radheef.info
ރަދީފު


ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
ބުދައަނބުރައިލުން
މ (1) ބުދަދުވަހުގެ ކުރަން ހަމަޖައްސައިފައި ވާކަމެއް ދިމާވިގޮތަކުން އެހެން ދުވަހެއްގައި ކުރުން. (2) ވަކިދުވަހެއްގައި ކޮށްއުޅޭކަމެއް ނުވަތަ ކުރަން ހަމަޖެހިފައިވާ ކަމެއް އެހެން ދުވަހެއްގައި ކުރުން
ބުޑު
ނ (1) ގަހުގެ ބިމާ ގުޅިފައިވާ ބައި. (2) ބިމަށްޖަހައިފައި ހުންނަ އެއްޗެއްގެ ބިމުގައި ޖެހިފައި ހުންނަ ހިސާބު. (3) ކައިރި. މިސާލު: ފާރުބުޑުގައި ބިތްބުޑުގައި ފުޅައްބުޑުގައި މުނިބުޑުގައި ފައިބުޑުގައި (4) ފިނދުމަސްގަނޑު (5) ދަނޑި ނުވަތަ ރިތްފަދަ އެއްޗެހީގެ ފަލަކޮޅު (6) އެއްޗެއް ބިމަށް ގަދަކުރުމަށް ކޮންކްރީޓުން ބިމުއަޑީގައި ހަދާބައި (7) ބިމަށްޖަހާ އެއްޗެއް ގަދަކުރަން ބިންމަތީގައި ހަދައިފައި ހުންނަބައި
ބެރުކަނިގަނޑު
ނ ޢީދާއި ހިތީގައި ރަދުން ވަޑައިގަންނަވާ ތަނެއްގެ ކައިރީގައި ބެރު އަޅުވަން ހުންނަ ކަނިގަނޑު މިކަނިގަނޑު ހުންނަނީ ޚާއްޞަގޮތަކަށް ހަދައިފައި ކުރަހައިފައެވެ
ބެރުމުސްކުޅިގޭ ހަންގަނޑު
ނ ބެރުޖަހަން ދަސްކުރަން ހަމުން ކެހެރި ނުފިލުވައި އަޅައިފައި އޮންނަބެރު މިއޮންނާނީ ބެރުމުސްކުޅި ގޭގައެވެ
ބެޓެރީ
ނ އިލެކްޓްރިކް ބާރުން ދިއްލާ ބައެއް އެއްޗިއްސާއި އިލެކްޓްރިކް ބާރުން ހިނގާބައެއް އެއްޗެއްސަށްލައްވަން ނުވަތަ ބޭނުންކުރަން ހަދައިފައި ހުންނަ އެއްޗެއް. މިހުންނަނީ ކަރަންޓް އުފައްދައިދޭ ބާވަތްތަކާއި ނުވަތަ އެބާރު ހިފަހައްޓައިދޭ ބާވަތްތައް އެތެރެއަށް އަޅައިފައެވެ މީގެ ތަފާތު ވައްތަރުތައް ހުރެއެވެ
)ވެލާނާ( ބޭރުވަޒީރު
ނ (1) ބޭރާބެހޭ ވަޒީރު (2) ޚާރިޖީވަޒީރު (3) ވެލާނާކަން މަތިކުރައްވާފައިވާ ބޭކަލެއް
ބޭބަންގާޅީ
ނ (1) ބަންގާޅު ގޮނި (2) ބަންގާޅު ގޮނި ކުރަހައިފައި އޮންނަ ޗާޓު
ބޮހ
އ ކޮބާ ކިހާވަރެއްވި އަހެރެންބުނިގޮތަށް ނޫންމިވީ؟ މިހެން ބުނެއުޅެނީ ދެމީހަކު ޒުވާބުކުރަމުންގޮސް ތިމާބުނިގޮތް ވީމައެވެ
