radheef.info
ރަދީފު


ގަން
ނ (1) ރަށް (2) ރާއްޖޭގެ ބައެއް ރަށްރަށަށް ކިޔާނަމެއް މިސާލު: ހުވަދު އަތޮޅުގަން
ހަށަވާދަ
ނ (1) ލަދުގަންނަ ޒާތުގެ ޒުވާބު (2) ހިތާވާ މީހުނާ ސަމާސާ ގޮތުން ދައްކާ ލަދުގަންނަ ޒާތުގެ ވާހަކަ (3) ދެމީހަކު އެކަކު އަނެކަކަށްވުރެ ތިމާ މޮޅުކަމަށް ބުނެ ކުރާ ޒުވާބާއި ވާ އަރާރުން (4) )ސ ( ވައްބަހުން ދައްކާ ވާހަކަ
ހަށަވާދަކިޔުން
މ (1) ލަދުގަންނަޒާތުގެ ޒުވާބުކުރުން (2) ހިތާވާ މީހުނާ ސަމާސާ ގޮތުން ލަދުގަންނަ ޒާތުގެ ވާހަކަ ދެއްކުން (3) ދެމީހަކު އެކަކު އަނެކަކަށްވުރެ ތިމާ މޮޅު ކަމަށްބުނެ ވާހަކަދައްކައި ޒުވާބުކޮށް އަރާރުންވުން (4) )ސ ( ވައްބަހުން ވާހަކަ ދެއްކުން
ހަރުބީ
ނ (1) ރަދުން ނުވަތަ ރަދުންގެ މަޤާމުގައި ވަޑައިގަންނަވާ ބޭފުޅަކު ޢިއްޒަތުގައި ވަޑައިގަންނަވާއިރު ބެރުގައި ޖަހާ ލަވައާއި ފުމޭ ލަވަ ނއ (2) މުސްލިމުންނާ ދެކޮޅަށް ހަނގުރާމަކުރާ (3) މުސްލިމުންނާ ޢަދާވާތްތެރި
ހައިޑުރޯފޯބިޔާ
ނ (1) ފެންދެކެ ބިރުގަންނަ ބަލި، އެންމެ އާންމުކޮށް މިބަލިޖެހެނީ ކުއްތާ ދަތްއެޅުމުންނެވެ. (2) ވަކި އެއްޗެއް ދެކެ ގަންނަ ބިރު
ބަހުންމެޓާކަމުންރެކޭ
މަޖާޒު: ކަމެއްކުރާން ބާރުލައި ފޮނިކަނޑައިފައި އެކަންކުރުމުން ދުރުވެގަންނަމީހާ
ފަތިފުށް
ނ (1) ފަހާފައި ހުންނަ ލިބާހާއި ގަމީސް ފަދަ ތަކެތީގެ އެތެރެ ފަރާތް (2) މަޖާޒު: މީހަކަށް ކުރެވިފައި ހުންނަ ލަދުގަންނަންޖެހޭ ދެރަކަންތައްތައް
ފަތިފުށްކިޔުން
މ (1) މީހަކަށް ކުރެވިފައިވާ ލަދުގަންނަންޖެހޭ ކަހަލަ ދެރަކަންތަކުގެ ވާހަކަ ހާމަކޮށް ދެއްކުން (2) ބަދުނާމު ކުރުން
ހަތްހެއްތި
ނ )ސ ( ހަތްއަމުރު މިއީ އިހުޒަމާނުގައި ކޮންމެ ހުކުރު ދުވަހަކު ހުކުރުން ފޭބުމަށްފަހު ވެރީންގެ ފަރާތުން ރައްޔިތުންނަށް ކުރާ ހަތް އަމުރެވެ (1) މާތްކަލާގެއަށް ކިޔަމަންތެރިވާހެއްތި (2) ޒިނޭނުކުރާ ހެއްތި (3) ވައްކަން ނުކުރާ ހެއްތި (4) ދޮގުނުހަދާހެއްތި (5) ނަމާދުކުރާހެއްތި (6) ރޯދަހިފާހެއްތި (7) ވެރިންނަށް ކިޔަމަންގަންނަހެއްތި
ހަތްބަހައްޓާދޮރާށި
ނ ގަނޑުވަރުތެރޭގައި ހުންނަ ޚާއްޞަ ދޮރާއްޓެއް ރަސްކަލަކު ރަސްމީ ޢިއްޒަތުގައި ކޮއިލުތެރޭން ނުކުމެ ވަޑައިގަތުމަށްފަހު އަނބުރާ ކޮއިލު ތެރެއަށް ވަޑައިގަންނަވާއިރު މިދޮރާއްޓާ ހަމަވުމުން ހަތްކޮޅުތައް ހިފައިގެން ތިބޭ މީހުން ކިއެވެނި ބޭކަލުންގެ އަށީގެ ފާރުން އަޑިކޮށްލެވިފައިވާ ތަނެއްގައި ހަތްކޮޅު ބަހައްޓާތީ މިދޮރާށްޓަށް މިނަން ނިސްބަތްވެފައިވަނީއެވެ
