radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ފަތިގަނޑު ނެގުން
މ މުންޑާއި ފިރިހެނުން އަންނަ ފޭލީގެ ކޮޅުމަތި ވަކިގޮތަކަށް ފަށްފަށް ޖެހުން
ފަތިގަނޑުޖެހުން
މ ކުޅޭ ކުޅިވަރެއް. މިއީ ގާތްގަނޑަކަށް ކައިވަތެއްގެ ދިގު ދެއިންޗި ފުޅާ ހޮޅިކޮށް އޮންނަ ހަތަރުގަނޑު ފަތިން ކުރެ އަތެއްގެ ތެރެއަށް ދެގަނޑު ފަތިލައިގެން ދެގަނޑު ދެގަނޑަށް ވަކިހަމައަކަށް ޖަހަމުން ކުޅޭ ކުޅިވަރެކެވެ. މިހަދައިފައި ހުންނަނީ އޮނުން ނުވަތަ ލަކުޑީންނެވެ. މި ކުޅިވަރު ކުޅެނީ ބަނޑިޔާ ނުވަތަ ޑަބިޔާ ޖަހައި ލަވަކިޔައިފައެވެ އަދި ޑަބިޔަލާއި ބަނޑިޔަލާއި ދޭތި ޖަހައިފައިވެސް މި ކުޅިވަރު ކުޅެއެވެ
ފަތިޖެހުން
މ ދެގަނޑުފޮތި އެއްކޮށްފައި ނުވަތަ ފޮތިގަނޑެއް މަޅައިލައިފައި ރޮދިޖެހުން
ފަތުންފަތްފަޅާ
ނ ފަތުގެ ކައިރި ފަށުގައި ހުންނަ އޮށަކުން ގަސްފަޅާ ފަތްބޯކޮށް ހުންނަ ދެތިން ފޫޓަކަށް ހެދޭ ގަހެއް
ހައް
ނ (1) ދިގުއޮޑިކޮށް އޮންނަ ލަކުޑިކޮޅެއްގައި ދެލޯވަޅު ތޮރުފާފައި އެއްލޯވަޅުން ކުސަފުރާފައި އަނެއް ލޯވަޅުން ވާލައްވާން ހުންނަ ކައްޕިފަދަ އެއްޗެއް. (2) ގުޑިވައިގައި ހިއްޕުމަށްޓަކައި ދަނޑިއެއްގެ ކުރީގައި ހަކެއްފަދަ އެއްޗެއް ހަރުކޮށް އެއަށް ދިދައިގެ ވާ ފަދައިން ވަލެއްލައްވައި ކޮޅަށް ޖަހައިފައި ހުންނަ ދިގު ދަނޑި (3) ސަންގު (4) ސަންގާ ވައްތަރު ކޮންމެ އެއްޗެއް
ހައްކަޖެހުން
މ )މަލިކު( ކުއްލިޖެހުން
ހައްވާމަހަ
ނ )ޏ ( ފަޅުގައިއުޅޭ ކަޅުކުލައިގެ ކުޑަމަހެއް މިއީ ފެނަށް ދިރޭމަހެކެވެ މަހުގެ ބަނޑުދޮށްހުންނަނީ ދޮންކުލައިގައެވެ މަހުގެ ބޮލާވީ ކޮޅުން ބުރިކަށިމަތިން ދެފަރާތަށް ހުދު ރޮނގެއްހުންނާނެވެ ނިގޫފަތުގެ ކައިރީގައި ދެފަރާތަށްވާގޮތަށް ވަރަށް ކުލަފަނޑު ރީދޫ ކުލައިގެ ރޮނގެއް ހުންނާނެއެވެ
ހައްދޫ ކަނޑިފަނިގޮޅާ
ނ )ޏ ( އަލަށްމާލެދާ މީހުން އަތުން ހައްދޫ ކަނޑު ފަހަނެޅީމައި އާދައެއްގެ ގޮތުން ނެގޭ ކޮންމެވެސް ފޮނިކާއެއްޗެއް
ހަވަރުފެންފޮޅިޔަށްއެޅުން
މ (1) ހަވަރު ގޮވާލުމަށް ފެންފޮޅި ފިހާން މަޖިލީހަށް އަރާ ބޭކަލުންގެ ގޭގެޔަށް ހަނޑޫ ބެހުން (2) މަޖާޒު: ތިމާޔަށް އިވުނު ޚަބަރެއް ހުރިހާތާކަށް ފަތުރަމުން ހިނގުން
