radheef.info
ރަދީފު


ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ހުންބަލާ ކަށިގަނޑު
ނ ހޫނުމިން ބެލުމަށްޓަކައި ބިއްލޫރިން ހިމަދިގުކޮށް ހަދާ އެތެރެއަށް ދިރޭރަހަ އަޅާ ބޭރުގައި ދަރަޖަތަކެއް ޖަހައިފައި ހުންނަ އާލާތެއް މީގެ އެއްކޮޅުގައި ދިރޭރަހަ ހަރުލާ ވަރަށް ފަލަކޮށް ހުންނަ ތަންކޮޅެއް ހުންނާނެއެވެ އެތެރޭގައި ވަރަށް ހިމަ ލޯވަޅެއް ހުރެ ހޫނުވުމުން އެލޯވަޅުން ދިރޭރަހަ ދަތުރުކުރާނެއެވެ ފިނިވާއިރަށް ފަލަތަނަށް ދިރޭރަހަތައް ފައިބާނެއެވެ
ހުންގާނުކުރެދިގަނޑު
ނ (1) ހުންގާނުގެ ފޫހަރުކުރަން އޭގައި ހަރުކުރާއިލި (2) ހުންގާނު އިލިގަނޑު
ހުންގާނުއުޅައްގަނޑު
ނ ހުންގާނުގެ ފޫހިފިހެއްޓުމަށް ހުންގާނުގެ އިލިގަނޑު އެޅުވޭގޮތަށް މައްޔަލުގައި ހަރުކުރާ އުޅައް
ހުންގާނުމައިފޮތި
ނ މައްޔަލުގެ ކިއްސަރަށް ކޮށާމަށާ އޮމާން ކޮށްހަދައި މައްޔަލުގާ ގުޅުވާ )ނުވަތަ ހަރުކުރާ( ހުންގާނުގެ ފުރަތަމަބައި
ހުރައްސާރަވަޑާން
ނ )ހ ( އޮޑިދޯނިފަހަރު ބަނދެ ނިމިގެން ކުރާ ކުދި ވަޑާން
ހުރަގެ
ނ (1) ކުށްވެރީން ހައްޔަރުކުރާގެ (2) ޖަލު
ހުރަސް
ނ (1) ހަނިދިގު އެއްޗެހީގެ ފުޅާމިން (2) ގޭގެ މަތިވަޑާން ގަނޑުގައި ހުރަހަށް އަޅާ ވަކަރު (3) ދަނޑިކޮށީ ކުޅިޖެހުމުގައި ޖަހާއެތިފަހަރެއް (4) ކުރިޔަށް ދާދިއުން މަނާކުރާ ކޮންމެ އެއްޗެއް (5) ފެންނަ ފެނުން މަނާކުރާއެތި (6) ދެއެއްޗެއް ޖެހުނަ ނުދިނުމަށް އެދެމެދަށްވަންނަދާފަރާ (7) ސުންނި އުރަ
ހުރަސްއެޅުން
މ (1) ކުރިބެއްދުން (2) މަގުބެއްދުން (3) ހުރަސްވަކަރު ބޭއްވުން (4) މަޖާޒު: އަނެކަކު ކުރާން އުޅޭކަމެއް ވިޔަނުދިނުން
ހުބެސުނބެ
ނ އެދުންވެރިކަމާއިއެކީ ވަސްގެން ކުރާލޯބި
ހުޅު
ނ (1) ގުޅިފައި ހުރިތަނުންވަކިނުވެ ލެނބި އެނބުރިވާނޭ ގޮތުގައި ދެއެއްޗެއް ގުޅުވާއެތި މިސާލު: )ހ( ދޮރުފަތުގެ ހުޅު )ށ( ފޮށީގެ ހުޅު )ނ( އުޅަނބޮށި ހުޅު (2) ރޯވެގެން އަރާފައި ހުންނަ އަލިފާން (3) ދެ ލަކުޑިގަނޑުގެ ކަންމަހާގޮތަށް އެއްކުރާން ކަނޑާ ކެނޑުމެއް
