radheef.info
ރަދީފު


ރަތް
ނ (1) ވިއްސާރަ ދުނީގެ ކުލަތަކުގެ ތެރެއިން އެންމެ ތިރިޔަށް ހުންނަ ކުލަ (2) ސާފުލޭގައި ހުންނަ ކުލަ (3) ބެރެބެދިމަލުގައި ހުންނަ ކުލަ މިބަސް ނަން އިތުރަކަށްވެސް ބޭނުންކުރެއެވެ
ބޯކަށިކެޔޮ
ނ ކަށިކޭލުގެ ބާވަތެއް މިއީ ދޮންވީމާ ވަކުގެ ފުލާއެކު ރަތްވާ އަނގަކަހާ ކަށިކޭލެކެވެ
ބޯފޮޅިޔަށް ވަޑައިގަތުން
މ ބޯފޮޅިދުވަސް ދުވަހުގެ ހަވީރު ނުވަތަ ރޭގަނޑު އެތެރެކޮއިލު މިސްކިތްތެރެޔަށާއި މެދު ޒިޔާރަތް ދޮށަށް ހުކުރުމިސްކިތްތެރެޔަށާއި ދަންނަ މުޙައްމަދު ރަސްގެފާނު މިސްކިތްތެރެޔަށް ފާތިޙާ ވިދާޅުވަން ރަދުން ނުވަތަ ރަދުންގެ ބަދަލުގައި ޢިއްޒަތަށް ވަޑައިގަންނަވާ ބޭފުޅަކު ރަސްމީ ޢިއްޒަތުގައި ވަޑައިގަތުން
ބޯގަ
ނ މިސްކިތް މިސްކިތާއި ޒިޔާރަތް ފަދަ މުގައްދަސް ތަންތަން ބެލެހެއްޓުމަށް ވަގުފުކޮށްފައި ހުންނަ ބިންބިމާއި ރުއްގަސް
ކަހުރަބު
ނ ވަރަށް އިހުޒަމާނުގައި ދުނިޔޭގައި ހެދުނު މިހާރު ދުނިޔޭގެ އެއްވެސް ތަނެއްގައި ނުހެދޭ ބާވަތެއްގެ ގަހެއްގެ ކިރު މިއީ އެތައް ޒަމާނެއް ވަންދެން ބިމުގެ އަޑީގައި ހުރެ ފިތިހަރުވެގެން ހެދޭ ރީނދޫ ރަތްކުލައިގެ އެއްޗެކެވެ އަނގޮޓީގައި ޖަހާއެހުގެ ގޮތުގައްޔާއި ތަސްބީހަ ފަދަ ތަކެތި ހަދާށާއި ބޭސްވެރިކަމުގައި މިބޭނުން ކުރެވެއެވެ
ކަށިހިނި
ނ ހިނީގެ ބާވަތެއް މިއީ ކަޅުރަތްކުލައިގެ ހިންޏެކެވެ މިއީ ވަރަށްބާރަށް ދައިގަންނަ ހިންޏެކެވެ
ކަށިބޮލި
ނ )ޏ ( ބޮލީގެ ބާވަތެއް: މިބޮލީގެ މަތީފަރާތުގައި ހުންނަނީ އުންތަކެއްހެން ކަށިތަކެއް ފަޅައިފައެވެ މިއީ މަޑުރަތްކުލައިގައި ކުރީކޮޅަށް ހިމަކޮށް އޮންނަ ބޮއްޔެކެވެ
ކަށިކޮތަ
ނ ރައިވެރިމަހުގެ ބާވަތެއް މިއީ ކަރުތާފަތްމަތީގައި ތޫނުކަށިތަކެއް ހުންނަމެހެކެވެ މިމަހުގެ ހުޅުނބުތައް ވަރަށް ތޫނުވާނެއެވެ މަހުގެ ކުލައަކީ ރަތްކުލައެވެ
ކަށިތުންފިލޮޅު
ނ ފިލޮޅުގެ ބާވަތެއް މިފިލޮޅުގެ ކަރުތާފަތްގަނޑާއި ބޮލުގެ މަތީބައިގައި ހުޅުނބެއް ނުހުރެއެވެ ކަރުތާ ފަތްގަނޑުގެ މަތީބައިގައި ރަތްކުލައިގެ ލަފެއް ހުރެއެވެ މަހުގެ ކުލައަކީ މަޑު ވައިލެޓުކުލައަކާ ގުޅޭ މުށިކުލައެކެވެ މަހުގެ ތުން ހުންނަނީ ފިޔާތޮށިކުލައިގައެވެ
ކަށްގައު
ނ (1) މަހާނަގައު (2) )ބދ ( ރަތްއާނު
ކަނބިލި
ނ އެއްގަމު ދޫނީގެ ބާވަތެއް މިއީ ވަލުތެރޭގައި އުޅޭ ދޫންޏެކެވެ. މިދޫނީގެ ބަނޑުދަށާއި ކަރުދޮށާއި މޫނުމަތި ހުންނަނީ ހުދުކުލައިގައެވެ. ބުރިކަށިމަތި ހުންނަނީ ކަޅުއަޅި ކުލައެއްގައެވެ. ތުނބާއި ފައިގައި ހުންނަނީ ދޮންފެހިކުލައެވެ. ވަކި ޢުމުރަކަށް ދިއުމުން ރަތްރީނދޫ ކުލައަކަށް ފައިގެ ކުލަ ބަދަލުވެއެވެ. ތުނބުގެ މަތީކޮޅުގައި ރަތްކުލައެއް ހުރެއެވެ. ކާ ވަގުތާއި ސިހުން ލިބޭ ވަގުތުގައި ބޮލާއި ފިނދުފަތް ނަގައި ތަޅުވައި ތިރިކޮށް ހަރަކާތް ކުރުމަކީ ކަނބިލީގެ ޚާއްޞަ ސިފައެކެވެ މީހެއްގެ ނުވަތަ އެއްޗެއްގެ ހިލަމެއްވުމުން އަވަހަށް ފިލައި ބޮނދައެވެ
