންކަމަށް ފައިދާހުރިބޭހެކެވެ. ފަތްހުންނާނީ ކުރިޔަށް ހިމަކޮށް ބުޑުދޮށަށް ފަލަކޮށް އަރިޔަށް ލެނބިލައިފައެވެ ފަތުގެކައިރިފަށް ހުންނާނީ ތުނޑުތުނޑުލައިފައެވެ ފަތުގައި ވަރަށް ގިނަ ގަދަ ހިތިރަހައެއް ހުންނާނެއެވެ
ހިތީބޯޓް
ނ (1) ހިތިދުވަހަށް ހިތީ ކުޅިވަރަށް ހަދާ ވައްތަރުގެ ނައުޒޯނގު (2) މަޖާޒު: އަޞްލުގައި ނެތްއެއްޗެއް ކަމުން ދެއްކުން މިސާލު: ފޮތްތެރިއަކަށް ނުވާ މީހަކު ފޮތްތަކެއް އެއްކޮށްގެން ފޮތްތެރިއަކަށް ހެދިގެން އުޅުން