ހުޅުހުޅު
ނ ހުޅު މިބަސް ގިނަކުރުމަށް ބޭނުންކުރާ ގޮތެއް
ހުކުން
ނ (1) އަމުރު (2) ތާސްކުޅޭއިރު ގަދަކުރާ ރަނގަ (3) ނިޔާ
ހުކުންބުނުން
މ ތާސްކުޅުމުގައި ގަދަކުރާ ރަނގަ ބުނުން
ހުކުރު
ނ (1) ހުކުރު ހަތްދުވަހުގެ ފުރަތަމަ ދުވަސް (2) ހުކުރުދުވަހު މެންދުރު ވަގުތުގައި ޖަމާޢަތުގައި ކުރާ ފަރުޟު ދެ ރަކުޢަތް ނަމާދު
ހުކުރު ހިނގުން
ނ އިހުގައި ނަމާދުނުކުރާ މީހުންނާއި ހުކުރަށް ނުދާމީހުން ބެލުމަށް ހުކުރުދުވަހު ހަވީރު ފަނޑިޔާރުގޭގެ ނާއިބުބޭކަލަކާއި ދޭވާންޏަކާއި މަޖިލީހަށް އަރާ ބޭކަލަކާއި ދުއްރަހިފައިގެން ކޮލިހިނގާމަގު ވަށައިގެން ހިނގައިއުޅުނު ހިނގުމެއް. މިގޮތަށް ހިނގާއިރު މަގުމަތިން ފެންނަ ފިރިހެނުންކުރެން ހުކުރައްދިޔަތޯއާއި ނަމާދުކުޅަތޯ އަހައި ނޫންކަމަށްވާނަމަ އެމީހުން ތަޢުޒީރުކޮށްހަދައެވެ ރާއްޖެތެރޭގެ ރަށްރަށުގައި ވެސް ނައިބުންގެ ފަރާތުން މިކަން ކޮށް އުޅުނެވެ
ހުކުރުހައްޖެއް ލިބުން
މ މަޖާޒު: ކަމެއް ހީނުކުރާހާ މޮޅަށް ފަހިވުން
ހުކުރެދި
ނ ބޭހަށް ބޭނުންކުރާ ފަތްޕިލާވެއްޔެއް މިއީ ގާތްގަޑަކަށް ދެފޫޓުބަޔަށް ހެދޭގަހެކެވެ ފަތްތައް ހުންނާނީ ކުރަދިފަތާއި ވައްތަރުކޮށް އެއަށްވުރެ މާތުނިކޮށެވެ
ހުއިފަތުހިކާ
ނ ހިކާގެ ބާވަތެއް މިއީ ހަލުވި ޙަރަކާތްތަކެއްކުރާ ރީތި ހިކައެކެވެ މަހުގެ ކުލައަކީ ހުއިފަތުފެހި ކުލައެވެ ބުރަކަށިމަތިހުންނަނީ ފެހި ކުލައިގައެވެ މިފެހި ކުލައިގެ ތެރެއިން ރަތްކުލައެއް ފާއްދާފައި ހުރެއެވެ އަނގައިގެމަތިން ފެށިގެން ކަރުތާފަތުގެ ކުރީކޮޅާހަމައަށް ރިހިކުލައެއްގެ ރޮނގެއް ހުރެއެވެ
ހުއްފޮނި
ނ )ސ.( ރުކުރާ ގާ ނާޅައި ކައްކައިފައި ހުންނައިރު ކިޔާނަން
ހުވަނދުކޮތަން
ނ ފަތުގައި މީރުވަސްދުވާ ކުޑަވަރެއްގެ ގަހެއް. މިގަހަކީ ފަތްބޯކޮށް ހުންނަ ފަތުގައި ކެހެރިހުންނަ ޅަނދޮޅުކޮށް ހެދޭ ގަހެކެވެ މިއީ ބޭހަށް ބޭނުންކުރާ އެއްޗެކެވެ