ކަނދިލިކެޔޮ
ނ މިއީ ފަތްކޭލުގެ ބާވަތެއް. މިއީ ބޮންތިރަތްކެޔޮ ފާޑަށްހުންނަ އެއަށްވުރެ ވަކުގެ އެތެރެހުދު ފަތްކޭލެއް މީގެ ގަހުގެ ދަޅިވެސް ހުދުވާނެއެވެ
ކަނޑަހިނި
ނ (1) ކަނޑާ (2) )ހ ( ރަތްހިނި
ކަނޑާ
ނ (1) ހިނީގެ ސިފައިގައި އެއަށްވުރެ ބޮޑެތިކޮށް ހުންނަ ދިރޭ އެއްޗެއް މިކަޅުކުލައިގައާއި ރަތްކުލައިގައި ހުރެއެވެ (2) ކެނޑުން މިބަހުގެ އަމުރު
ކަނޑިތޮޅި
ނ ރީތިގަހުގެ ވައްތަރެއް ކަމުގައިވާ ބިޔަކޮށް ހެދޭ ރަތްމާގަނޑެއް އަންނަ ގަހެއްގައި އަޅާ ތޮޅިއެއް މިތޮޅި ހުންނަނީ ފަތިކޮށް ކުރު މުށެއްހައި ދިގުމިނުގައެވެ
ކަނޑުހާ
ނ ފާނައިގެ މަސްވެރިކަމުގައި ބާނާ އުޅޭމަހެއް މި މަހުގެ ކުލައަކީ ދޮންރަތް ކުލައެވެ މަހުގައި ކުދިކުދި ތިކިތަކެއް ނުވަތަ ރޮނގުތަކެއް ހުރެއެވެ މަހުގެ ނިގޫފަތް ހުންނަނީ ހަނދުފަޅި ބުރަށް ކަފިކޮށްނެވެ
ކަނޑުހެނޑަމާދޫނި
ނ މާދޫނީގެ ވައްތަރެއް. މީގެފައި ހުންނާނީ ރަތްކޮށެވެ. ބޮލާ ކައިރި ހިސާބުން ތުންގަނޑު ހުންނާނީ ނޫކޮށެވެ މީގެ ބުރިކަށިމަތި ހުންނާނީ ކިރުޅިކޮށެވެ އެހެންތަންތަން ހުންނާނީ ހުދުކޮށެވެ
ކަނޑުކަޅުއޮށް
ނ ކަޅުއޮށުގެ ބާވަތެއް. މިއީ ފުންވިލުވިލާއި ތިލަފަޅުފަޅުގައި އުޅޭ މަހެކެވެ. މަހުގެކުލައަކީ ކަޅުރަތްކުލައެވެ މަހުގެ ތުނބުންފެށިގެން ލޯ ހުރަސްކޮށް ދެވަނަ ކޮތަރިބައިނިމިފައިވާހިސާބަށް ކަޅުކުލައިގެ ފުޅާރޮނގެއްހުރެއެވެ މިރޮނގުގެ ފަހަތުން މަހުގެނިގޫ ކޮޅުގައިކަޅުކުލައިގެ ލަފެއްހުރެއެވެ
ކަނޑޫ
ނ (1) ޗަސްބިމުގައި ތެދަށް ހެދޭގަހެއް. މިއީ އެއްވަރަކަށް ގޮފިލަމުން ހެދޭގަހެކެވެ. (2) ކަނޑޫގަހުގެ ލަކުޑި. މިއީ ވަރަށް މޮޅު ލަކުޑިއެކެވެ. އޮޑިދޯނިފަހަރުގެ ފަށަންލުމަށް ބޭނުންކުރަނީ މިލަކުޑިއެވެ. (3) ކަނޑޫގަހުގެ ވައް. މިވަކަކީ މަލުން ނުކުންނަ ހިމަދިގުކޮށް ދެކޮޅަށްތޫރިކޮށް ހުންނަ ތޮޅިއެކެވެ. މިވައް ދޮންނުވާއިރު ހުންނަނީ ފެހިކުލައިގައެވެ. ދޮންވުމުން ރަތްފެހިކުލައަކަށް ބަދަލުވެއެވެ. މިވަކަކީ ފަލަމަޑީގެ ގޮތުގައި ކެއުމަށްވެސް ބޭނުންކޮށްއުޅޭ އެއްޗެކެވެ
ކަނޑޫ ކަކުނި
ނ ކަނޑޫފަލުގައި އުލޭ ކަޅުރަތްކުލައިގެ ބޮޑެތި ކަކުނި
ކަނަހަނދުން
ނ ބޭހަށް ބޭނުން ކުރަން ގެންގުޅޭ ލަކުޑިއެއް މި އެންމެ ވައްތަރުވާނީ ރަތްބަބުރު ކެލައާއެވެ