radheef.info
ރަދީފު


ލޭ
ނ ދިރޭ ތަކެތީގެ ހަށިގަނޑުގެ ނާރުތަކުގެ ތެރޭގައި ހިތާއި ފުއްޕާމެޔާ ގުޅިގެން ހިނގާ ރަތްކުލައިގެ ދިޔައެއް
ހަނދުބަލާރޭ
ނ ހަނދުމަހުގެ ތިރީސްވިލޭރޭ
ހަނދުބެލުން
މ (1) މަހުގެ ތިރީސްވިލޭރޭ ހުޅެވި ހަނދު ފެނޭތޯ ބެލުން (2) ހަނދުމަހަށް ފެށުން
ހަނދުވަރުމޫސުން
ނ (1) އިރާކޮޅު ހަނދުވަރު ރީތިކޮށް އޮންނަ ދުވަސްވަރު (2) ހަނދުމަހުގެ ހަވަނަރޭން ފެށިގެން އަށާރަވިލޭރެއާއި ދެމެދު
ހަންގަނޑު
ނ (1) ބެރުޖަހަން ދަސްކުރުމަށްޓަކައި ބެރުއެދުރުގޭގައި އޮންނަބެރެއް. މިއީ ހަމުގެ ކެހެރިނުކޮށައި ދޫކޮށްއަޅައިފައި އޮންނަބެރެކެވެ. (2) ދިރޭއެއްޗެއްގެ ހަމުގެބައެއް. (3) ކުރަފަތްތޫނުކުރަން ގެންގުޅޭ ހަމުގެ ފޮތިވަރު. (4) އިހުގައި ކަސްޓަމުގައި އޮންނަ ބޮޑުފޮތެއް މިހަދައިފައި އޮންނަނީ ބޮޑެތި ކަރުދާސް ހުރިގޮތަށެވެ މިއީ ބޯޓުފަހަރުން ގެންނަމުދަލާއި ތަކެތި ބޭލޭވަރު ބަހައްޓާފޮތެވެ އަދި އެކްސްޕޯޓް އިންޕޯޓް ބަލަހައްޓާ ފޮތަކީ ވެސްމި އެވެ
ހަރަކާތް
ނ (1) ހިމޭނުގެ އަނެއްކޮޅު (2) ގުޑޭގުޑުން (3) ހެލޭހެލުން (4) އިޝާރާތް
އިނބަ
ނ ކަލޭ
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
އެލުން
މ (1) އެއްޗެއްގެ މަތީކޮޅު ތާކު ހަރުވެފައި އަނެއްކޮޅުތިރިއަށް ވީއްލިފައި އޮތުން. (2) ގަސްގަހުގެ ގޮފީގެ ކުރީކޮޅު ހުންނަންވީ ވަރަށްވުރެން ތިރިޔަށްޖެހިފައި އޮތުން. (3) ތެދަށް އޮންނަންވީ އެއްޗެއްގެބައެއް އޮންނާންވީ ވަރަށްވުރެ ތިރިޔަށް ޖެހިފައި އޮތުން. (4) މަޖާޒު: ނާކާމިޔާބުވެގެން ދެރަވުން. )އެލުނު ނނކ އެލިއްޖެ ނކ އެލެނީ ވވ އެލޭނެ ވނ އެލޭ! އމ
ވަރުނުލާރާޅުގަނޑު
ނ (1) މެދުނުކެނޑި ނަގާރާޅު (2) މެދުކެނޑުމެއްނެތި ނަގަނަގައި އޮންނަ ރާޅުތައް ޢާއްމުކޮށް މިބަސް ބޭނުންކޮށް އުޅެނީ މާލޭ ލޮނުޒިޔާރަތް ކޮޅުގައި އޮންނަ ރާޅުގަނޑަށެވެ
މިނާފަތި
ނ. (1) މިނާ އަމުނައިގެން ހަދާ ގިލޭ (ގިލަފަތި) (2) ރޮދިފަދަ އެއްޗަކަށް އަމުނައިފައި ހުންނަ މިނާތަކެއް (3) (ހ) ތަސްބީޙަ
ހަމިހިލެއި