ބޮނބިފާ
ނ ބޮނބިފާކުރަން އަޅައިފައި ހުންނަތަން
ބޮނޑިބަތްގަނޑު
ނ ކަނަމަދާ ހިކިމޭބިސްކަދުރާ އަންނާރު އޮށުން ކުރަހައިފައި ހުންނަ ބޮޑެތި ބޮނޑިބަތްތަށި
ބޮކިދަނޑި
ނ މަގުމައްޗަށް ނުވަތަ ހާމަތަންތަނަށް އަލިކުރަން ހޮޅިބުރި ނުވަތަ ބޮކި ހަރުކޮށްފައި ހުންނަ ދަނޑި
ބޮޑުހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަ ކުރާ ދެދުވަހާއި އެދެދުވަހުގެ ރެއަށް ކިޔާ އުޅުނު ނަމެއް. ރަމަޟާންމަހުގެ ބާވީސް ވަނަ ދުވަހަކީ ހެންވޭރު ބޮޑުހިތި ދުވަހެވެ. އެދުވަހުގެ ރެއަކީ ހެންވޭރު ބޮޑުހިތި ވިލޭރެއެވެ. ރަމަޟާންމަހުގެ ސައުވީސް ވަނަ ދުވަހަކީ މާފަންނު ބޮޑު ހިތި ދުވަހެއެވެ. އެދުވަހުގެރެއަކީ މާފަންނު ބޮޑުހިތި ވިލޭރެއެވެ. ހެންވޭރު ބޮޑުހިތި ވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ލޮނުޒިޔާރަތްކޮޅުގައި ހުންނަ ޙަބުޝީގެފާނުގެ މަޤާމުފުޅަށް ޒިޔާރަތްކުރައްވައި ފާތިޙާ ވިދާޅުވާށެވެ. މާފަންނު ބޮޑުހިތިވިލޭރޭ ރަދުން ޢިއްޒަތުގައި ވަޑައިގަންނަވަނީ ޢަލިރަސްގެފާނުގެ ޒިޔާރަތަށް ފާތިޙާ ވިދާޅުވާށެވެ. (2) މާލެއަތޮޅުގެ ފަޅުރަށެއް (3) އާދައިގެ ހިތިގަސް
ބޮޑުން
ނ (1) ރަސްކަމުގެ ބޮޑެތި ކަންތަކާދޭތެރޭ ރަދުން މަޝްވަރާ ކުރައްވާ މީހުން (2) ދައުލަތުގެ އިސްވެރިން (3) ޖަމާޢަތުގެ ޤަދަރުވެރިން
ބޮޑުންގެމަޖިލިސް
ނ ދައުލަތުގެ ކަންތައްތަކާމެދު ރަދުން މަޝްވަރާކުރައްވާ މަޖިލިސް މިމަޖިލިސް ދެމިއޮތީ ޤާނޫނު އަސާސީ ފާސްވުމަށް ދާންދެނެވެ
ބޮޑުބޭކަނބަލުން
ނ އިހުގައި ބޮޑު ހަނޑޫ ދެއްވައިފައި ތިބޭ އަންހެނުން. މީގެ ތެރޭގައި ކަމުވޮށި ކުރައްވައިފައިވާ ބޭފުޅުންނާއި ކަމުވޮށި ބޭފުޅުންގެ އަނބި އަނބިކަނބަލުންނާއި މެދުރީ މުސްކުޅިޔާގެ އަމުރުގެ ދަށުން ރަސްމީ ބައެއް ކަންތައް ކުރައްވާ އަންހެން ބޭފުޅުން ހިމެނެއެވެ
ބޮޑުކިޔެވެނިން