ހަތްކޮޅު
ނ ބޮޑުކުޑައަކާ ވައްތަރު ގޮތަކަށް ވަށައި ކައިރީގައި ވިހޭފަށެއްލައިފައި ހަދައިފައި ހުންނަ އެއްޗެއް މިއީ އިހުގައި ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުން ބައެއްކަހަލަ ރަސްމީ ޢިއްޒަތުގައި ކަންކަމަށް ނުކުމެވަޑައިގަންނަވާއިރު އެބޭފުޅުންގެ އިސްތަށިފުޅަށް ނަގާ އުޅުނު އެއްޗެކެވެ
ހަތްއާރު
ނ ސައިޙޫން ޖައިޙޫން ޛިޖްލަތު ނީލު ފުރާތު ގަންގާ ޖަމްނާ
ހަލާހަރު
ނ ކުނާ ނުވަތަ ފޭރާންފަދަ ތަކެތި ހަރުން ވިޔާއިރު ދުޅަނަގަން ޙަރަކާތްކުރާބައި
ހާލިނެގުން
މ )ޏ ( އުދުހޭ އެއްޗެހިތަކެއް ގިނަ ޢަދަދަކަށް ބައިބަޔަށް އެކުގައި އުދުހުން މިސާލު: )ހ( ފުޅަނގިތައް ހާލިނަގަން ފަށައިފިއެވެ )ށ( އެތާނގައި މަދިރި ގިނަކަމުން ހީވަނީ ހާލިނަގާހެންނެވެ
ހިނދޫ
ނ )ބ ( (1) އާރުނުލާވަރުގެ ލަކުޑި (2) ގަސްގަހުގައި ގަންނަޅަވަކި (3) )ޅ ( ޅަނދޮޅު މިސާލު: މިގަހުގެ އެންމެ ހިނދޫ ކުރި
ހިންމަފުށީލަދުބޮޑުބޭހެދުން
(މިސާލުބަހެއް) ލަދުނުގަންނަންވީ ކަމަކަށް ލަދުނުގަނެ ލަދުގަންނަންވީ ކަމަކަށް ލަދުގަތުމުން ބުނެއުޅޭ ބަހެއް.
ހިރިމި
ނ ރުނބާ މުށީން ރުނބައެއްގެ ސިފައިގައި ހަދައިފައި ހުންނަ ކަންވާރެއް މިއީ ފަސް އަޑުބަޔާއި ވިހި އަޑުބަޔާ ދެމެދުގެ މިންވަރެއް ގަންނަ އެއްޗެކެވެ
ހިރުމާޖެހުން
ނ ހިރުގަނޑަށްޖެހޭ ބައްޔެއް މިބަލިޖެހުމުން ހިރުގަނޑުގައި ބިހިތަކެއް ނަގައިފައި އެބިހިތައް ދޮސްގަންނަނީއެވެ
ހިކިފަސްތަން
ނ (1) އެއްގަން (2) ރަށް
ހިތިދުވަސް
ނ ރަމަޟާންމަހު 22، 24، 26، 28 މި ހަތަރު ދުވަސް. މިއީ ރަސްމީ ގޮތުން ރަސްކަލަކު ބައެއް ވަލީވެރިންގެ ޒިޔާރަތަށް ފާތިޙާ ވިދާޅުވުމަށް ވަޑައިގަންނަވާ ދުވަސް ދުވަހެވެ. (1) ހެންވޭރު ބޮޑު ހިތީގައި ޙަބްޝީގެފާނުގެ މަޤާމްފުޅަށް. (2) މާފަންނު ބޮޑު ހިތީގައި އަލި ރަސްގެފާނު ޒިޔާރަތަށް. (3) ހެންވޭރު ކުޑަހިތީގައި މެދުޒިޔާރަތަށް. (4) މާފަންނު ކުޑަހިތީގައި ފަޤީހު ސުލައިމާނު ޒިޔާރަތަށެވެ. ފަހުން މިކަމުގެ ރަސްމިއްޔާތު ރޭގަނޑަށް ބަދަލުވީމާ އޮންނަނީ 23، 25، 27، 29 މިރޭ ތަކުގައެވެ
ހިތީކިޔެވުން
މ ހިތިދުވަހު އަޞްރު ނަމާދުން ފައިބައިގެން ބޮޑު ކިއެވެނީންނާއި ކަމުވޮށިނުވޮށީން އެދުވަހު ހިއްޗަށް ވަޑައިގަންނަވާ ޒިޔާރަތެއްގެ ކައިރީގައި ފޮތް ފޮއްޓެއް ކިއެވުން