ހަވަރުދުރޯ
ނ ހަވަރަށް ގޮވީމާ ހާޒިރުނުވާ މީހުންގެ އަތުން ނަގާ ލާރި. މިނަގާނީ ވާރުނަގާ ހަމައިގެ މަތީންނެވެ
ހަވަރުތުންފުހި
ނ (1) ހަވަރު ގޮވާލުން ކޭންބައްލަވައިގެން ހަވަރު އަތްފުއްސަވާން އެލުވައިފައި ހުންނަ ފޮތިގަނޑު (2) މަޖާޒު: ޝަހްވާނީގޮތުން ތިމާގާތަށް އައިކޮންމެ ފިރިހެނަކާ ޤަބޫލުވާ އަންހެނާ
ހަވާދު
ނ (1) ރިހަކައްކާއިރުއަޅާ ދިރި ދަވިއްގަނދު ކޮތަނބިރި ފިޔާ ލޮނުމެދު މިރުސް ފަދަ ރިހަޔަށްލާން ބޭނުންކުރާ ބާވަތްތައް (2) އަތްކަންކުރާމީހުން ރަނުގެ ބަޔެއް ގަހަނާގެ ކުރެހުމުގެ ތެރެއަށް އަޅާ ކަޅުކުލައިގެ އެއްޗެއް (3) ފޮނިތޮށި ހަވާދު
ހަވާދުކުރުން
މ ކަރުފައްޓަރުގެމަހި ކަންފަތުމުދި ފަދަތަކެތީގެ ކުރެހުން ރީތިކުރާން ކުރެހުމުގެ ތެރޭގައި ކަޅުކުލަޖެއްސުން
ހަވާދުތަޅާވަން
ނ ހަވާދު ހިމުންކުރަން ގެންގުޅޭ ވަން މިހުންނަނީ ދަނގަޑުން ނުވަތަ ލޮއިންނެވެ
ހަވާސާނޯޓް
ނ މައިގަނޑު ލިޔުމުގައި ވާއެއްޗެއް އިތުރަށް ތަފްޞީލު ކޮށްދިނުމުގެ ގޮތުން އެލިޔުމެއްގެ ތިރީގައި ނުވަތަ އެސަފުހާއެއްގެ ތިރީގައި ލިޔެފައި ހުންނަ ވާހަކަތައް
ހަވިއްތަ
ނ (1) ބުދުދީނުގެ މީހުން އަޅުކަން ކުރުމަށް ހަދައިފައި ހުންނަ ބައެއްކަހަލަ ތަންތަން (2) ބައެއް ރަށްރަށުގައި އަކިރިއާއި ވެލިން ފޮރުވިފައި ހުންނަ ބައެއްކަހަލަ އުސްތަންގަނޑު
ހަވޭލި
ނ (1) ދުރުތަންތަން ބަލާން ހަދައިފާހުންނަ އުސްގޭގެ (2) އިހުޒަމާނުގައި މުއްސަދިންނާ ޝާހީ އަންހެން ބޭފުޅުން ތިއްބެވުމަށް ބޭރު ފެންނަގޮތަށް ހަދައިފައި ހުންނަ އުސް ޢިމާރާތް
ހަމަނުޖެހުން
މ (1) ރަމަތަނުވުން (2) ދެކޮޅުވެރިކަން އުފެދުން (3) ޚިޔާލު ތަފާތުވުން (4) ވަޑާންކުރާއިރު ގުޅުވައި ދެގަނޑެތި ރަނގަޅަށް ފެތި ހިމުންނުވުން (5) ހަމަޖެހުން މިބަހުގެ އިދިކޮޅު (6) އޮންނަންވީ ރަނގަޅު ގޮތުން ނެއްޓުން (7) ފައްތަރު ފަރަގުވުން (8) ނ ގަޑުބަޑު
ހަމަރޮދިޖެހުން
މ ހަމަ ރޮއްޖަށް ފެހުން
ހަމަރޯނު
ނ ރޭނުން ގަނޑެއްގެ މަތި ތެދުކުރާން އެންމެ ފަހުން ދަމާރޯނު