ކއ )ސ ( ހަމަހިލޭ
ހަދަޘް
ނ (1) ހިނެއިންވާޖިބުވާވުން (2) ވުޟޫގެއްލޭ ގެއްލުން
ހަދިޔާ
ނ އެކުވެރިކަމުގެ ގޮތުން ނުވަތަ ގާތްކަމުގެ ގޮތުން މީހުންނަށް ހަމަހިލޭދޭ ތަކެތި
ހަދިޔާދިނުން
މ މީހަކަށް ހިލޭ އެއްޗެއްދިނުން
ހަތަރުއަވަށް
ނ މާލޭގެހަތަރުބައި އެއީ ހެންވޭރު މާފަންނު ގަލޮޅު މައްޗަންގޮޅި
ހަތާވީސް ކިޔެވުން
މ އިހުގައި ކޮންމެ ރޯދަމަހެއްގެ 72 ވިލޭރޭ ދަރުމަވަންތަ ރަސްގެފާނު މިސްކިތުގަޔާއި ދެގެދޭތެރެގަޔާއި ކުޑަކިބާ ބޭރު ގެކޮޅުތެރޭގައި ޤުރްއާން ކިޔެވުން. މިކަން ކުރަން ފަށަނީ ތަރާވީސްކޮށް ނިމުނީމާ ދަރުމަވަންތަ ރަސްގެފާނު މިސްކިތުގައި ބޮޑުކިޔެވެނިންނާއި ކުދިކިޔެވެނިންނެވެ. އޭރު 72 ފުކުގައި ދިއްލާފައި ހުންނާނެއެވެ. ކިޔަވާނީ ފޮތް ފޮއްޓެކެވެ. އެއަށްފަހު ގަނޑުވަރުތެރެއަށް ދުރުވެ ދެގެ ދޭތެރޭގައެވެ. މިވަގުތު ކުޑަކިބާ ބޭރުގެކޮޅު ތެރޭގައި ޚަތީބުބޭކަލަކު ފޮތް ފޮށިކޮޅެއް ބެހެއްޓެވީމާ. "ތިންމަހުރޯދަކިޔަވަން" އަށްޓަށް ދުރުވި ބޭކަލުން ނައްކާރަ ޖަހަންދެން ކިޔަވާނެއެވެ. ފަހަކަށް އައިސް މިކިޔެވުން ކިޔެވީ ހުކުރު މިސްކިތު ހަރުގޭގައެވެ
ހަތޭލިކަށި
ނ ނާފަހަރުގެ ރިޔަލާއި ސަތަރިއާއި ގޯނިފަދަތަކެތި ފަހަން ގެންގުލޭ ފަގަ ހުންނަ ކައްޓެއް މީގެ ތުނޑަށްވީކޮޅު އޮންނާނީ ތިން އަރިއަށް ވާގޮތަށް ކުޑަކޮށް ފަތާކޮށެވެ ތުނޑު ހުންނާނީ ކުޑަގޮތަކަށް މައްޗަށް ޅެނބިފައެވެ
ހަތްފުކުދިއްލުން
މ ވޮށުގައި ހަތްފުއްރޯކުރުން މިކަންކޮށްއުޅުނީ ރާއްޖޭގައި ވޮށްދިއްލި ޒަމާނުގައެވެ މިކަންކުރަނީ ރޯދަމަހުގެ އުފަލަށްޓަކައި މުލަރޯދަ ވިލޭރޭގައެވެ އަދި ބައެއް ޚާއްސަ ރޭރޭވެސް މިކަން ކޮށް އުޅުނެވެ
ހިނގާޞަލަވާތް
ނ އިހުގައި ސަރުކާރުގެ ފަރާތުން ޒިޔާރަތް ޒިޔާރަތްދޮށުގައި ކިޔެވި ޞަލަވާތް. މިޞަލަވާތް ކިޔަވައި އުޅުނީ ކޮންމެ ދުވަހަކު ޒިޔާރަތެއް ދޮށުގައެވެ. މާލޭގައި ހުރިހާ ޒިޔާރަތްވަށާ ޖެހުނީމައި އަނެއްކާ ފަށަނީއެވެ މިކަމަށް ގެންދާ ކޭން ކައްކަނީ ކަބާފާނު ގަނޑުވަރުގައެވެ
ހިރިކުލޭ
ނ )ބދ ( ތޫނުސިލޭހަ