radheef.info
ރަދީފު


ޒިކުރު
ނ މައުލޫދު ކިޔާހެން ޖަމާޢަތެއްގެ މީހުންކިޔާ ޢަރަބިޅެން ބައެއް މިއެކުލެވިގެންވަނީ ޙަމްދު ޞަލަވާތާއި ދުޢާއާއި މަދަޙަތަކުންނެވެ
ރާތީބު
ނ (1) ޞޫފީ އެކިއެކި ޖަމާއަތްތަކުގެ މީހުން އެކިއެކި ރޭރެއަށް ކިޔައިއުޅޭ މަދަހަ އާއި ޒިކުރު މިސާލު: ޙިދާދުރާތީބު ޖަލާލީ ރާތިބު (2) އިށީނދެތިބެ ޢަރަބިޅެން ކިޔަމުން ކުޅޭކުޅިވަރެއް މިސާލު: (ހ) ބޮޑުނަވު ރާތިބު (ށ) ކުޑަނަވު ރާތިބު
ރާތީބުކިއުން
މ ޞޫފީ އެކިއެކި ޖަމާޢަތްތަކުގެ މީހުން އެކިއެކި ރޭރެއަށް ކިޔައިއުޅޭ މަދަޙައާއި ޒިކުރު ކިއުން
ކައްކާބަދިގެ
ނ އިހުގައި ގަނޑުވަރުތެރޭގައި ހުރި ބަދިގެއެއް. ގަނޑުވަރުތެރޭގައި ކައްކާ އަހަރުމައްޗާއި މަސްމައްޗާއި ސަމާތެރޭގައި ޒިކުރުވެރީންނާއި ބެރުދުންމާރިވެރީންނާއި ކޮށީ މީހުންގެ ކޮއްތާއި އަރިހު ބޭކަލުންނާއި އަތަރުގޭ މީހުންގެ ކޮއްތު ކައްކަނީ މިތާނގައެވެ
އިރުވައިމައުލޫދު
ނ އިރުވަޔަށް ބަޑިހެލީމާ ބޮޑުދުންދޭ ފަންސަވީސް ޒިޔާރަތްދޮށުގައި ފަންސަވީސްރޭ ވާދެން ރެޔަކު ޒިޔާރަތެއް ދޮށުގައި ފޭލިގެ ޖަހައިހެން ކިޔައި އުޅުނު މައުލޫދު. މައުލޫދު ކިޔާނީ ޒިކުރުވެރީންނެވެ. މިމައުލޫދު ފަށައި މައުލޫދު ބުނެހަދާނީ ފަނޑިޔާރުގޭ ނައިބު ބޭކަލެކެވެ. މައުލޫދު ހުއްޓޭއިރަށް ބޮޑު ބަދިގެއިން ފާރުދޮށު ކޭމުގެ ދެކޭން ގެންނާނެއެވެ. މިކަން ކުރާނީ ސިއްކަގޭ ހަނގު ބޭކަލުންނެވެ. ބަޑިހެލީމާ މާބަނޑޭރި ބޭކަލަކު ސިއްކަގެއަށާއި ޒިކުރުވެރީންގެ މުރީދުގެއަށް އިރުވައި މައުލޫދު ކިޔުމުގެ ޚަބަރާ ފޮނުއްވާނެއެވެ
މާފަންނުފޮތުއެދުރުކަން
ނ ޒިކުރުވެރިންގެ އެއްބައެއްގެ ވެރިކަން ޒިކުރުވެރިންނަކީ ދުޢާ މާލޫދު ބުރުދާކިއުމަށް އިހުގައި ސަރުކާރުން ހުއްދަދެއްވާފައި ތިބޭ ޚާއްޞަ ބައެކެވެ
މުރީދު
ނ ޒިކުރުމާލޫދާއި ބޮޑުލަވަކިޔުމާއި ތާރަޖެހުންފަދަ ބައެއް ކަންތަކުގެ އެދުރުމީހާ
މުރީދުކަން
ނ ޒިކުރު މާލޫދާއި ބޮޑުލަވަ ކިޔުމާއި ތާރަޖެހުންފަދަ ބައެއްކަންތަކުގެ އެދުރުކަން )މިއީ އިހުގައި ރަދުން ދެއްވާ ހުއްދަޔަށް ލިބޭކަމެކެވެ
ފަށާހުއްޓުން
މ ޒިކުރު މާލޫދު ބުރުދާ ފަދަކަންކަމުގައި އިމާމަކަށް ވާމީހަކު އެކަން ފަށައި ދިނުމާއި ހުއްޓައިދިނުން
ސަމާއަށި
ނ ކިއެވެނި ބޭކަލުންގެ އަށީގެ ބިއްދޮށުބައި މިއީ ޒިކުރު ވެރިން ސަމާތާރަ ޖަހަން ތިބޭ ތަނެވެ
ސަމާތާރަ
ނ އަށްކަނަށް ހަދައިފައި ހުންނަ އޮނިގަނޑެއްގައި ގިގުނި ލައިފައި އެއްކޮޅުގައި މަޑިހަން އަޅައިފައި ހުންނަ އެއްޗެއް މިއީ ސަމާތެރޭގައި ޒިކުރުވެރިން ކިޔެވެނި ބޭކަލުންގެ އަށީގައި ޖަހާ ތާރައެކެވެ
ފަތަށްއެރުން
މ (1) ލިސްޓެއްގައި ނުވަތަ ރަޖިސްޓްރީއެއްގައި ނަން ލިޔެވުން. (2) ޅެން ކިޔާ މީހުންގެ ތެރެއަށް ނުވަތަ ޒިކުރު ކިޔާ މީހުންގެ ތެރެއަށް އާދައެއް ކަމަށް ދޭންވާ އެއްޗެއް ދީގެން ވަނުން މއިީ އިހުގައި ގަނޑުވަރު ތެރޭގައި ރަސްމީ ގޮތުން ކުރެވޭ ކަމެކެވެ
ފޮތުރިހި
ނ ޒިކުރު ބުރުދާ މާލޫދު ކިޔަންދާ މީހުންނަށް ދޭ ލާރިން ފޮތަށް ނަގާ ލާރި
ދުންނެގުން
މ ޒިކުރު މާލޫދު ބުރުދާ ކިއުންފަދަ ކަންކަމަކަށް ބަހައްޓައިފައި ހުންނަ ދުންކިބާ ނުވަތަ ދުންދަނޑިޖަހާއެތި އެކަން ނިމުނީމާ އެތަނުން ނަގައިގެން ގެންދިއުން
ޒިކުރަށްއެރުން
މ ރަދުންނަށް ވެދުން ކޮށްގެން ޒިކުރުކުރުމުގެ ހުއްދަ ހޯދުން
ޒިކުރުވެރިން
ނ (1) އިމާމަކަށް ވެގެން މާލޫދާއި ޒިކުރުލަވަ ފަށައި ހުއްޓުމުގެ ހުއްދަ ސަރުކާރުން ދެއްވައިފައި ތިބޭމީހުން (2) ސަމާތާރަ ޖެހުމާއި އެކަމުގެ ލަވަކިޔާ މީހުންނަށް ކިޔާނަން
ޒިކުރުލަވަ
ނ ޒިކުރު ކުރުމުގައި ކިޔަން ހަދައިފައި ހުންނަލަވަ