radheef.info
ރަދީފު


ގަމީސް
ނ ހަށިގަނޑު ނިވާކުރުމަށް ބޭނުންކުރާ ލިބާހާ ވައްތަރު ހެދުމެއް
ފަތިފުށް
ނ (1) ފަހާފައި ހުންނަ ލިބާހާއި ގަމީސް ފަދަ ތަކެތީގެ އެތެރެ ފަރާތް (2) މަޖާޒު: މީހަކަށް ކުރެވިފައި ހުންނަ ލަދުގަންނަންޖެހޭ ދެރަކަންތައްތައް
ވަގުޖީބު
ނ ބޭރަށް ނުފެންނަގޮތަށް ފަޓްލޫނާއި ގަމީސް ފަދަ އެއްޗެހީގައި ލާޖީބެއް
މަންސަފާ
ނ ލިބާސް ގަމީސް ފަދަތަކެތީގެ އެތެރޭ ޖީބު
މުޓިޔާ
ނ ގަމީސްފަދަ ތަކެތީގެ ފުރަގަހު ބަދަނުގެ މަތީކޮޅުގައި ހުރަހަށް ގުޅައިފައި އޮންނަ ފޮތިކޮޅު
މެހުން
މ (1) އެއްޗަކަށް އަނެކައްޗެއް ލެއްވުން. (2) އެމުނުން. (3) ގަމީސް ފަދަ އެއްޗެހިލުން. (4) އުޅާ ތަނޑުފަދަ ތަކެތި އަތުގައި އެޅުން
ފަށްއެޅިގަމީސް
ނ ރާއްޖޭގެ ސިފައިންނަށް ޚާއްޞަ ކުރެވިފައި އޮތް ގަމީހެއް )މިއީ ހުދު ގަމީހެކެވެ ( މިގަމީސް ހުންނަނީ ގިރުވާނުގެ ކައިރި ފަށުގައްޔާއި ގޮށްފަތީގެ ކައިރިފަށުގެ ބައެއްގައި ކަޅުފޮތިން ހިމަފަށެއް އަޅާފައެވެ
ފެތުން
މ (1) ފެންމަތީގައި އޮވެގެން ދެއަތުން ފަލިޖަހައިފައި ކުރިޔަށް ދިޔުން. ނުވަތަ ފަހަތަށް ދިޔުން. (2) ފުރާ ދުއްވާ އެއްޗެހި ފެން އަރައި އަޑިއަށް ދިއުން (3) ގެނބުން (4) އެއްޗެއްގެ ތެރެއަށް އެއްޗެއް ވަނުން މިސާލު: މިއުޅެނީ ގަމީސް ނުފެތިގެންނެވެ މިލަކުޑިގަނޑުގެ ދޫ ކޮރުވަޅު ތެރެއަށް ނުފެތެއެވެ (5) ހަމަޖެހުން މިސާލު: ރާގަށް ފެތުން ވަޒަނަށް ފެތުން (6) މަޖާޒު: ނުބައި ކަމެއްގައި ބެދުން
ދަށަށްޖެހުން
މ (1) ހުރިވަރަށްވުރެ ތިރިޔަށް ޖެހުން (2) ހިފަމުންގޮސް އެކަކު ވަތަށް ޖެހުން (3) ގަމީސް ފަޓްލޫނުގެ އެތެރެއަށް ލެއްވުން (4) ދަށްވާން ފެށުން
ދިވެހިހެދުން
ނ (1) ދިވެހި ފިރިހެނުން ބޭނުންކުރާ މުންޑާއި ގަމީސް ނުވަތަ މުންޑާއި ލިބާސް (2) ދިވެހި އަންހެނުން ބޭނުންކުރާ ބޯވަޅުއެޅި ލިބާހާއި ފޭލިނުވަތަ ބޯވަޅުއެޅި ލިބާހާއި ކަނޑިކި ނުވަތަ ނަންބަރ ހެދުން
ލުން
މ (1) އެއްޗެއްގެ ތެރެއަށް އެއްޗެއް ވެއްދުން ނުވަތަ އެއްޗެއްގެ ތެރެއަށް އެއްޗެއް ވައްޓައިލުން (2) ވަކިކަހަލަ މަސައްކަތެއް ކުރުމަށް ބުނެއުޅޭ ގޮތެއް މިސާލު: )ހ( ކަރަންޓުލުން )ށ( ފާޚާނާލުން )ނ( ބޯފެންލުން )ރ( ފަންގިލުން )ބ( ދަވާދުލުން (3) ގަޔަށްމެހުން މިސާލު: )ހ( ގަމީސްލުން )ށ( ގަންޖުފަރާސްލުން (4) ބައެއްކަހަލަ ކަންތައް ކުރުމުގެ މާނައިގައި ބުނެއުޅޭ ގޮތެއް މިސާލު: )ހ( ދޫލުން )ށ( ތަޅުލުން )ނ( އަޑުލުން (5) މަޖާޒު: ޖިމާޢުވުން
ގަމީހާ
ނ )ސ ( ގަމީސް
ގަމީހެ
ނ )ގ ( ގަމީސް
ގޮށް
ނ (1) ގަމީސް ލިބާސް ފަދަ އެއްޗެހީގައި ލުމަށް ތަފާތު އެއްޗެހިން ތަފާތު ގޮތްގޮތަށް ހަދައިފައި ހުންނަ އެއްޗެއް. (2) ގައިގެ އެކި ތަންތަނުން ފުއްޕާ ހަރު ތަންތަންކޮޅު. (3) ބައެއްކަހަލަ އެއްޗެހީގައި އުފުލިފައި ހުންނަ ހަރުތަންތަންކޮޅު. މިސާލު: ގަސްގަހުގައި ހުންނަގޮށް. (4) ލަކުޑި ކީހައިފައި ހުންނައިރު އާރުގެ މެދުގައި ހުންނަ ހަރުތަންތަންކޮޅު. (5) ހަށިގަނޑުގެ ބައެއް ނިޒާމު ހަމަޖެއްސުމަށްޓަކައި އިންސާނުންނާއި ބައެއްޙައިވާނުގެ ހަށިގަނޑުގެ ބައެއް ތަންތަނުގައި ގޮށްގޮށް ހެންހުންނަ ގުނަވަނެއް މިއީ ހަށިގަނޑަށް ބޭނުންވާ ބައެއް އެއްޗެހި އުފައްދައި ބޭނުންނުވާ ބައެއްޗެހި ނައްތައިލާ ގުނަވަނެއް މިސާލު: ކުޅުއުފައްދާގޮށް (6) ފަށެއްގެ ދެކޮޅު ހުޅުވުމަށް ބާރުކޮށް ޖަހާމަޅި މިސާލު: )ހ( ވަގޮށް )ށ( ދަމާގޮށް
ސޮހުން
މ (1) ބަނދެފައި ނުވަތަ އައްސައިފައިވާ އެއްޗެއް ދޫވެގެން ތިރިޔަށް ޖެހުން (2) ތިރިޔަށް އެލުން މިސާލު: އެ ގަމީސް އޮތީ މާބޮޑަށް ސޮހިފައެވެ (3) ތިރިޔަށްވެއްޓުން މިސާލު: )ހ( ފަޓްލޫނު ސޮހުން )ށ( މުންޑު ސޮހުން (4) އެއްލައިފައި ހުންނަ ތެލަނގަ ފަދަ ތަކެތި ވައިމަޑުވެގެން ތިރިވުން