radheef.info
ރަދީފު


ބުން
ނ (1) ގަހުވަހަދާއޮށް (2) ނާފަހަރުގެ ގޯސީގެ ދަންމާނު ދަމާން ދުއްވާފައި އޮންނަ ގަސް (3) ސަބުދެރިޔާ މަތީން ދިރުނބަލަށް ނެރެފައި އޮންނަގަސް (4) ޒީލައިގެ އިދިކޮޅު (5) )ބދ ( ބަޑި (6) މަޒާޖު: ރުޅިމައްޗަށް ގޮސްގެން އަގައިން ނުބުނާ ނުބުނުން
ކަނޑުފެއްތުން
މ (1) ކަނޑުލައި މެރުން (2) މައްޗަށްނާރާނޭހެން ކަނޑުއަޑިޔަށް އެއްޗެއް ގެންބުން
ކަންނެޔޮބަލިކަން
ނ ލޭނުބައިވުމުގެ ސަބަބުން ހަށިގަނޑުގެ ބައެއްތަންތަނުގައި ނަގާ މުލިހި ފާޑުގެ ގަނޑެއް ގިނައިން މިގަނޑު ނަގަނީ އަތްފަޔާއި އުކުޅުވަޅު ފަދަ ތަންތާނގައެވެ
ކަޅިވިދުން
މ ބައްޔެއްގެ ސަބަބުން ނުވަތަ އެހެން ކޮންމެވެސް ކަމަކުން ލޮލުގެ ކަޅިހުއްޓިފައި ހުރުން
ކަޅުއޮށް
ނ ފަރުމަހުގެ ބާވަތެއް މިމަހުގެ ކުލައަކީ ކަޅުރަތްކުލައެވެ ބަޑުދަށް ފަރާތުގައި މިކުލަ ހުންނަނީ ވަރަށް ފަނޑުކޮށްނެވެ މަހުގެ ތުނބުން ފެށިގެން ލޯހުރަސްކޮށް ދެވަނަ ކޮތަރިބައި ނިމިފައިވާ ހިސާބަށް ކަޅުކުލައިގެ ރޮނގެއް ހުރެއެވެ މިރޮނގުގެ ފަހަތުން މަހުގެ ނަގޫކޮޅުގައި ކަޅުކުލައިގެ ލަފެއް ހުރެއެވެ މަހުގެ ތުނބުގައި ދެނަރުވާ ހުންނާނެއެވެ
)މުސްކުޅިބަހެއް( ކިތަންމެގާތް މީހެއްގެ ގާތުގައި ސިއްރެއް ބުންޏަސް އެސިއްރު ބޭޒާރުވެދާނެކަން އެންގުމަށް ބުނާބަހެއް ކަކޫގާތުގާ ބުނާވާހަކަވެސް ސިއްރެއްނުވާނެއެވެ
ކައްޗަރުވުން
މ ތަފާތު ދެނަސްލެއް ގުޅިގެން ދަރިން ލިބުން
ކަމަށްއިސްވުން
މ (1) ކަމެއްގެ ވެރިކަން ލިބުން (2) ކަމަކަށް ވެރިވުން
ކަމީރުވުން
މ އެއްޗެހި ހަދާން ކަމީރުކުރާ ފުށްގަނޑަށް ރާމާކަން ލިބުން
ކަފަވުން
މ (1) ބައެއްތަރުކާރީއާއި މޭވާ ގިނަދުވަސްވެގެން ތާޒާކަން ކެނޑި މޭލިވުން (2) ގިނަދުވަސްވުމުގެ ސަބަބުން ކާށިމުޑީގެ ފުށްކަން ކެނޑި ދެރަވުން (3) މަޖާޒު: މުސްކުޅިވެ ވަރުދެރަވުން
ކަތީބުބައި
ނ އިހުގައި ރަށްރަށުގެ ކަތީބުންނަށް އެރަށެއްގެ ރައްޔިތުންކުރާ މަސައްކަތަކުން ލިބޭއެއްޗަކުން އޮންނަބައި މިއީ ސައުވީސްބައިކުޅަ އެއްބައެވެ
ކަލަރުބިބީ
ނ ބިބީމަހުގެ ބާވަތެއް މިމަހުގެކުލައަކީ މަޑުމުށިކުލައެވެ މަހުގެ ތުންކޮޅުގައި ހުދުކުލައިގެ ކުދިކުދި ރޮނގުތަކެއް ހުރެއެވެ ނިގޫފަތް ހުންނަނީ ފަނޑު ރަތްކުލައެއްގައެވެ ބޮލުގެ ނިމޭ ހިސާބުން ކަރުތާފަތްގަނޑު މަތީން މަހުގެ ހުރަހަށް ފުޅާ ހުދު ރޮނގެއް ހުރެއެވެ މިމަހަށް ކަލަރުބިބީ ކިއުނީ މިހުދު ރޮނގަށް ނިސްބަތްކޮށެވެ
ކަސަބުބޯވަޅު
ނ ކަސަބުން ހިރުގަތައިގެން އަޅާ ބޯވަޅު
ކަސަބުގަނޑު
ނ ބޯވަޅުއެޅި ލިބާހުގެ ކަސަބުން ގަތައިފައި އޮންނަ ތިރީ ކައިރި
ކަސީދާ
ނ ކަސަބުން ކުރާ ޖަރީ
ކަސީދާކުރުން
މ ކަސަބުން ޖަރީކުރުން
ކާޅު
ނ (1) ކަޅު ކުލައިގެ ދޫންޏެވެ. މިއީ އިންސާނުން ކައިބޮއި އުޅޭ އެއްޗެއްސާއި ހަޑި ކުނި ބުންޏާއި ފުޅަ ތަކެތިވެސް ކައި އުޅޭ. ދަހި ލަދުކުޑަ އެއްޗެކެވެ. މީގެ ތުން ވަރުގަދަވެފައި ކަޅުވާނެއެވެ. ކާޅަކީ އެއްސިފައަކަށް ހަރަކާތްތެރިވެއުޅޭ އެކިއެކި ހިލަމަށްސިހޭ ހޭބަލާ ދޫންޏެކެވެ (2) ނއ މަޖާޖު: ލަދުކުޑަ (3) ބަނިޔާދަންކަން ނެތް
ކާމިޔާބީ
ނ (1) ފަތަޙަލިބޭލިބުން (2) ނަޞްރުލިބޭ ލިބުން (3) މޮޅުވާވުން (4) ބޭނުންފުދޭ ފުދުން
ކާމިޔާބުވުން
މ (1) ފަތަޙަވުން (2) ނަޞްރުލިބުން (3) މޮޅުވުން (4) ބޭނުން ފުދުން
ކާޑުބަލި
ނ ބައްޔެއްގެނަން. މިބައްޔަކީ ކާންނުލިބުމުގެ ސަބަބުން މާބޮޑަށް ހިކި ދެރަވެ އަތްފަޔާއި މޫނާއި ބަނޑު ފޮއްސިވާ ވުމެވެ
ކިނދުފާރު
ނ ޅަކުއްޖާގެ ކަންފަތުބުޑާއި އުކުޅުވަޅު ފަދަ ތަންތާނގައި ހެދޭ ފާރު މިފާރު ހެދެނީ ރަނގަޅަށް ކިނދުނުފިލުވުމުގެ ސަބަބުން ކަމަށްބުނެއެވެ