ނ އިހުގައި. ދުޢާ ވެރިކަމާ އޮލީއާ މިބާވަތުގެ ރަސްމީ ކިޔެވުން ކިޔަވަން ދައުލަތުން ޚާއްޞަ ކުރައްވާފައިވާ ބައެއް. މިޖަމާޢަތް އެކުލެވިގެންވަނީ ދެ ޚަތީބުންނާއި ދެމަލިމުންނާއި ފަނޑިޔާރުގޭ ހަތަރު ނާއިބު ބޭކަލުންނާއި އަދި ފަސްމުދިން ބޭކަލުންގެ މައްޗަށެވެ
ބޮޑުކޮށުން
މ (1) ލަކުޑިގަނޑެއް އެއްޗަކަށް ވަރުކުރުމަށް ނުވަތަ ސިފަގެންނަން ފުރަތަމަ ކޮށުން ކޮށައިލުން (2) މަޖާޒު: ކަމެއް ފުރިހަމަ ކުރުމަށްޓަކައި ކުރިން ކުރަންޖެހޭ މައިގަނޑު ކަންތައްތައް ކޮށްލުން
ބޮޑުއެސްމާ
ނ ރާއްޖެ ބައްޔަށާ ބަނޑުގެ ވައިފިލުވައި ޞިއްޙަތު ރަނގަޅު ކުރަން ހިލާ މޮޅު މަޢުޖޫނެއް މީގެ މައިގަނޑަކީ އެސްމަލެވެ
ބޯ
ނ (1) އިންސާނުންނާއި ޙައިވާނުންގެ ދެކަންފަތުންމަތި. (2) ކަނދުރާއިންމަތި. (3) ބައެއްތަކެތީގެ ކުރި. (4) މަތީކޮޅު. (5) ބިލެތްކަފާއިރު ކައިރިންނެގޭބައި. (6) ހަކުރު ހޫނުކޮށް ދިޔާކޮށްގެން ބޯ ކުރަންވީ އެއްޗެއްއަޅައި ކައްކައިގެން ކުރާއޮލަ. (7) ފަގުޑިއާއި ކައްޗާ ފަދަ ތަކެތި އޮޅާން ބަހައްޓާ ލަކުޑިން ހަދައިފައި ހުންނަ އެއްޗެތި. (8) ގަތާފައިގެ މަތީގައި ބާއްވާން ފޮތީން ފަހައި އެތެރެއަށް އެއްޗެތި ލައިގެން ހަދައިފައި އޮންނަ ވަށްބޯޅަ (9) ދިގުކޮށް ހުންނައެއްޗެއްގެ ބައްޓަމަށްވުރެ ފަލަކޮށް ބޮޑުކޮށް ކޮޅުގައި ހުންނަބައި މިބައި ޢާއްމުކޮށް ހުންނަނީ ވަށްކޮށެވެ މިސާލު: މޮހޮރުބޯ ނއ )01( ތުނީގެ އިދިކޮޅު (11) ފަތި މިނުން އިތުރު (21) ގިނަ )31( ބުއިން މިބަހުގެ ނަން އިތުރު މިސާލު: ބޯފެން )41( މަޖާޒު: ބުއްދިއާއި ފިކުރު
ބޯށި
ނ (1) ފަތް ކެޔޮގަހުން ނުކުންނަ މާގަނޑު. މިނޫނަސް ބައެއްގަސްގަހުން އަންނަ މާގަނޑަށްވެސް މިނަންކިޔައެވެ. މިސާލު: ކަރަންކާބޯށި. ކަފުރުތޮޅިގަހުބޯށި (2) ކަނޑޫ. ރަނޑޫފަދަ ތަކެތީގެ ތާފަތް. (3) ބޯށިގަސް )މިއީ އާންމުކޮށް ހޭޅީގައި ހެދޭ ބޯކޮށް ފަތްހުންނަ ގަހެކެވެ ( (4) ބޯށިގަހުގެ މާގަނޑު (5) ބޯށި ގަހުގެ އޮށް (6) ބައެއް ޒާތުގެ ކުރެހުމުގައި ކަންކަނުގައި ޖަހާމަލެއް (7) ފައްތަރުލައި ކަފާބިލެތުގެ ހުނގުލުކޮޅުގައިލާ ވަނާއެއް (8) )ހ ( އޮށްނާޅާ ހުކުރަދި